عمر طفلك شهر او شهرين او ثلاث او اربع شهور تعااالي

هلا خواتي موضوعكم واجد حلو
انا من يدخلون اعيالى الرابع اعطيهم فواكة مثل التفاح المبشور او التفاح المفيوح مع قليل من الماء
وبعدين ابدأ بالتدرج اشوي اشوي

خواتي أنا سمعت وقريت في كتاب إن الطفل يبدأ يتغذى غير لحليب من الشهر السادس مش قبل
لأن جهازه الهضمي ما يكون مكتمل. طبيب بنتي اللي أراجع عنده وعنده دكتوراة في طب الأطفال قال ما في مانع أعطيها
الميلوريس بالرز في الشهر الخامس.
وأنا قري في كتاب إن الأطفال اللي ياكلون قبل الشهر السادس تصيبهم حساسية أو ربو أو أكزيما
فحرام تعذبونهم، وبعدين أنا بصراحة شفت اللي كلو قبل السادس كلهم يتهم حاسية في الصدر.
والسيريلاك واااايد ثقيل حرام تأكون الأطفال السيريلاك قبل 6 شهور. واللي صنعوه كتبوا عليه 6 شهور لأنهم عارفين مكوناته

بنات البرتقال يسبب النفخة مو بس للاطفال وللكبار كمان ديرو بالكم ،

انا بنتي عمرها شهرين و3 اسابيع كمان اسبوع تدخل في الرابع هي ترضع طبيعي ولكن في الليل مابتنام بحسها ما بتشبع قبل اسبوع او اثنين ادخلتها حليب صناعي وجبة واحدة قبل النوم وما شاء الله تنام طول الليل.. وبصراحة عجبتني فكرة منقوع التمر صديقتي كانت تحط العجوة في قطعة شاش وتلفها على شكل اللهايه وتعطيها لابنها من هو عمره شهر مع الحليب الطبيعي وما شاء الله صحته اليوم ممتازة عمره سنتين

موضوع رااايق الله يعطيك العافيه ياارب اني ولدي عمره شهرين الا عشر ايام وبديت اعطيه منقوع التمر ...
وافكر اعطيه مع الحليب اخلط له حلبه=+منقوع التمر + الحليب عاد مدري هالطريقه زينه ولا لا لاني ابيه يسمن ويربب

موضوعكم مرررررررررررره مفيد واستفدت منه كثيررررر

بس بعدني ماطبقت شي منه خخخخخ

بجرب اول شي منقوع التمر بس بعد مايكمل ولدي 3 شهور وياخذ من الرابع نصه

انا ولدي اول ما دخل الرابع عطيته سيريلاك والحمدلله تقبله...بس الفواكه الي غراش مثل جيربر كلش كلش ماله خاطر فيه ما يتقبله كلش اتلوع جبدة...انا الحين بستمر ويا السيريلاك اذا كمل الرابع ببدا اعطيه الفواكه المهروسه..مع الرز المهرس والخضار المهروسه...

فديت أطفالنا الله يحفظهم

انا ولدي توه داش الرابع عادي اعطيه سيريلاك ولا اتريا لين يكمل الاربع شهور

ابي اعرف طريقة الحله مع التمر؟؟؟

وانا ما راح ابدا ااكل ولدي ليمن يكمل الرابع باذن الله

انا بنتي ثلاثة شهور ونص اول ماخلصت شهر صرت اعطيها حلبه وينسون وبعد ماخلصت شهرين عطيتها منقوع التمر

كل مشروب اخليه لها يوم يعني ماعطيها في يوم واحد كل المشاريب


وان شاء الله بابتدي الاكل وياها في الشهر السادس

انا طفلي 4 شهور والدكتور يقول ابدئي اكليه من 6 شهور

انا بنتي عمرها 3شهور ونص وطمتها برتقال خفف بلماء وجزر مسلوق ومهروس وموز مهروس بلملعقه ووكاستر هههه وبتضحكون ابوها عطاها أيس كريم وهي عمرها 3ونص شهور وشكرا

مشكوررررررررررررررره

يعطيج العافية اختي
جزاك الله خير

يسلمووووو على المعلومات المفيدة

موضوع مفيد الله يعطيك الف عافيه

هلا خوااااتي ....انا ولدي عمره 5 شهور .....

وابي اعطيه حلبه عادي ولا لا .....



بنات انا قريت كتاب للاطفال......

من عمر 4 شهور الفواكه ...
من عمر 5 شهور خضروات
من 6 شهور القمح ...
من عمر 7 ... اللحووم
بنات عادي تعطين الطفل البيضه لكن الصفااااار ....مب البياض البياض عقب السنه ويفضل عقب السنه تعطينه اذا عندكو حساسيه بالعائله ....
وانصحكن البيبي اتحذرن تعطنه العيش المطبوخ الا بعد 6 شهور....

لانه يضرب بوعظيييييم ....للطفل وما يصيرياكل ولايشرب ويصيرضعيف ويتملل في نومه

حلو الموضوع بس كيف اعرف اذا صارت له حساسيه من الاكل ؟

طفلي عمره اربع شهور وثلاث ايام . بعدني مابديت اوكله .. ينفع اعطيه ميلوبا بالارز ......... اذا في وحده استخدمته تفيدني ارجوكم ...

مرحبا امهات اشحالكم؟

أنا بنوتي عمرها 4 شهور و23 يوم
تاخذ حليب صناعي وكنت احسها ما تشبع من الحليب فبديت احط لها بسكوت ميلوبا بتحصلينه (كرتونه خضرا مكتوب عليها من عمر 4 شهور) بديت احطلها مقدار نص بسكوته عشان اشوف اذا بتتقبله أو لا بس الحمدلله اتقبلته واشوي اشوي قمت ازيد الكميه والحين اعطيها بسكوته كامله...(مكتوب كم المقدار اللي لازم اعطيها للبيبي على الكرتونه)

الحمدلله قمت احسها تشبع الحين وترقد بالليل...والبسكوته سهلة الذوبان ولا يبين انج حاطه بسكوت...اللهم انه يعطي الحليب طعم لذيذ..

منقوع التمر هذا وايد زين للبيبي ومثل ما اتعرفين عزيزتي الأم ان التمر وايد فيه فوائد... ومن سنة الرسول انه لما انولد الحسن والحسين كان الرسول صلى الله عليه وسلم ياخذ اشوية تمر ويخليه في فمه الشريف ومن ثم يحطها في فم الحسن والحسين...هذا أحسن واكبر دليل على أنه مفيد وغير ضار

بالنسبه للأكل مب زين تعطووووون اكل لطفل ما كمل الشهر السادس لأن الطفل ما يكون جهازه الهضمي اكتمل وانتي يالأم اتكونين فرحانه يوم اتشوفين ولدج أو بنتج يتقبل الأكل ولكن ما اتعرفين إن هالشي بيضره.. جهازه الهضمي ما يقدر يهضم غير السوائل كيف تعطونه أكل؟

دكتور الأطفال نازعني وااااااايد لما قلت له اني ناويه اعطي بنتي أكل مهروس..

بالنسبه للعسل ممنووووووع قبل السنه تعطونه للبيبي ونفس الشي يرجع للبيض...حرام حار ومعدة البيبي ما تتحمل

انا مب مستعيله...ان شاء الله بنتي بتكبر وبتاكل كل اللي تباه وما بنقصر عليها بشي...لكن اشوي اشوي مب بالعجله..

هذا كل شي واتمنى اني فدتكم