ادري المشكلة صعبة لكن الرجا في رب العالمين.

ما اعرف كيف اساعدهم غير بالدعاء الله يفك ضيقتهم و يرزقهم
و الله يغينهم بحلاله عن حرامه و يصبرهم ...

الله يفك ضيقتهم

حبيبتي بس بسألج:
زوجها يشتغل والا عاطل؟؟وشهادته عالية والا شنو؟؟واهي شنو شهادتها؟؟

انا اشوف لو انهم يتابعون الجرايد وخصوصا الاسبوعية(الوسيط) بيلاقون مختلف الوظائف واللي بتساعدهم ولو مؤقتا,,

شرايج؟؟

لو انا مكانها وعايلتي ميسوره مثل ما قلتي اتسلف من اهلي مافيها شي هذي اهلي مهما يكون

خلها تاخذ من هلها تراهم هلها اخر شي.. و الظفر ما يظهر من اللحم

و هي خلها تشتغل مندوبه مثلا عند افون و غيرهم ترى يظهر ربح حلو

خلها هي تنوي و الله بييسر الامور..بس في ناس يحطون ايدهم على خدهم و يتريون معجزه..ما يصير هالكلام..اسعى يا عبدي و انا اسعى معاك

:

ما اعرف كيف اساعدهم غير بالدعاء الله يفك ضيقتهم و يرزقهم
و الله يغينهم بحلاله عن حرامه و يصبرهم ...

صمت الامل:
حبيبتي بس بسألج:
زوجها يشتغل والا عاطل؟؟وشهادته عالية والا شنو؟؟واهي شنو شهادتها؟؟

انا اشوف لو انهم يتابعون الجرايد وخصوصا الاسبوعية(الوسيط) بيلاقون مختلف الوظائف واللي بتساعدهم ولو مؤقتا,,

شرايج؟؟

صح انا من راي الاخت او لو عنده راس مال صغير او عند زوجته انصحهم بالاسهم وبس والله يرزقهم المال والذريه الصالحه

jimi مشكورة حبيبتي على الدعاء والله يجزاج خير.
فيض الحب مشكورة يالغالية.
صمت الحب الزوج و الزوجة يعملون ولكن الديون يا بنت الحلال.
نورة مشكورة حبيبتي على الرد بس زوجها يتحسس من هالموضوع وتبين الصج معاه حق يعني متزوجة وتأخذ من اهلها المسألة صعبة شوي.
dubi baby يالغالية اولاً هذه الشركات ما عندنا في البحرين حسب علمي وحتى لو عندنا ما نعرف عنها شيئ ثانيا صديقتي وزوجها ما خلوا شي ما فكروا فيه كحل لكن ما لهم مخرج من هالديون الي محوطتهم من جذي قاعدين يفكرون انهم يسددونها علشان يرتاحون شوي بس ما في مجال بحيث انهم ما يبقى من راتبهم ما يتجاوز 100 دينار تكون صرفهم طوال الشهر وهذا مبلغ جدا ضيئل ما يقدرون يدخلون فيه مشاريع او اي شيئ زين يكفيهم.
رفيعة الشاان مشكورة والله يجزاج خير.
سحر 2005 مشكورة حبيبتي والله يجزاج خير.

الله يفك ضيقتهم يا اختي

والله وضع محزن لكن ابن ادم لابد تكون ثقته بالله كبيره وبفرجه
والامتحان من الله لمدى قدرتهم على الصبر باي بلوى دنيويه

ولكن بعطيك نصيحة قد جربتها اختي
اختي زوجها دخله المادي ضعيف وهي غير موظفه
كانت توقف معه كثير عند الزنقات لكن الوضع زاد بسبب الرسميات والمجاملات ولا تقدر تعتمد على اهلي لان ما فيه غير اخواني ولا عنده غير موارد رزقهم الوظائفيه
المهم قدم على سوبر ماركة

صدقيني وظيفه حليوه جدا هو لكن قال لابد من الظغط لكي ياتي بعدها الفرج
قد على وظيفة مشرف بسوبر ماركة من بعد صلاة العصر الى عشر بالليل
يعني تعب تعب ما يعلم فيه الا الله وبدا ياخذ خميس وجمعه اوفر تايم
وراتب هالوظيفه خلاه تسديد دين
من عقب سنه فقط سدد وخلص عمره وتركها لانه تعب منها كثييير وتعب من تركه عايلته

لازم هي تصبر معه وتصبره
وصدقيني بتصير سواليف يسولفون فيها بعد كم سنه من اعمارهم

تحياتي للكل

الله يفك ضيقتهم يا اختي ويصبرهم

خلي تدعي ادعية زوال الهم وادعية جلب الرزق ولازم يسعون مع بعض عشان الله يفك ضيقتهم والله يعينهم ان شاء الله

ربنا ييسر لها امورها و يوسعها عليها وي فرجها لها من طريق ما تحتسب عليه

انصحيها بالدعاء حبيبتي و الهدوء و التروي في مثل هذه الأمور يهونها و يخففها و يجعل حلها سهل بعون الله

و الله يفرجها

السلام عليكم ورحمة الله وبركاته



أختي بحرينيه عسل

تبي صديقتك حل؟ والحل هذا للجميع

وهالشي قالته لي صديقتي الله يجزيها كل الخير وأكتشفت أن الله سبحانه وتعالى قاله في كتابه

بس ما كنت منتبهة له..

الحل هو:


§¤°~®~°¤§ الإستغفار §¤°~®~°¤§



يقول الله عز وجل:

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10) يُرْسِلِ السَّمَاء عَلَيْكُم مِّدْرَاراً (11) وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً (12))) سورة نوح

ويقول عليه أفضل الصلاة والسلام: ((من لزم الإستغفار جعل الله له من كل ضيق مخرجا ومن كل هم فرجا ورزقه من حيث لا يحتسب)) .. رواه أبو داوود وإبن ماجه عن إبن عباس رضي الله عنهما


خليها تخلي لها عدد باليوم تستغفر فيه الله سبحانه، 1000 مرة مثلا أو أكثر

ويا ليت تخلي زوجها بعد دايم يستغفر وبإذن الله بتشوف الرزق وبتشوف الحل واصل لين ريلها

بس لازم ما تيأس وما تستعجل ، ولازم يكون عندها يقين تام أن الله سبحانه هو إللي بيفرج

عنها وعن زوجها الضيق..

ولا تنسى قيام الليل والدعاء في جوف الليل وبإذن الله بتشوف الرزق الطيب والحلال..

قد يكون ما تمر به إبتلاء من الله عز وجل وأمتحان منه لهما فلتصبر وتحتسب الأجر من عند الله

يقول الله عز وجل:

((وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ (156) أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ)) سورة البقرة

وأرجو أن تكون من الصابرات وأن يكون زوجها من الصابرين على البلاء..


الله يرزقها ويرزقنا جميعا من فضله والله ييسر أمرها هي وزوجها..


و السلام عليكم ورحمة الله وبركاته

السلام عليكم و رحمة الله و بركاته

يا هلا بيكي أختي...

الدين صعب جدا فعلا...و يقيّد صاحبه و يضيّق عليه عيشته...

في دعاء أختي...قاله الرسول صلى الله عليه و سلم لأحد أصحابه الذي كان يشتكي من ديونه...و من وقت ما التزم به هذا الصحابي...فرّج الله عنه دينه...و بارك له في ماله...و هو يقال صباحا و مساءا...

( بسم الله على نفسي...بسم الله على أهلي و مالي...اللهم إرضني بما قضيت...و عافني فيما أبقيت...حتى لا أحب تعجيل ما أخّرت...و لا تأخير ما عجّلت )

أيضا...عليها بدعاء فارج الهم...و هو أن تقول هذا الدعاء 7 مرات صباحا و مساءا...

( حسبي الله لا إله إلا هو عليه توكلت و هو رب العرش العظيم )...

و يحاولوا بقدر الإمكان سداد الدين...حتى لو خصصوا راتب الزوجة لسداد الدين...و راتب الزوج ليصرفوا منه...

خليهم يتوكلوا على الله و يثقوا به...و يحفظوه في السر و العلن...و ربّي ما راح يضيعهم أبدا إن شاء الله...

حقا يحتاجون انهم يتقربون من الله اكثر وشوفي كيف بيتغير حالهم

حاولي اختي انج تصبرينها وتنصحينها
بالدعاء

صدق احسن ما تتسلف من اهلها عشان
ما تهتز صورة زوجها في عيونهم

لو زوجها يقدر يستلف من اهله عادي

100 دينار احسن من لاشي وصدق نعمه من الله
تحاول تقتصد هي وريلها في المصاريف
مثل الماي الكهرباء والتيلفون وحتى بترول السياره
ويحاولون يبتعدون عن المجاملات لأنها ميزانيه بروحها


ممكن تقترحين عليها لو هي شاطره في الطبخ
تطبخ وانتي مثلا تخبرين صديقاتج عن وحده
مثلا تسوي اشيا حلوه بدون ما تقولين اسمها
لو هي ما تبا حد يعرف شي عن حالتها الماديه

ممكن لو تعرف تسوي اشغال حلوه حق الشعر

او مثلا تلخص كتب حق اللي يبا من بنات الجامعه

ممكن زوجها يحاول يلقى وظيفه ثانيه راتبها احسن

يعني باختصار اي شي ممكن يدخل لهم مبلغ معقول

صح ان هالاشيا ارباحها بسيطه في البدايه
بس بتغنيهم عن السلف من الناس

الله يصبرهم ويفرج همهم.....آآآآآآآآآآميييييييييييين

السلام عليكم

أختي خليها تطبق نصائح البنات

وبعد خليها هي وزوجها يرجعون يقدمون ارواقهم في كل مكان حتى الامكان اللي يتوقعون ما راح يوظفونهم فيها

بس اهم شي يتحروووووووووووووووون الحلال

والله يفرج همهم

السلام عليكم

أختي خليها تطبق نصائح البنات

وبعد خليها هي وزوجها يرجعون يقدمون ارواقهم في كل مكان حتى الامكان اللي يتوقعون ما راح يوظفونهم فيها سبحان الله يمكن يحصلون وظيفه OK ويكون الراتب أحسن

بس اهم شي يتحروووووووووووووووون الحلال

والله يفرج همهم

احنا عندنا مثل يقول ( الدين عماة عين ) والزوج عليه ان يدور على وظيفة ثانية العصر عشان يساعد شوي في سد الدين والبنت مالها الا انها تتسلف من اهلها والله يعينهم ويفرج لهم كربتهم... ..........