مشكلتي مع عدم ثبات الكحل

قريت بالمنتدى مره نصيحه تمسحين داخل العين بعود الاذن وبعدين تكحلين العين جربتها مره خف من نزوله وسيحانه

جربي قبل لاتحطين الكحل ...طبعا تنظيف البشرة جيدا بحيث لاتكون مزيته...وبعدين تحطين كريم الاساس على لوجه كامل...وبعده البودره الحره اللي تفضلينها...وتكثرين منها في العين عشان تساعد على تماسك ووضوح الكحل...واخيرا بتحطين الكحل وانشاء الله يثبت !

انتي تستعملين سائل والاقلم؟

انا السائل ما ناسبني...يسيح بسرعه.......فاستخدم القلم واحسه ثابت اكثر :)

جربي وقولي لي شيصير وياج :)

انا بعد جي يصيني يصي منظر عيني مو حلووو والكحل سايل؟؟ ياليت باقي البنات يردوون عشان تعم الفائده للكل


تحياتي
مناري

وعليكم السلام ورحمة الله وبركاته ,,

بالنسبة لبهتان اللون داخل العين ,, فهذا علاجه إنج تختارين نوعية أو ماركة جيدة ,,

جربي ,, كحل ريفلون أو جيفنشي أو كحل ماك اللي ضد الماي ,,

وأحسن طريقة مجربة لثبات الكحل وسواده إنج تمررين عليه الولاعة قبل لا تستخدمينه ,,

الولاعة لها فوايد ,,

منها تعقيم الكحل ,,

والشي الأهم إنها تخلي الكحل أكثر إنسيابية ,,

أما إن كان الكحل ما يثبت على الجفن أو يبهت أو يسيح ,,

أيضاً هناك عدة طريقة لتثبيته :

الطريقة الأولى وهذه الطريقة قالتها وحدة من الخوات وفعلاً روعة مو بس بتثبيت الكحل بس ,, تنفع في تثبيت الشادو وإظهار لونه ,,

طريقة الكونسيلر ,, وهي تجيبين الكونسيلر ( التيوب ) وتضعين منه على منطقة العين ,, وتفردينه على كامل

المنطقة بالطبطبة ,, ومن ثم تبدأين بوضع الشادو + الكحل ,,

أما الطريقة الثانية فهي وضع بيس ,, وهذا البيس خاص لمنطقة العين ,,

وتضعينه على كامل المنطقة العين ومن ثم تضعين الكونسيلر لمزيد من الثبات ,,

يوجد Eye Shadow Base من ماركة :

ARTDECO



أو Prep + Prime Eye

من M.A.C



أتمنى إني أفدتج :) ,,

ان شاء الله الموضوع هدا يفيدك..........

http://www.3roos.com/forums/showthread.php?t=149860

يا هلا والله فيكم اخواتي

أخواتي الغاليات .. kholoud_sa ..oooooooo



الف شكر لك لكن ما اقدر استخدم اعواد القطن داخل عيني

احس ان فيها خطورة وقد تسبب حساسية ..

مشكورة على ردك..


غاليتي ..الحلم الهادىء

من الصعب وضع كريم اساس يوميا عند ذهابي للمدرسة

فليس لدي وقت ..ولكن انا اضع احيانا بودرة وجربت وضع الكحل بعدها

والنتيجة مثل ماهي ..الكحل يسيح ..

انا استخدم الكحل القلم .. ونفس النتيجة

مشكورة حبيبتي على مرورك ونصيحتك..


هلا غاليتي منورة ..

اذا انت رفيقتي زين لقيت احد يشاركني مشكلتي

وماشاء الله البنات ما قصروا ..


هلا بالغالية ..مجـد

الف الف الف شكر يالغالية على جهدك في الرد

ولكن اذا تكرمتي لدي عدة اسئلة ارجو ان لا اثقل عليك بها ..

غاليتي تقصدي الكونسيلر البودرة ولا السائل ؟

وشو افضل ماركة كونسيلر ممكن استخدمها ؟

بحيث ما تخلي البشرة حول العين جافة لانه انا بشرتي جافة

شو يعني بيس ؟

عفوا على كثرة اسئلتي و اتمنى ان ما اكون ازعجتك

عزيـــــزتي

كنــــــت اعانـــــي نفـــــس مشكلتــــــج قبــــــل

ونتهـــــــت عنـــــدي هالمشكلــــــه بعــــد مــــا استخدمــــــة

مــــــن مـــــاركــــــة مـــــاك


كيــــك اي لاينــــــر

وفـــــوقه

الشـــــدو الاســــود مــــن مــــاك بعـــد

اسمــــه ( كربـــــون )

مرحباااااااا
افضل طريقه لتثبية الكحل ان تكون العين نظيفه
واستعمال اعواد القطن ما فيها مضرة نهائيا وانا استعملها
وعلى قولتك صعب وضع الاساس يوميا كل شخص وظروفه
فمالك الا تنظيف العين باعواد القطن
واختيار كحل من ماركة جيده

كل الحلول مطروحه بين ايدينك،،، يالله جربي هالشغلات وقولي لنا النتيجه اللي عجبتك

استخدمي كحل waterproof ضد الماي ... ولا تستخدمي الانواع الكريميه ..استخدمي الكحل الجاف و ممري الولاعه عليه وتكحلي





دامج من السعوديه جربي كحل من محلات نكتار من ماركة لورد اند بيري ..






جويل

تبين الصج حتى لو جربتي كل الحلول

هم بيسيح الكحل ... لأنه منطقة العين منطقة دهنية وتتعرض للدموع والتدمع لذا من الطبيعي يسيح ويتلطخ الكحل....

واحذرك من التجارب العشوائية للعين وخصوصا مسح العين بعود القطن المخصص للأذن.......لأنه بتسبب لج حساسية مزمنة

جربتي كحل ماك الكريمي الي يستخدمه بفرشه ؟؟؟

بصراحه روووووعه لونه اسووووووووووووود وثابت

انصحج تجربينه حبيبتي

حبيبة قلبي إنتي , لو عندي حل جان خبرتج به ....لكن أنا بعد أعاني من نفس المشكلة

[grade="008080 FFA500 32CD32 FF4500"][font=Wingdings][font=Arial Black][font=Times New Roman][font=Tahoma][font=Arial][font=Arial Narrow]حبيبتي انا كان الكحل يسيح من عيني بس استخدمت طريقه من بعدها الكحل ولله الحمد ثابت طوال اليوم والطريقه اني اكحل عيني من الداخل وبعد ماأخلص احدد العين من الخارج بشادو اي لون وأفضل الاسود بخط رفيع تحت العين وأمسح الزايد بأعواد تنضيف الاذن احط عليه شوي من مزيل المكياج واحدد الخط اللي رسمته من اسفل بصراحه خطيرههذي الطريقه ريحتني كثير من منظر الكحل وهو سايح ولي يومين اجرب طريقة مسح العين من الداخل بأعواد التنضيف بس انا ابلله شوي عشان مايكون جاف ويجرح عيني لان القطن حتى لو مبلول ينشف ويسحب البلل واكحل على طول بعدها روعه الطريقه تثبت الكحل زياده وتعطيه منظر ,واستخدمي كحل نكتار اللي بزيت اللوز خطيييير بمعنى الكلمه للعين الحساسه جربي وأدعيلي .

عذراً حبايبي على الإطاله [/font][/font][/font][/font][/font][/font] [/grade]

انا اولع قلم الكحل بولاعة لمدة ثانية واجحل ,بس حتى هاي الطريقة ما تخلي الكحل يطول ساعات حدة ساعتين
مب عارفة شو الحل؟

شوفي أنا مثلج ما خليت كحل ماجربته من بوريالين لي ماك لي اف شات لوران و دايما يسيح..

بس لقيت الحل العجيب

كحل لورد اند بيري
نصحتنا فيه ام سعيده
بس والله
من جربته ما ساح الكحل من عيني
حتى شريت حق خالتي منه لأنها نفسي
والحمدالله
مرتاحه عليه

انا استخدم كحل قلم من ديور

والسائل من لانكوم

ولامره ساح الكحل ودايما ثابت

فيري ايزي كحل داخلي اذا كنت مستعجله وبدون اساس كحل داخلي انا استخدم لورد من نكتار بروووووووف وتر وبعدين شدو اسود تحت العين ووبس وراح تشوووووووووووووووفين الثبات وماسكرا لعيونك الحلوين هاذي انا اسميها كحل البر والطلعات ههههههههههههههههههههههه عشانها بدون اساس ايش رايكم بالاسم قولو لي

حياكم الله اخواتي

اولا عذرا لتأخري في الرد

والف الف شكر لكم جميعا على نصائحكم القيمة

اليوم قمت بالتجربة التالية والتي استفدتها طبعا من مشورتكم

بارك الله فيكم ..

قمت في الاول بوضع بودرة على العين كاملة من اعلى واسفل

ثم قمت بتحديد العين بشدو ماركة مكياجي

ثم قمت بتكحيل العين من الداخل بعد تمرير قلم الكحل على الولاعة

حتى يزيد لون سواده الكحل استخدمت ماركة فرساتشي

ثم قمت بوضع ماسكارا

ما تتخيلون جلست من المغرب الى الساعة 12 ما ساح ابدا الكحل وبقي ثابت مثل ما هو


ما اعرف شلون اشكركم الله يجزاكم كل خير