بنات سااعدوني عرسي 16-3وين اسافر ؟؟؟؟

ش

شايه

عروس مبدعة

12-12-2005 | 07:56 AM

السلام عليكم ورحمة الله وبركاته

اخواتي الغاليات عرسي بشهر 3 وتقريبا نص شهر 3 وطبعا مااقدر اسافر اوروبا بسبب شدودة البرد فشرايكم باسطنبول وماليزيا ونمسا ومالديف تكون حارة او باردة واذا عندكم اقتراحات اخري لكن اكرر اريد بلد حار ماابغي اسافر واقعد طول اليوم بالفندق بسبب برد

ا

المتكتكة

عروس مشرقة

12-12-2005 | 12:12 PM

حبيبتي انا بعد انا بعد عرسي في نفس اليوم او محتارة مثلج .
الاقتراحات الموجودة: لبنان + مصر+ تركيا.
سنغافورة+ ماليزيا.
المالديف.
حبيبتي اذا قررتي طرشيلي على الخاص لاني للحين محتارة مثلج.
مشكورة.

د

دلوعه قطريه

مشرفة سابقة

12-12-2005 | 04:18 PM

عندكم تايلند وماليزيا الجو هناك يمكن يكون ادفى
او اذا تحبين عندج البلدان الساحليه بتكون ادفى

ا

ام محمد&

عروس متألقة

12-12-2005 | 04:28 PM

مراحب يا العروس سير سنغافورة وايد حلوة انا سرتها في شهر العسل في نفس وقت عرسج كان الجو حلو وفية هناك باجرة اسمها كروز وايد رررروعة الباخرة توديج ماليزيا الرحلة ثلاثة ايام اخذي الدرجة الاولي فيها سنما وسوق عروض وفيها مطاعم هندية وايطالية الرجة الاولي عبارة عن سويت وفية جاكوزي وصالة

د

دوحانية

مشرفة سابقة

12-12-2005 | 04:28 PM

روحوا موريشيوس وايد حلوة للمعاريس ^^

الله يوفقكم بس لو تأخرون أعراسكم يوم واحد عشان تحتفلون بيوم ميلادي : ) أمزح الغاليات ..

ر

رحيق دبي

عروس مشاركة

12-12-2005 | 04:56 PM

الغاليه المالديف وموريوشوس وايد غاليه
يعني الاسبوع بيكلف 9 آلاف للشخص

انا بيكون عرسي شهر اربعه وبسير سنغفورة واستراليا

ر

روزا

عروس متألقة

12-12-2005 | 05:25 PM

السلام عليكم

عزيزتي الخيارات اللي عندي حسب الأغلى...

موريشيوس

المالديف

ماليزيا

طبعاً حسب ميزانيتكم بس عن نفسي زرت ماليزيا ومره استانسنا ، وتقدرين تنظمين ليكم رحلة في أحسن المنتجعات في الجزر ونفس طبيعة المالديف وموريشيوس ، وبعدين ماليزيا فيها تغيير تقدرون تغيرون من جزر إلى جبال ومدن بينما المالديف وموريشيوس ما يقدر الواحد يقعد فيهم الا 10 أيام وبعدين يمل ...

وإذا حابة أسماء منتجعات من أفخم منتجعات العالم في ماليزيا أقدر أحط أسمائها ....

ـ

ـبـنـتــ

عروس رائعة

12-12-2005 | 05:31 PM

آنا اقترح عليكيىىىىى استراليآ

أو

ماليزيآ

والف مبروك مقدمــــــا 00

أ

أنا الشوق

عروس ماسية

12-12-2005 | 05:40 PM

عندج تركيا واستراليا ومالطا
ومبروك مقدما والله يوفقج
وخصوصا انا عرسج في يوم ميلادي
والف مبروك للمتكتكه

ع

عروس الدوحه

عروس ماسية

12-12-2005 | 06:17 PM

بنات شورااايكم اروح استراليا او ماليزيا من بيكون الجو ادفى لان لازم نحجز من اللحين اخااف بعدين يطلع فل الحجوزات ابغي اسافر على طوول ثاني يوووم

ر

روزا

عروس متألقة

12-12-2005 | 06:27 PM

ماليزيا حلوة احنا رحنا عائلة (يعني مو شهر عسل توني صغيرة) ومره استانسنا وفي جزر مخصصة لشهر العسل والمتزوجين حديثاً مثلاً بانكور ، بس احنا وعائلة والباقي كلهم شهر عسل وأوربيين ما كان فيه الا 3 عوائل مسلمة احنا وناس من جدة وعائلة باكستانية والباقي كلهم أوربيين والمنتجع في جزيرة بروحها وما يروح للجزيرة إلا سكان المنتجع ومصنف من أفضل 10 منتجعات في العالم وأحد أفضل 3 منتجعات في ماليزيا ...

ومن أفضل الأماكن لشهر العسل لنكاوي هدوء والتكاسي رخيصة والناس طيبين وودودين للغاية وفيها منتجع من أفخم منتجعات العالم وهو Four Season ومن أفضل الثلاثة بعد والجزيرة صوروا فيها فيلم Anna & the king ....

وإذا تبغين أي اقتراح للسكن أو الرحلة اني حاضرة .....

R

RoO7 QtR

عروس مشرقة

13-12-2005 | 02:59 AM

امم شوفو المكان الأنسب للميزانيه ..

يعني مو تروحون مكان وتخلصون فلوسكم ع التذاكر والفندق وهناك ماتستانسون ..

اذا الميزانيه متوسطه .. عندكم لبنان ( مع ان الاوضاع مو لي هناك) أو ماليزيا و سنغفورا.. انا رحت ماليزيا وسنغفورا بس رحنا عايله ولفينا اماكن وايد جزر ومنتجعات وجبل و مدن .. حلوووة وماعليها كلام

عروس الدوحه استراليا حلوة والكل يمدحها بس اغلى من ماليزيا من ناحية التذاكر و السكن ..

كريشما النمسا بعد واايد حلوة و ف شهر 3 بيكون بداية الربيع والجو بيكون حلوو .. بس اكيد بتجي أيام بارده وفيها مطر ..

وألف مبروك خواتي ..

م

مزروعيه

عروس متألقة

14-12-2005 | 11:50 PM

الصراحه...احلى بلاد للعرسان...

أستراليــــــــــــــا...

والله ما بتندمين....اسأل مجرب ولا تسأل طبيب....انا سرت لها لشهر العسل...والسنه اللي عقب بعد صيفت فيها واللي بعدها يعني ثلاث مرات ورا بعض......

ع

عروس الدوحه

عروس ماسية

15-12-2005 | 04:11 AM

بنات عندي هالاختيارات اختاروا الافضل واللي ماتكون باردة

سيشل

مالديف

سنغافورة

كوالالمبور

ماليزيا

بانكوك

اسطنبول

اختارولي يابنات اول شي على حسب البلد حار مش بارد ومطر

وثاني تكون حلوة للشهر العسل مايهمني الاسواااق

ر

روزا

عروس متألقة

15-12-2005 | 10:30 AM

هلا عروس الدوحة ....

حسب الجو :
المالديف وسيشل وسنغافورة وماليزيا وبانكوك (تايلند) كلها نفس الجو على خط الإستواء فيه أمطار وشوية رطوبة بس أحسن من جونا ...

أسطنبول باردة شوي ...

بالنسبة لأماكن شهر العسل :
المالديف وسيشل مقصد مميز لشهر العسل بس فيه ملاحظة عندي إذا انتون بتقعدون 15 يوم فيهم يمكن تملون لأنهم جزر وبحر ولاحظي أنه ما يكون في موسم كريسمس وأعياد رأس السنة لآنها تكون زحمة مره وأكيد الحجوزات full وإذا تحبين ضيفي ليهم موريشيوس نفس الطبيعة ....
المالديف أرخص من موريشيوس وموريشيوس أرخص من سيشل ...

تايلند : ما أحبذها لشهر العسل ...

ماليزيا : حلوة ومثل ما قلت الميزة أنكم بتغيرون أماكن يعني ما تملون كله بحر أو كله جبال وفيها تغيير وإذا كنتون بتروحون شهر 3 الوقت بيكون perfect ما فيه زحمة عرب ولا زحمة أوربيين والأسعار أقل من الأشهر الباقية ....وفيها نفس منتجعات المالديف وجزر مثل موريشيوس وفيها من أفضل منتجعات العالم وبعد أرخص من الجزر (سيشل وموريشيوس والمالديف) ....

تركيا : حلوة وبعد فيها بحر وجبال بس شهر 3 بتكون باردة يعني مثل جونا في شهر 1 بس حلوة بعد ، لكن الناس مو مره ، يعني الماليزين وأهل موريشيوس والمالديف أكثر ترحيب منهم ...

وألف مبروك

C

Crystala

عروس نشيطة

15-12-2005 | 11:40 AM

اختي انصحج تسيرين ماليزيا .. ثنتين من ربيعاتي سارن هناك حق شهر العسل .. وقالولي انها ولا اروع .. وبعد تايلند ..

يعني .. جو روووعة .. ومايكلفون وايد .. والمكان يجنن ..

ع

عروس الدوحه

عروس ماسية

17-12-2005 | 10:23 PM

بنات خلاص قررت ماليزيا بس موبارده وامطار شهر 3 وتقترحون كم يوم اقعد؟

ر

روزا

عروس متألقة

18-12-2005 | 06:50 PM

هلا عزيزتي عروس الدوحة

اختيار موفق ....

بالنسبة للأيام احنا رحنا 22 يوم وكان الرحلة روعة ....

إذا تبغين اي مساعدة اني حاضرة ....

حددي الميزانية وقولي ميولكم (تحبون الهدوء أو التسويق أو الألعاب) وإن شاء الله نقدر نفيدكم ....

ألف مبروك