محتارة لأي دكتورة أروح ساعدوني>>روضة عاجل

أنا ما أعرف احد من هالدكتورتين وصدقيني أول مرة بأسمع فيهم ، لكن عندك الدكتورة سامية سعفان في العيادة البريطانية أو الدكتور ولاء فخرو - عيادة خاصة - أو الدكتورة نايانا - المركز الطبي الجديد ، ودعواتي لك بكل توفيق ، وابقي طمنينا عنك ياقمر

هلا اختي يزاج الله خير على مرورج وان شاءالله بشوف

السلام عليكم و رحمة الله و بركاته

هلا بيكي أختي...

بصراحة مسألة إنه ظهرك يوجعك و إنتي لسه في الثالث أو أول الرابع مش صحية...و لازم تشوفي دكتورة فعلا..

الدكاترة ما شاء الله كثار...و كل واحدة ترتاح لدكتورة تتابعها...

عن نفسي أروح لدكتورة راوية عثمان...أحبها و أرتاح معاها...

روحي مع صديقتك أو بنت عمك على الدكتورة اللي مدحوها...و إذا ارتحتي لها كملي معاها...

الله يتمم لك على خير إن شاء الله...

والله يا مرموم خوفتيني زيادة وانا الحين ان شاءالله بستأذن من الدوام وبروح للدكتورة لانه بالفعل الالم لايحتمل

الله يعطيج الصحه والعافيه اختي,,

انا نفسج طول فترة حملي وظهري يعورني..بس ما كانوا يقدرون يسولي شي لاني حامل..وسيرتي للمستشفى بدون فايده..

بس انا كنت من قبل الحمل اصلا يعورني ومع الحمل زاد اكثر...بس ان شاءالله تسيرين العياده ويطمنونج ..

تطمني روضه انا نفس حالتج بس الحين الحمد الله شوي احسن وما عليج شر ان شاء الله...

انا بعد قبل كنت جذيه اعاني وكنت احس اني بموت من الالم بس الحمدلله من خلصت الوحام ودخلت الحين في الخامس ولله الحمد بالمره ماشي الالام الا اذا شليت شي ثقيل او طولت على النت بس
الله يشفيج اختي ويثبت حملنا ان شاء الله

هلا خوااااتي حبيت أطمئنكم

انه كل شي تمام

بس قالت لازم اشرب ماي وايد .. وانه عندي التهاب خفيف في البول عزكم الله وعطتني فوار سترات الماغنيسيوم و ودهان للظهري

والله الشافي

وماتشوفون شر ان شاءالله

ما تجوفين شر يا الغاليه...

الشر مااييج اختي :))))))))))