أبتدينا النكد والتنكيد

السلام عليكم ورحمة الله وبركاته


بدخل بالموضوع على طول لأني من جد بنفجر ماحد تاركني في حالي لا يوم كنت سمينه ولا

حتى بعد مانحفت يعني من جد مدري وش اسوي انا صحيح اني حساسه مررررررره بس هم

الحاجات اللي يقولنها لي تغث وتكسر نفسي وتحبطني حتى لو هي مو فيني والقصد منها بس

مضايقتي اللي نفسي بس اعرفه ليه في بشر تحب تجرح او بمعنى أصح ماتقدر تجرح الا

الطيب الساكت انا هذا اللي يقهرني من جد ...

ليه انا طبعا اقولكم هالكلام كله لأن من كم يوم جا أخوي عندنا وله فتره ماشافني ولما شافني

قالي والله ونحفتي كثير هاااااااه وش سويتي عشان تنحفين قلت له ابد والله كنت اسوي

رجيم ثم تخفيف وكنت أمشي أحيانا ومرات اسوي رياضه قالي اهااااااااااااه بس فعلا تغير

شكلك ترى الى هنا اوكي وفرحت وانبسطت انه قالي كذا الا أتفاجأ فيه بالليل يتصل ويقولي

اجل عطيني الرجيم اللي سويتيه قلت له طيب وعطيته له قام قالي لابس فعلا وضح عليك انك

نحفتي بس ترى وجهك جعد ايييييييييييش وجهي جعد قلت له كيف يعني جعد قال يعني فيه

تجاعيد !!!!!!!!! انا وجهي فيه تجاعيد ههههههههههههههههههههههههههههههههههههه

ياربي نفسي اعرف فايده وحده من هالكلام اللي قاله طبعا انا رديت عليه وقلت بالعكس والله

لافيه تجاعيد ولاشي طيب قلي وين هالتجاعيد قال عاد ماركزت وين هي فيه قلت له طيب تبي

شي قال خلاص وقفل والى يومكم يابنات ونا كل يوم اناظر نفسي بالمرايه واقول مدري

صحيح كلامه طلع بوجهي تجاعيد خليني اشوف ووالله العظيم مافيني تجاعيد ولاشي حتى من

أثر كلامه علي صرت اشوف الخطوط التعبيريه اللي بالعاده اذا الواحد ضحك تطلع له قلت لاتكون

هذي تجاعيد والله العظيم انه وسوس فيني لدرجه وغير كذا رحت لأخوي اللي معاي بالبيت

وقلت له على الكلام اللي قاله اخوي فقالي اتركيه يولي الا بالعكس والله انك وجهك صغر

وملاحك صارت بارزه اكثر من اول وصرتي احلى بكثير من اول بعد وفعلا انا نفسي هذا اللي

الاحظه فيني لأن الأول كانو الناس القريبين مني يقولولي ان وجهي ملامحه طفوليه وفعلا سبحان

الله انا ملامح وجهي طفوليه وماتدل اصلا على عمري اللي يشوفني يقول أصغر من السن اللي

انا فيه لدرجة ان بعضهم يقولي بأي صف تدرسين فلما اقولهم لا لي زمان من تخرجت والله العظيم

يقولولي مو باين عليك شكلك صغير .. فابعد مانحفت بالعكس برزت ملامح وجهي وصارت احلا من

الأول بكثير يعني بجد قهر ...

ليه يبغون يسرقون مني الفرحه اللي عايشتها ويحسسوني بالنقص دائما من جد مدري ليه فيه

قلوب بهالشكل يعني تخيلو اخوي هذا نفسه مره كنت جالسه بجنبه في بيته وجلس يناظر

فيني بعدين قال لاوالله وكبرتي شوفي في راسك شعر أبيض اصلا الشعر الأبيض في عيلتنا

يطلع من وحنا اصغار وفوق هذا يقول لزوجته شفتي كيف اكبرت شعرها فيه أبيض قمت قلت له

عادي بعد وش اسوي بس وانا من داخلي أغلي يعني انا لو بعد وبحصي الحاجات السيئه سواء

بالشكل ولا بالتصرفات ولا بأي حاجه يبغالي ايام عشان اخلصها سواء فيه او في غيره من

هاللي يدورون اي شئ عشان يعلقون عليه ويجرحون او يتمسخرون يعني من جد دنيا

ماتسوى ليه يسوون كذا حتى الفرحه بإنجاز شئ معين مستخسرينه ويحاولون يقللون من قيمة

اللي سويته بوضع عيوب وحاجات ماهي موجوده اصلا ولنفرض بعد انها موجوده طيب وش يضرك

لو قلت الكلمه الطيبه ليه يجي بالنهايه وتغثني بكلام ماله داعي وحاجات كثيره والله العظيم لو

اقولها لكم من الناس اللي تبغا تسرق فرحتي باللي سويته بفضل من رب العالمين انكم لاتقولون

وش هالمجتمع والأهل والناس اللي انتي عايشه معاهم يعني حتى اصغرهم بنت اخوي تعلمت من

امها كيف تتمسخر وكيف تطلع اي شئ عشان تطنز اوتحرجني فيه قدام اهلها او وهي عندنا

بالبيت او حتى قدام الناس يعني مدري وش اسوي مع هالنوعيه من الناس ... والله عيب اللي

يسوونه ..:(