لو خطبتي بهذه الطريقة...هل توافقين!؟

ينقل لركن قضايا وحلول

عادي حبوبه

تستخير وترد على زميلتها عقب يتقدمون رسمي

ولا يملك الا بالصيف عشان ما تطير منه

اولا : تستخير ثم تستشير امكها او اختها اى واحد ترتاح له ولازم تسال عن اخلاق هذا الشاب
ولكن اختي احذري ان لا يكون بينكم اي شي الا بعد ان يتقدم لك رسمي
.........................
ولكن عن نفسي انا حقولهم يتقدمون رسمي اما حركة التلفون فما تعجبني ابد......

تسلمين عالرد

لـــو خطبت بهذه الطريقة ؟؟؟؟ انا فعلاً انخطبت بهذه الطريقة قبل فترة و ظروفي مثل ظروف صديقتج بالضبط و الولد كان من الأهل و انا توني متخرجة من الجامعه يعني تقريبا بنفس العمر انا معاها .. باختصار انا فاااااهمه مشكلتها عدل

بعد نقاش طويل مع امي و ابوي استمر كم يوم قضيتها بحيرة و قلق و عوار رااااس .. ردنا على الموضوع كان كالتالي :

أول شي الولد كان ماشالله ممتاز و مناسب بس فكرة اني اتعلق لفترة ما يعلمها الا الله هذي صعبه وايد لأني مو ياهل و احتمال بأي يوم اييني نصيني
قلنالهم احنا ما عندنا مانع لكن ما نبي نربط البنت بمصير مجهول .. مبدئيا الولد ما عليه كلام و لما يكون جاهز للزواج يتقدم و احنا بنوافق على طول مــع العــــــــلم : خلال هالفترة اذا تقدم للبنت واحد زين بنوافق عليه و مستحيل انوقف نصيبها لان الزواج قسمة و نصيب و اللي ربي كاتبه بيصير

يعني اهي مسألة وقت و نصيب .. اللي يكون جاهز للزواج يتقدم بدون ربط و حجز و هالكلام هذا كله و اذا ربي كاتبه لها بتاخذه و اذا كاتبلها غيره هم بتاخذه

و الله يوفقها و يوفقني و يوفق الجميع يارب
:)

تسلمين غاليتي عالرد
جزيتي خيرا

انا برايي .. إ
ذا كانت رافضته ..
تقول لأخته الكبيره ان مافي نصيب ...
إذا كانت موافقه وتبي الولد .. تقول لأخته الكبيره ان يجون بيتهم يتكلمون مع اهلها لأن هذي هي الاصول ..
وعلى سالفة تأجيل الملكه او الخطوبه هذي تنحل بالمحاوره بين الطرفين بعد ما يجون لأهلها ويطلبونها ...
وطبعا قبل كل شي قولي لها تستخير

والله يوفقها ويستر عليها

تسلمين أختي عالرد

انا من وجهة نظري انه مافيها شي انها تستنى كم شهر اذا هيا موافقه مبدئيا على الشاب

يعني بعد ماتقول لاخته انها موافقه مبدئيا ........ لازم يتقدموا رسموا للاهل

والاهل بعدين يردوا عليهم اما بموافقين او لا

اما انها تقول موافقه ومايتقدموا الا بعد 6 شهور دي صعبه بصراحه ... لازم الام على الاقل تكون على درايه بالموضوع

ومافيها شي تستنى 6 شهور افضل من انها ماتستنى ويطلع واحد مو طيب لاقدر الله

وقبل ماترد على صديقتها تستخير

هذا رأي والله يوفقها ويوفق البنات كلهم يارب

Miss.B:

قلنالهم احنا ما عندنا مانع لكن ما نبي نربط البنت بمصير مجهول .. مبدئيا الولد ما عليه كلام و لما يكون جاهز للزواج يتقدم و احنا بنوافق على طول مــع العــــــــلم : خلال هالفترة اذا تقدم للبنت واحد زين بنوافق عليه و مستحيل انوقف نصيبها لان الزواج قسمة و نصيب و اللي ربي كاتبه بيصير

يعني اهي مسألة وقت و نصيب .. اللي يكون جاهز للزواج يتقدم بدون ربط و حجز و هالكلام هذا كله و اذا ربي كاتبه لها بتاخذه و اذا كاتبلها غيره هم بتاخذه

وهذا هو الصح برايي

السلام عليكم



اختي من رأيي الاستخاره هي اهم شئ ولازم تستخير قبل لا ترد بنعم او لا



وانا كمان حصل معايه نفس الشئ وكان الولد يقربلي ولد عمي و كان على اساس بس حجز وبعد سنتين الزواج

لكن الوالد قال انا ماعندي مانع وموافق على الولد لكن اذا بعد سنتين هذا يصير كلام ثاني وقتها انا ما اقدر اوقف نصيب البنت(((( لاني انا توي خلصت الجامعه يعني مو صغيره عشان يصير فيها حجز))))

وقال له متى ما استعديت للزواج تعال اتقدم مره ثانيه وممكن نوافق عليك وممكن لا ولو جا للبنت نصيبها ما راح اعارض


بس بعدين غيرو رأيهم وخلو الزواج بعد شهور


عشان كذا الافضل ان الكلام يكون مع الكبار يعني امها وابوها

قبل لاترد على صديقتها
تخبر امها افضل لأنها بتعرف في هالأمور اكثر منها

اولا
الاستخاره

ثانيا
مشورة الاهل


ثالثا

ليش الملكه تتأجل ليمن شهر 6؟؟؟؟

انا الصراحه ما احب سوالف الخطبه الطويله و الحكي لانه وايد منها فشلت

ملكوا و خلوها كل شي بالحلال علشان الله يبارك لكم

وشكرا

سعودية والنعم

مساء الخير عزيزتي

صدقيني لو أنا مكانها

أولا طبعا وقبل كل شيء أصلي صلاة الأستخارة ولابد من أستشارة الأهل وأخذ مشورتهم ( ما خاب من استشار)

أذا كان الشاب ممتاز من جميع النواحي واخلاقة عالية ليش لا اصبر بعد طبعا مايتقدم بشكل رسمي

والمسالة كلها ست شهور وصدقيني بتفوت بسرعة من دون مانحس فيها

مع تمنياتي بالتوفيق للجميع

شكراااا جزيلااااا

انا نفس الشيء انخطبت بهاالطريقه بس انا كنت لسا في اولى جامعه

برضوا الشاب ممتاز لكنه اخر سنه له في الجامعه واهله ميسورين .. طبعا انا طبعا رفضت في البدايه لأنه لسا طالب

وهو اصلا صديق اخوي المهم قالو يبغوني حجز لأن سبق وتقدم لي قبله اكثر من واحد لكن ماوافقنا ..

طبعا امي واخوي واختي رفضوا الحجز وقالو خلاص بنملك

ووافقت امي والحمدلله ملكنا بعد اسبوع من الخطبه وبعد سنه وكم شهر توظف وتزوجنا

واللحين لنا 9 سنوات متزوجين


الله يوفقك اختي

البنات كفوو ووفو

Miss.B:
أول شي الولد كان ماشالله ممتاز و مناسب بس فكرة اني اتعلق لفترة ما يعلمها الا الله هذي صعبه وايد لأني مو ياهل و احتمال بأي يوم اييني نصيني
قلنالهم احنا ما عندنا مانع لكن ما نبي نربط البنت بمصير مجهول .. مبدئيا الولد ما عليه كلام و لما يكون جاهز للزواج يتقدم و احنا بنوافق على طول مــع العــــــــلم : خلال هالفترة اذا تقدم للبنت واحد زين بنوافق عليه و مستحيل انوقف نصيبها لان الزواج قسمة و نصيب و اللي ربي كاتبه بيصير

يعني اهي مسألة وقت و نصيب .. اللي يكون جاهز للزواج يتقدم بدون ربط و حجز و هالكلام هذا كله و اذا ربي كاتبه لها بتاخذه و اذا كاتبلها غيره هم بتاخذه
:)

السلام عليكم و رحمة الله و بركاته

رأيي من رأي الأخت Miss.B...الله يوفق صديقتك إن شاء الله و يبارك لها ...

مااشوف ان الخطبه غريبه
لانها كثير تحصل
بالنسبه لعمرها لسا البنت صغيره بس مسالة انها تعلق الموضوع مع واحد بالحجز فهذي عادات المفروض راحت وانتهت
ايش الي يمنع انه يخطبها ويملك عليها وبعدين الزواج
انا رئيي تقول لامها لان الموضوع مايخصها بس لوحدها

السلام عليكم ورحمة الله وبركاته



رايي أنها تخبر صديقتها أن الموضوع لازم يُعرض على أهلها

وراي أهلها مهم بالنسبة لها.. حتى لو الشاب صالح لازم الموضوع أول شي يعرض على الأهل

أنا أذكر صار لي نفس الموضوع من فترة وكان هذا ردي لأخته إللي متصلة..

قلت لها أنا مالي راي بموضوع مثل هذا، الموضوع هذا أول شي ينعرض على هلي

وهم يقررون.. ولا تنسين عزيزتي صلاة الإستخارة ، خليها تصلي إستخارة

وبعدين تكلم اهلها وتشوف شنو يصير..


بس لازم تقول حق أهلها..


والله يوفقها