شنو الحل مع مثل هالنوعيه من الاوادم؟

السلام عليكم ورحمة الله

اشلونكم احلى بنات في احلى منتدى؟؟ >>تره والله مب قصدي اصبغكم من صجي تره ههههههه

على كل حال اليوم اتصلت لي وحده من صديقاتي منقهره حدها من وحده مأذيتها وحبت تفضفض لي لاني ماعرف هالوحده فهي ماتحب تعقر وفي نفس الوقت منقهره وتبي تسمع نصيحة حد في هالموضوع خصوصا انها ماتقدر تقوله لامها ولا لاختها

اكيد تشوقتو للموضوع

السالفه ومافيها ان في وحده من اهلهم مادري او من معارفهم وايد اتابع اخبارها وتتصل لها وتسأل عنها وتحب تقلدها

صديقتي تقول عنها انها خبيثه ومن تحت لي تحت ومب مرتاحه لها كلش بس ماتقدر تقول عنها لامها او لاخواتها الصراحه ماعرفت السبب بالضبط ليش ماتبي تقول بس تقول انها جدام كل الناس من احسن ما يكون بس انا ماقدر استحملها ولا استحمل اتصالاتها وتتبعها حق اخباري تسحبها في الحجي لي

السؤال هو

شالحل معاها؟

انا قلت لها بكل بساطه حاولي تقطعين علاقتج بها قالت لي ماقدر مب بهالسهوله

فطقيت الصدر وقلت لها ولا يهمج اليوم انزل موضوعك عند بنات منتدى عروس وبتشوفين الردود والنصايح اللي تريح القلب

عاد لا تفشلوني انا شاده الظهر فيكم عطونا حلول شتسوي معاها