الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
بداية استفتح موضوعي بهذا الحديث الشريف
عن كبشة بنت كعب بن مالك أن أبا قتادة دخل فسكبت له وضوءا فجاءت هرة فشربت منه فأصغى لها الإناء حتى شربت قالت كبشة فرآني أنظر إليه فقال أتعجبين يا ابنة أخي فقلت نعم فقال إن رسول الله -صلى الله عليه وسلم- قال : " إنها ليست بنجس إنها من الطوافين عليكم والطوافات "
اليوم شفت صور غريبة لقطط أغرب ، واتصور ماحد منكم شافها على الطبيعه
تعالوا نشوفها سوى و بأسمائها
[line]
Cornish Rex [color=#FF0000]أو كورنيش ريكس

حليله ، كيوت لكن ما شاء الله ع الأذون ، شوي واتصير مثل إذن الحمار
[line]
Don Sphynx أو دون سفاينكس

المميز في هذا النوع انه بدون شعر ، جلد على جلد ، سبحان الله
[line]
Exotic Shorthair أو اكزوتيكس شورتهير

شكله غريب ، و اتوقع انه مهجن بين القط البنغالي والهمالاين أو البيرجن ، تفاصيل شعره مثل البنغالي والوجه مثل البيرجن
[line]
Maine Coon أو ماين كوون

صحيح شكله عادي جداً ، لكن الغريب حجم الإذن ونهايتها عند الطرف الخارجي ، صراحة واااااااو وخاطري يكون عندي مثلها.
[line]
Oriental Shorthair أو اورينتال شورتهير

طبعاً هذي انثى ، واضح من ملامحها و نظرتها الناعمه ، انا اول مرة اشوف هالنوع وابصراحة عجبني كثير ، مانصحكم تشوفوا الذكور من هذا النوع ، ابصراحة شكلهم مو شيء ويخوف
[line]
Peterbald أو بيتربالد

صراحة لا تعليق ، هذي لازم تكون عارضة أزياء عالمية.
[line]
Russian Blue أو الروسية الزرقاء

أحلى بوايد من البريتش بلو ، شكلها كيوت وأنعم ، و لون العيون متناسق مع لون الشعر اللي نعومته مثل الموكيت الفاخر
[line]
Scottish Fold أو سكوتيش فولد

اتصور الشيء الغريب فيها واضح ومايبيله كلام .. سبحان الله .. هذي لو يهديها ريلها قرط ذهب وين تحطه !!!!
[line]
Siamese أو سيامي

طبعا هذا من الانواع الغريبة من القطط السيامية الراقية ، شكله مره غريب و على فكرة ، هذي صورة الذكر ، يا ربي ليش دايما اشكال القطط الذكور تخوف !!!!!
[line]
Singapura أو سينغافورا

اتوقع من اسمها انها سلالة تعيش في سنغافورة ، اكثر شيء عجبني فيها شعرها ، مبين ناعم وغزير أما العيون فلا تعليق !!!
[line]
Sphynx أو سفاينكس

هذي مثل ثاني صورة شفتوها ، بس طبعا وهي كبيرة ، شوفوا الغرابة فيها ، ولا شعرة وحدة اللي يشوفها يظنها تشيل شعر جسمها مثل نساء البشر !!!!
[line]
والحين .. شرايكم في هذي الرحلة اللي قضيناها بين هالقطط الغريبة
تحيتي وشكرا لحسن متابعتكم
صـــارع[/color]