بعد إنجاب الأطفال، هل مازلتم تخرجون سوياً؟؟؟

السلام عليكم و رحمة الله و بركاته

يا هلا بيكي أختي رانيـا...

بنتي ما شاء الله عمرها 9 شهور و نصف...

صار لنا 9 وشهور و نصف ما خرجنا لوحدنا...

مع إنه أهلي و أهله موجودين...بس أستحي جدا أتركها معاهم...

أخاف يقولوا...يعني طالعة تنبسط ...و تاركة بنتها..و لا على بالها...

لذلك ناخذها معانا لما نخرج ( عموما خروجاتنا مش كتير...زوجي بيتوتي شويه )...

لكن اللي تغيّر...هو نوعية الخروجات...

كنا الأول نروح كافيهات...نتمشى في محلات المول...

لكن مع وجود مريم...رحنا مرة كافيه...و قعدناها على كرسي الأطفال...في ثانية راحت جرّت الكاس اللي على الطاولة....و بــــم على الأرض..

و الناس كلها إتفرجت علينا...و على منظر الزجاج المكسور...و المضيفات تركوا الدنيا كلها و ركضوا على مريم يتأكدوا إنه ما صابها جروح من الزجاج ( عجبتني هذه الحركة فيهم )...

لذلك...كنسلنا طلعة الكافيه...

بالنسبة لطلعة المحلات مثلا...مريم ما تترك شيء إلا و تجرّه بيدها...و نلاقيها نزلت كل الأشياء على الرفوف...و تضيع الطلعة في بس و كخ و شيلي إيدك...

صارت طلعاتنا كلها منصبة على إمتاع مريم و ترفيهها...يعني على حديقة عائلية فيها ألعاب أطفال...على البحر و تقعد على الرمل تلعب...أهم شيء هي تنبسط...و لما هي تنبسط...إحنا بنكون فرحانين...و حقيقي بنحس بالسعادة..

و بس :)

أشكرك يا مرموم كثيراً على المشاركة الرائعة،، نحن كذلك نستمتع كثيرا بالخروج مع عبودي وإشراكه بالألعاب وخصوصا أنني أشعر الآن أن زوجي بدا يحس بالمسئولية أكثر بعد ما بدأ عبودي بالمشي والكلام ويستمتع كثيرا لما يدفعه وهو بالعربة او سيارات التأجير الضغيرة والحاق به من محل إلى آخر..
بس في النهاية لما نخرج سويا وأكون تاركته عند أهلي نكون مرتاحين البال وبنفس الوقت تستمتع نحن بالوقت الذي نمضيه لوحدنا بدون أقعد وأسكت ولا تمسك, ولما نرجع البين نكون مبسوطين ومشتاقين لبعض.. خلوا لكم مرة أو مرتان بالشهر لكم وحدكم بدون مريومة الله يحفظها لكم وبعدين راح تشوفون الفرق...

ننتظر باقي الآراء..

رانيا الله يخلي لج عبودي وتبلغين فيه انشالله وتشوفينه معرس
ومشكورة على موضوعج اللي يحتاج النقاش الطويل فيه
:)

واختي مرموم الله يخلي لج مريوومه انشالله وتترى بعزج
طبعا اهي خطيبة سعود موافقين طبعا
:)
خوش صبي لذيذ
:)

الصراحة بخصوص موضوع الخروج سويا
يعني الطلعة صارت صبعة جدا مو مثل قبل بالاول باي وقت تقدرين تطلعين لو الساعة ثلاث الفجر بس الحين
لا مسؤولية كبيره
سعود الله يحفظه الاسبوع القادم يكمل عامه الاول
الله يخليه لي انشالله واشوف معرس افرح فيه

اخرج احيانا قليلة جدا جدا جدا منذ لحظة ولادة سعود تنعد على الاصابع
لانه صعبه وفشله كل ساعة بخليه عند امي ولكن
اضطر احيانا لاخليه عند امي واذهب الى السوق واشتري اغراضي واحتياجاتي

واذا اخذته معاي يسوي بالضبط مثل ماتسويه اسم الله عليها بنت مرموم
خطيبة سعود سبحانه الله الحال من بعضه ونفس الطبع

لما احطه بالعربانه وادخل فيه المحل يسحب كل ماتطوله يداه
ويطيح الملابس بالارض وانا اعلقهم من وراه واحس اني فشلانه من الناس واوزع ابتسامات للعاملات في المحل
:)

غير ان دزايني وديكوري كله يخترب يعفسني اذا كنت شايلته يبي ينزل ويبي يلعب بالنظارة مثلا اذا كنت لابسة نظارة شمسية ويسحب وجهي ناحيته يبي يبووسني لالالالا
ماشالله عليه ماشالله عليه

ورحنا مره مطعم مره وااااااااااااااحده فقط واخذت الغالي معاي
استغفر الله السلطه صارت تحت رجلي والمعكرونه صارت على جميع ارجاء الطاوله
ولكن الحمدلله
تووووبه
مافي طلعة لما يكبر سعود

وانا مااخليه عند خادمة لوحده مستحيل ومن سابع المستحيلات
والموضوع حساس يمكن لانه اول طفل بالنسبة لنا يمكن اذا صاروا ثلاث او اكثر
راح اخليهم عند الخادمة من دون تأنيب ضمير

:)


دمتم سالمين
اختكم شريفة

Shareefa الله يحفظ لك سعود ويبلغك فيه إن شاء الله، صحيح الطلعة صعبة وفشلة نخليهم عند أهاليتا كفاية ماسكينهم لما نكون بالدوام لكن نكون محتاجين للطلعة كتغيير للحياة الزوجية...

وترى شيل الأغراض عادي، آنه عبودي يسحب الملابس من العلاقات و يصارخ (أبا) يعني يريد هالشي او (هادي) يعنى هذا،،،

وأعتقد أن بعد ماننجب أكثر من طفل بنتعود نتركهم مع الشغالات، مايصير نسحبهم كلهم معانا...

الله يبلغك بسعود وتشوفينه معرس على مريومة بس لاتنسين أنت ومرموم تعزموني...

إلى هذه الدرجة ماعجبكم الموضوع أو مومهتمين بعلاقتكم كزوجين،،، 47 دخلوا ومارد علي غير أثنين...
خلاص نسكره أحسن...

مراحب للجميع:
عجبني الموضوع واااااااايد وحبيت اشارك.
من ناحية نظري ومن حياتي الشخصية، بالعكس زادت طلعاتي مع زوجي والرومانسية والحركات...بالعكس ما نقصت، لأن زوجي اول شئ فرحان انه رزقه رب العاليمن بولد كان في خاطره من 4 سنوات، ثانيا ولدنا ما شاء الله عليه حبوب وما يخاف من الغرباء علشان جذه لما نطلع يحب الاطفال ويقعد يضحك، ...

يمكن من انولد مرتين او ثلاث اخليه في بيت اهلي( ما اقدر اخليه ما يهون علي) احب ولدي وايد وتعودنا انا وابوه ما نخليه نتعاون عليه بالسوق،وما اشترينا له كرسي السيارة غير من يومين بس..احنا متعلقين بولدنا
يعني رومانسيتنا ما اختفت ، انا اشوفها زادت وقوت علاقتنا ببعض.والحمد لله...الرومانسية والحب عمره ما انتهى الا اذا احد الطرفين خلاص تعب منها

اما عني أنا فالموضوع يختلف شوي أنا وزوجي كنا ايام الخطوبة يوميا طلعات يوميييييييييييييياً لمدة سنة (فترة الخطوبة) وبعد الزواج مباشرة حملت وضلينا نطلع في الاسبوع ثلاث لأربع مرات وبعد ولدتي بطفلي الاول بقى الوضع كما هو عليه يعني طلعاتنا كثيرة لوحدنا وابني مع ام زوجي الله يخليها . وبعد بلوغ طفلي سنتان قررت الحمل مرة اخرى وبعد انجابي الطفل الثاني اقتصرت طلعاتنا على نهاية الاسبوع وحملت من غير اردادتي بارادة رب العالمين للمرة الثالثة واخترب البرنامج قي الوقت الحالي طلعاتنا لوحدنا تكون سريعة وقليلة ونحاول نطلع الاطفال الاثنين نلعبهم بعض الاحيان. فنصيحتي للي عندهم طفل واحد يستغلون الفرصة.

هلا

والله الموضوع روعه والردود حلوه

انا عن نفسي مو متزوجه وبعدني صغيره شوي ع الزواج بس م اللي اشوفه

مممممممممم زوجت اخوي يوم تروح السينما تترك ولدها عدنا بالبيت وعمره سنه وانقهرررررررررررررررررررر صج ههههههههههه اقول طالعين يستانسون وهادين اولادهم وبس

عاد الله يعني عيل

السموحه بس حبيت اشارك

مشكوره أختي رانيا على الموضوع الحلو
أما عن تجربتي فهي مختلفه
قبل وبعد الزواج استمتعت مره يعني سفر وطلعات ومطاعم لكن تخيلو بعد هذا كله انقلب الحال وصار العكس جلسه دائمه في البيت والسبب هوخوف زوجي المبالغ علي بعد حملي فكان مايخرجني لأنو خايف انو تحصلي مشاكل في الحمل حتى عند أقاربي وأقاربه مايوديني خصوصآ اذا كان بيتهم في سلالم وحاولت أقنعه انو عادي الحامل تخرج وتتمشى حتى أقنعته وخرجنا وياسبحان الله تعبت وكنت حاأفقد حملي وقالتي الدكتوره ماتتحركي من السرير لمدة أسبوعين تخيلو يعني حبسه في السرير مو بس البيت وطبعآ هو ماصدق ماخرجني الا خرجات بسيطه لأنو هو اصلآ انسان بيتوتي
وبعد ولادة ابني الأول الله يحفظه كان يبكي كثير واذا خرجنا يبكي أكثر ويخلي الناس يتفرجو فيا وأنا أحاول اسكته حتى انو مره صار لي موقف مستحيل أنساه في المطار كنا نبغى نسافروكنت أعرف حركاته انو لما يبغى يرضع يبكي بكاء متواصل فسويت رضاعه احتياط تخيلو ايش صار كانت الشنطه اللي فيها الرضاعه مع ابوه وبدأيبكي طبعآيبغى يرضع لكن ابوه كان بعيد يودي الشنط ايش صار ؟جلس يبكي وكل الناس يطالعو فيا كأنهم حزنانين عليا والطرحه اللي على راسي طاحت ووجهي انكشف لكن الحمد الله جاتني امرأه وساعدتني اخذتو مني وخلتني اصلح الغطاء اللي عليا وجاء ابوه بعد فتره بعد مااتأكد من صوت ولده ولما أعطيته الرضاعه طلع مايبغاهاوكان يبكي لأنو بس طفش من الأصوات اللي في المطارويبغى يخرج منه
حتى كبر شوي الله يحفظه الحمدلله قل بكاه ولما حسينا أنا وزوجي الله يخليلي هوا اننا نخرج لكن أراد الله اني أحمل مره أخرى يعني حبسه في البيت رغم انو قل شويه خوفه عن حملي الأول وبعد انجابي ابنتي الله يحفظها كيف حيكون الخروج مع طفلين صغار طبعآ جدآ صعب لكني الحمد الله حاولت ونجحت في بعض الأحيان انو نكون مبسوطين رغم انو في أغلب الأحيان يعصب زوجي من حركات أولادي
وبصراحه اني حاولت اني أخلي أولادي عند أخواتي وأخرج مع زوجي في النهار وفعلآخرجنا وانبسطنا واذكرنا أيام الخطبه لكن ماقدرت اتركهم ليله لاننا مستحيل ننبسط وهما بعيدين عننا الا اذا كبرو ممكن نفكر فيها لأننا بصراحه أنا وزوجي محتاجين للتغيير

تحياتي

تسلمين الغالية رانيا موضوعك حلو للمناقشة


الحمد لله ما خليت الأولاد عائق لخروجنا وفي أي وقت أصنف فيه أخرج أحطهم ويا عمتي بمساعدة الشغالة
حتى في سفرياتي .. عموما يمكن لأنهم صاروا يعتمدون على أنفسهم أكثر

تشكرين مرة ثانية

مشكورة إخت رانيا عالموضوع
والصراحة الموضوع وايد عيبني عشان جي حبيت أشارك فيه
أنا عندي بنت وحده وإسمها عذبة وعمرها تقريبا صار سنه وشهر والحمد لله ما كانت عائق بالنسبة لي
ولطلعاتي تدروون ليش؟؟ لأنه ريلي يداوم وما يرجع لي إلا أربعاء وخميس وجمعة .. يعني أكون
طول الإسبوع ويا بنتي وأكون طفشانه من البيت .. ف الله يخليه لي لما يكون خاطري أطلع ما علي
إلا أأشر بصبعي وهو يطلعني ... وعادي وبالنسبة لبنتي أحب أخليها فبيت أهلي .. خواتي يحبون يمسكونها
بالإضافة عندي أخو صغير عمره سنه وشوي وهي تحب تلعب وياه وايد ... وطبعا ما ننسى إنطلعها أكيد
نخلي وقت لبنتنا بين فتره وفتره لازم نوديها نلعبها في أماكن لليهال وجذي .. والصراحة ما وايد أحب أخليها عند عمتي
لأني أرتاح زياده أخليها عند أهلي .. وفي بعض المرات إذا رايحه السوق أخليها عند عمتي والخدامات لأنهم وايد يحبونها
ترا الله يسلمكم كان عندنا خدامه ومن تزوجت استوا عندنا خدامتين .. كثرت العائلة الكريمة .. (r)
وهذا كل شي .. والحمدلله أحاول إني ما أخلي وجود بنتي يأثر على حياتي أنا وريلي .. وبين فترة وفترة أروح السينما أنا وياه
أو أعزمه عالعشا في مطعم راقي والكلام الحلو دوم ملازمنا ما بغيب عنا.. من غير هذا إني أحاول أحتفل بالمناسبات وياه مثل (يوم ميلاده - يوم زواجنا - ميلاد بنتنا ) يعني نفس هالأمور ... وتقريبا كل 4 أو 5 شهور أروح وياه المدينة اللي هو يداوم فيها وناخذ لنا شقه طول الإسبوع وهو يداوم عادي وبعد المغرب يطلعنا أنا وبنته ونرجع البلاد يوم الأربعاء .. والحمد لله من هالناحية ما مقصر علي ..:shy:
وما أخلي شي يغير علينا .. وصح كلام الأخت الواحد دام عندها ياهل تحاول أو تسوي اللي بخاطرها
لأن صدق إذا كان عندي اثنينه أو ثلاثه ما أدري شو بسوي ؟؟؟ :sad:
وبالنهاية والختام الله لا يغير علينا ويرزق كل وحده منكم اللي تتمناه في حياتها ...
وتحياااااااااااتي لكم يا خواااااااااااااااتي ...

الجميلة 78، الله يحفظ لك ولدك ويبلغك بالثاني ويديم عليكم السعادة.

بحرينية عسل، الله يحفظهم لك، فعلا الطلعة بعد إنجاب أكثر من واحد تصبح صعبة للغاية.

قصايد، خليهم على راحتهم، إذا كان ولدهم مايتعبكم لا تتضايقون بالعكس بيدور عليك الزمن وبتسوين نفسهم.

سهر، ماشاء الله حكاية المطار حكاية، آتخيل شجلوا هاليوم بتاريخ المطار... الله يحفظه من كل شر.. ويديم عليكم السعادة والسفرات.

أم المهند،، الله يحفظ أم زوجك لكم ويخليها لعيالك...

أم عذبة،، برنامج زوجك يشجع على مزيد من المتهة والرومانسية، لأنه طول الأسبوع بعيد فأكيد راح يشتاق للجلوس والطلعة معك،، الله يديم عليكم السعادة...

إذا الله أراد وحملت وصار ولدي أو بنتي بين إيديني راح أقول لكم إيش إللي يصير...

والله يرزق عرايس عروس كلهم بالذريه الصالحه...

عجبني موضوعك رانيه البحرينيه واجد وتمنيت إن يصير عندي ولد أو بنوته في أقرب وقت

بحدود على بنتى الله يحفظها لين كانت صغيرة الى ان صار عمرها سنة لين كنت اطلع هي والخادمة لبيت امى وانا مع زوجى اطلع وبعدين ارجع اخذها بالليل نص الليل والخادمة مسكينة نائمة نروح البيت لكن لين بعد السنة لا شفت ان مو عملي اشيلها بالصيف والبرد والعوزها فخليتها مع الخادمة علما ان كنت اطلع بالليل لمدة 3 الى ساعتين فقط اتعشى واروح السينما يعنى كنت اخلي التلفون مع الخادمة اذا نامت تتصل تطمنى والحين الله يحفظها صار لها 3 سنوات اطلعها ساعات بالليل معاي بس انا لازم اتنازل عن السينما لآن مش مكان لسن بنتى وهي من النوع اللي تتملل من الطلعة تريد ترجع البيت بسرعة وتقول لأبوها اريد اروح البيت وتخرب علي طلعتى وطبعاً ابوها يستانس يرجعنى معاها ويطلع يكمل سهرته مع اصدقائه لأن البيت بالنسبة له مرض واغلب الأوقات انومها بنفسي قبل خروجى مع زوجى لكن اذا مريضة لا سمح الله ما اتركها مستحيل بس بصراحة بصراحة لين اتركها اوله عليها كثير كثير كل شوى اتصل اسأل عنها واتحسف لأنى تركتها بالبيت مع الخادمة ما اصدق متى ارجع البيت والمها واحضنها .............

وطبعاً الحين انا الحمدالله ربي لك الحمد والشكر حامل ماشاءالله ماشاءالله اعرف انى راح انحبس مع البيبي لأن اللي ربت بنتى سافرت واللي الحين عندى كسولة وما تعرف شي وما اعتقد اقدر اترك البيبي مع الخادمة اللي عندى الى ان تتعلم زين ما زين ..........

تصدقين من الحين افكر بطلعاتى مع زوجى اشلون بتكون بعد الولادة ....انا بعد ولادتى في بنتى الله يحفظها بعد خروجى من المستشفى بإسبوعين عملية قيصرية رحت مطعم مع زوجى والمجمعات وما جلست اربعين يوم ببيت اهلي جلست ببيتى ...........

بنت قمر راكبة همر، الله يرزقك الذرية الصالحة اجل غير آجل، بس نصيحة مني أستغلي هالوقت الي بدون أطفال بالطلعة والوناسة لأن بعدين خلاص بتتغير حياتك...

نودو، انت فعلا مدمنة طلعات بدليل إن ماشاء الله عليط طلعت بالأربعين،، بس حاسبي من العين الله يحفظك ترى الناس يحطون بالهم... بس لا تجازفين تتركين الأطفال مع الخدامة إلا إذا كنت واثقة منها ومن أمانتها....