ابشركم ولدت " قصه ولادتي "

السلام عليكم ورحمة الله وبركاته


الحمد لله على الصحه وتمام الخلقه والله يرزق المحروم نعمه وبهجه الدنيا


بدايه المشوار بديت انتظر اليوم الموعود ... 10 \ 11 الموعد المحدد من قبل الاخت مرمرم وتمشي الايام وما في اي علامه من علامات الطلق ....
بديت اخاف وصرت اراجع مع الدكتوره واتطمن على البيبي كل 3 ايام وصارت تقول
لي الدكتوره خلاص انتي عديت الشهر ولزم بعد خمس ايام ادا ما ولدتي بنسوي لك طلق صناعي

وانا بدت حالتي لنفسيه تتعب خلاص عايشه في قلق على البيبي وفيني رهاب من الطلق الصناعي


خلاص استسلمت ورحت للمستشفي بعد يوم من القلق وسويت الفحص وقلت لي الدكتوره الرحم مفتوح 1 سم فقط
وعطتني موعد بعدها بيومين للطلق الصناعي

ولاني خايفه من الطلق الصناعي فوت الموعود وقلت بروح مشي وما خليت مكان ما مشيت فيه


وتمر الايام وانا على نفس الحاله وبدون الم يدكر

وبعد سبوعين من الشهر التاسع ومراجعات عند الدكتوره للاطمئنان خلاص قلت لازم اسلم امري للقضاء والقدر واروح
برجولي المستشفى

وجا اليوم الموعود لله الحمد

رحت للمستشفى وانا خلاص جهزت نفسي من كل شي

وسويت فحص وقالت لي الدكتوره الرحم مفتوح 4 سم وانا طبعا الدنيا مو سايعتني من الفرحه واخيرا في علامه
للولاده !!!! بس ما فيني اي الم للطلق

وسويت تخطيط وتطمنت على البيبي وبعدها قالت الدكتوره تنويم للولاده

ولاني ما فيني طلق كنت خايفه " من الطلق الصناعي " ما زال الرهاب موجود طلبت اعمل خروج على مسؤليتي

وما بقى مكان ما تمشيت فيه .... وبعد يوم من التمشيه الطويله الحمد بدت العلامات في اخر اليل \

بدى الدم ينزل بس بدون الم ولاده بس طبعا من الفرحه انا مو مصدقه على لاقل في علامه ولاده
ومن فرحتي جهزت الشنطه وعلى طول المستشفى
ودخلت للفحص ونفس الحاله الرحم مفتوح 4 سم بس هدي المره لازم تنويم

بدينا في الجد بعيد عن كلام اللعب

الحقيقه والواقع المر

تمر 3 ساعات وبدون اي الم للطلق " الدكتوره " ما بقى لي حل الا انزل ماي الي حول الطفل يا يزيد الطلق او نبتدي بالطلق
الصناعي

والحمد لله نزلت الماي وبدى الطلق وبعد ساعه من المعاناه افتح عندي الرحم 10سم ... وانتقل الىغرفه الولاده

والساعه 5 المساء هلت للدنيا احلى عروس سميتها " مسك "بصحه وسلامه



الحمد لله على تمام الخلقه والصحه والله يرزق الجميع بالدريه الصالحه


وعدرا للاطاله