دمعه بريئه تطلب مساعده وينكم

حبيبتي .. دمعة بريئة ..
ما أدري تنفع الآن وإلا لا ؟؟
المهم عندي فكرة لوسيلة يمكن تستفيدين منها حتى في دروسك اللاحقة ..
ممكن تكون على شكل مجموعة إطارات مثبتة على إطار خشبي كبير وتكون متحركة يعني تقدرين تلفينها بشكل دائري ( الفكرة سهلة لكن تنفيذها عند النجار أفضل )
بحيث تستخدمين الإطار من الوجهين فمثلاً وجه تضعين فيه خطوات الغرزة والوجه الخلفي لكل إطار كيفية العمل في كل خطوة وممكن تستخدمينها في كل مراحل الدرس ..
وممكن تستخدمينها بوضع صور لعدة غرزات وتقوم الطالبة باختيار اسم الغرزة وقلب الإطار لوضع اسمها أو ترتيب أسماء الغرزات ..
وبإمكانك استخدامها في درس الأطعمة كذلك أو أي درس ..

والفكرة الثانية ..
تكون الوسيلة على طريقة الرزنامة اللي تجي كبيرة ومثبتة بسلك ويمكن قلب صفحاتها وهذي سهلة تسوينها أنت بورق مقوى وتخرمينها بخرمين وتثبتينها بخيط يكون قوي شوي ..وتغلفينها ببلاستيك ويكون الطرف العلوي مفتوح مثل الجيب لوضع أي صور أو كتابات ..

أعتذر عن التأخير إذا كنت تأخرت عليك .. لأني توي أشوف الموضوع
ربي يوفقك .. ويساعدك ..

اهلا اختي سهرات اسعدني مرورك في صفحتي وافكارك الرائعه

انا شكلي بسوي الفكرتين لانه كل وحده احلى من الثانيه بطبقها باكورس الثاني ان الله احيانا لاني محتاجه كذا فكره تصدقين اني من قبل لاكتب لك الرد سويت سيف على افكارك وحطيتها بالمستندات لانها فعلا مفيده

وتسلمين مالو داعى الاعتذار لانو انا اصلا ماعدت افتح الموضوع من الاسبوع الي فات لاني سويت فكرة 3 دباديب ثبتهم على فلين مغلف ومن ورا كمان فلينه <من الظهر> وحطيت بيد كل واحد منهم وردة روز ومثبت عليها بطاقه وطبعا هالبطاقه تنحط جواتها الاسئله واخر الدرس اوزع على البنات ارقام والي يطلع رقمها تقوم تجاوب على السؤال الي موجود بالبطاقه وسلامتك


اكرر شكري لك وتقديري

طاب مساؤك

لا شكر على واجب .. عزيزتي ..
دمعة بريئة
وأتمنى إني قدرت أقدم لك يفيد ..
مع إني ما أعرف أي مرحلة تدرسين فحاولت أضع لك وسيلة عامة تصلح لكل المستويات تقريباً ..
مع انه بإمكانك استخدام التقنيات الحديثة من شفافيات وعروض و.....

بس ما قلتِ لنا وش سويتِ بالدرس ؟؟ عسى كان على مايرام ؟؟

إذا تبين أي شيء أنا مستعدة ..
دعواتي لك بالتوفيق ..

هلا عزيزتي اناادرس بالكليه بالمستوى الثالث والوسيله التقييميه راح اطبق عليها ان شاء الله الكورس الثاني يعني الي بنسويه الحين مجرد تدريب وتحضير للكورس الثاني انا وريتها الدكتوره وعجبتها

تسلمين عالاهتمام

لك التحيه