سؤال لخبيرات الشدو ..

هلااا حبيبتي...طبعا التدرجات ما تبين الا من قريب...بس اللون المفروض يكون واضح...

و نصيحتي حطي اساس للاي شدو....فيه كريم ينباع فمكياجي..ينحط قبل ما تحطين الظل

و يركز اللون و يثبته....و مره سمعت عن اساس من ريفلون بعد يمدحونه..جربي و قوليلنا..

رميسه
تسلمين يالغاليه ما قصرتي
ياريت اتقوليلي اسم الكريم و اذا كان موجود بالكويت ولالأ ؟؟ حسافه احنا ما عندنا مكياجي اهني

غاليتي


بالنسبه لتركيز اللون ،،، طريقتك ممتازه وهي انك ترطبين الفرشاه وتبدئين الرسم والتشتيت

اما بالنسبه لسؤالك عن ماركات المكياج واللي مثل ما تفضلتي وقلتي ان بعض البنات تبين الوان مكياجهم من بعيد ويكونون متمكيجين في صالون ،،، اغلبية الصوالين تستخدم ماركة المحترفين ماركة كريولاين ،،، وله اسم ثاني ،،، المكياج السيمنمائي،،، ومري على مواضيع الركن بتلاقين مواضيع كثيره عن هالمكياج،،، وهي افضل ماركه على الإطلاق ،،، والوانها مركزه لانها تخلط بالماء،،،

لاكن هناك ماركات ثانيه مثل ماك وكانيبو وفور ايفر وشانيل،،، الوانهم روووووعه وتصلح كذلك لاكن ،،، مب مثل ماركة كريولاين،،،،

كاريولان حلوه وتستخدم في الارت للمكياج لكن ميكاب فور ايفر روعه وواضحه

وعليكم السلام ورحمة الله وبركاته ,,

و نصيحتي حطي اساس للاي شدو....فيه كريم ينباع فمكياجي..ينحط قبل ما تحطين الظل

اسمه :

Eye Shadow Base

من

ARTDECO

وهذه صورته ,,



وبالنسبة للبنات اللي بالكويت واللي ما عندهم ماركة مكياجي ,, فيه منتج جديد من ماك إسمه :

Prep + Prime Eye

من

M.A.C

وهذه صورته ,,



هذيلا المنتجين عبارة عن بيس للشادو ,, ويعملون على بقاء الشادو وثباته ,,

وفيه طريقة ثانية لتثبيت الشادو وإظهار اللون وعدم بهتانه ,,

وضع كونسيلر على منطقة العين قبل البدأ بالشادو وعدم وضع بودرة ,,

يعني حطي كونسيلر وإبدأي بعمل الشادو ,,

أما بالنسبة لماركات الشادو ,,

فهناك عدة ماركات جيدة ,,

مثل ماك ,, فور إيفر ,, ديور ,, شارمل ,, << هذيلا جربتهم واللون نفسه اللي بالعلبة ,, بدون وضع ماي ولا شي ,,

أتمنى إني أفدتج :) ,,,

سفيرة فوق العاده
kholoud_sa

تسلمووووون يالغاليات ما قصرتوا .. كريولان صج اختي كانت متمكيجة بصالونهم يوم ملجتها و ماشالله كان روووعه بس مادري أحس انه حيل ثقيل مثل ما قلتي اختي سفيرة .. مكياج سينمائي
محتاج خبيرة ترسمه عدل عشان ما يتلطخ

بسمع نصيحتكم و ان شالله بجرب ميك اب فور ايفر لأنه وايد منتشر عندنا و كل مكان اشوفه بس ما يطري علي اجربه

:)

مجــــد

الله يعطيج العافيه يا عمري و تسلم ايدج على هالشرح و الصور .. تعبتج معاي

طريقة ثانية لتثبيت الشادو وإظهار اللون وعدم بهتانه ,,

وضع كونسيلر على منطقة العين قبل البدأ بالشادو وعدم وضع بودرة

و الله جنج تدرين !! انا احط الكونسيلر و فوقه لوس باودر و عقب الشدو .. مشكووووورة نبهتيني حق هالنقطه اللي صج ما فكرت فيها

كلكم شجعتوني على فور ايفر .. شكلي خلاص بحول عليه


:)

استخدمي الشدو الماااائي من شارمل يعني مو شدو عادي وتبللين الفرشه لا لازم يكون شدو مائي عشان يكون واضح .. و عن تجربه شارمل المائي ماله منافس :) دعاايه لوول



وفي ماركة اتيليير و كريولان و بن ناي ... اما الماركات الثانيه مثل لانكوم وجيرلان ما تجي نفس وضوح المكياج المسرحي

جويل

مشكووووورة ما قصرتي

بغيت أسئلج وين الاقي شارمل عندنا بالكويت ؟ وايد اقرا عنها بالمنتدى و الحين سويتيلها دعايه لووول
شوقتوني

:)

هلا أبله بي :):):)



شارمل موجود بالعربيد بلازا و الحمرامول بالفروانيه وبمجمع السندس حولي وترى عندهم صالونين واحد بالفروانيه والثاني بحولي


بس صج لا دخلتي محلهم تنسين نفسج :)

حبيبتي انا عن نفسي بقولك على طريقتي وهي سهله واللون يطلع خباااااااااااااااااااااااااااااااااااااال
لا احط ماي ولا اساس شدو ولا غيره
كل المطلوب منك انك تمسحين اصبعك فالفازلين وتمسحينها مره ثانيه على جفنك بس انتبهي الطبقه ما تكون غليضه
كل الموضوع مسحة فازلين
وبعدين جيبي الاسفنجه تبع الايشدو وشلي من الايشدو يعني افركي الاسفنجه شويه فاللون وبعدين حطي على عينك واذا حسيتي انك ودك باغمق او لون اوضح كرري بس بدون فازلين يعني ردي افركي الاسفنجه فاللون وحطي فعينك
واللون رح يطلع واضح وحلو ونفس اللون بالضبط اللي فالعلبه
والله رح تعجبك الطريقه
واللون كمان رح يثبت طول الحفله

وعلى فكره هالطريقه انا استخدمها

ومرتاحه معاها كثيييييييييييييييير
جربيها وردي علي
لي رجعه لموضوعك واتمنى انك تكونين جربتيها

ظل ماك يبين لونه للمناسبات العاديه

او للحفلات ،، استخدمي المكياج البروفيشنل او السينمائي ،، و الظل المائي افضل من ناحية وضوح اللون والثبات

شوفي ماركة كارولاين

و BN

نفس اللي عندي بالضبط وشاريته من مكياجي وهو يثبت الشادو بشكل ممتاز

انا شفت وحدة تمكيج.. كانت تستخدم الشادو المسرحي..
وتحط فوقه الشادو العادي...

يعني تحط طبقة الازرق.. المائي المسرحي.. وفوقة البودرة الازرق (لمعة او بدون لمعة)

للي تحب المكياج المائي.. في محل اسمه قنطار عند السد بلازا..مكياجهم رهييييييييب

وبالنسبة للشادوهات العادية.. اشوف ان ماك الوانه ثابتة وقوية (باينة)

ومشكورين على معلومة الكونسيلر..

جويل

تسلمين يالغاليه ما قصرتي بس و الله مشوااار .. ماكو الا انطر معرض التجميل و العطور سمعت انه هالشهر

:)

ريم حمودي

مشكوووورة على هالطريقة بس ما يتجمع الشدو بين تجعدات الجفن ؟؟
انا اكثر البودرة عشان هالسالفه اتأذيني

:)

Marshmallows
اسيرة قلبه

تسلمون يا بنااااات على هالنصايح ما قصرتوا

:)

أم عزيز

و الله خوش طريقة بس احس توني على هالسوالف .. أخاف اعفس الدنيا و حنا مش ناقصين
ان شالله لما شوي اتدرب على المكياج القوي اسوي هالطريقة و اذكرج

:)

البنات ماقصرواااا

الصراحه ماقصرتوا انا عندي نفس المشكله

كفيتو ووفيتو الصراحه

لا والله حبيبتي ابد ما يتجمع وبعدين المثبت يلعب دور!!!!

ريم حمودي

تسلمين يالغالية الله لا يحرمني نصايحكم :shy:

صراحة بناااااااااااااااااااااااااااااااااااااااااااااااات يعطيكم الف عافية

المنتدى اينن ونصايحكم بعد جنان بجابل ها المنتدى ليل نهار لين ما القى اغراضي با السكة >>>>> اقول انثبري في مكانج والزم ما عليج ريلج جليلة الحيا

تحياتي