سؤال على الماشي ....... للجادين فقط

انا الحلوة 07-12-2005 16 رد 1,745 مشاهدة
ا
[size=1][size=2][size=5][size=9]بسم الله الرحمن الرحين

في موضوع شوي متعقدة او متخوفة منه (الزواج) بصراحة هذا بالنسبة لي رعب (من المجهول) صح ان كل وحده خاطرها تتزوج ويكون لها بيت وزوج وطفل على الاقل بس.......

وابي اعرف ! ليش الوحدة تتزوج؟
ياريت اسمع كل وحده ونظرتها الخاصة في الزواج؟
وبعدين بخبرطم السالفة...........
[/]
d
الزواج من سنن الحياة

والزواج سترة للبنت وزي مايقولون

ظل راجل ولا ظل حيطة

مع اني مقتنعة ان بهالزمن ظل حيطة ولا ظل راجل......................ولا ايش رايكم؟

وبعدين اختي هذا الخوف ممكن يكون طبيعي ويمكن يكون مرت فيه كل وحدة مقبلة على الزواج

المهم قوليلنا وش السالفة
m
الخوف يكون طبيعي خوف نابع من المستقبل هلى سيكون الزواج نقلة سريعة للسعاده و اما للتعاسه والعياذ بالله
لكن اذا رزقك الله بالزوج الصالح الي يخاف الله بك فسوف تكون حياتك سعيده باذن الله
ا
الموضوع ببساطة ان كل واحد يتقدم لي ارفضة بدون سبب واتنكد طول اليوم واحس بكآبة واحيانا وايد ابكي...
يمكن لان اغلب ربيعيعاتي تجلربهم فشلت وعانوا وايد وخصوصا المطلقات .... والله الله يكون في عونهم
والله احنا في زمن الله لا يراوينا اسوء منها...... كل ماصار في شي قولوا البنات السبب تطلقت لان هي السبب ممنوعه من ....لاتها بنت ..الخ من المشاكل الي يسونها الشباب حتى يوم يضحكون على الوحدة يقولون هي السبب...
والاغرب ان يقولون ان امنا حواء هي اللي نزلتنا الارض وبس والله مو غلطتها (منوا الي كان جوعان واكل؟) بعد هي السبب؟

والجدير بالذكر حريمنا وامهاتنا الله يهديهم لا مخلين المطلقة في حالها ولا المتزوجة ولا العانس ولا صغيرةولا كبيرة الا ماسوها سالفة وكله طاح فوق راس المسكينة.

والي معقدني في الموضوع ان قبيلتنا تتباها بالمهور وايد زاية عن اللزوم :
1. عل الاقل مئة الف مهر.
2. ساعه شوبار مرصعه بالالماس.
3. طقم واحد الماس (اقل شي).
4. العرس في الفندق (؟؟؟)
5. شهر العسل في (؟؟؟؟)
6....
7....
...

لا والله عنسنا والمضحك ان اخوي الاصغر مني توه في بداية حياته ويوم راح يخطب :cry: ......
تنازل عن كل شي وقال بشتري سيارة ارخص.

كلها حقها هي وهي وحليلها شهر واحد ومتنت وكل شيراح عليها وما تم غير الديووووووووووووووووون

بس بصراحه انا في بيت اهلي وايد مرتاحة صح ان كراف وشغل البيت يهد الهيل بس اللي تعرفة احسن من اللي ما تعرفة..

اعذروني انا مخرفة شوي (وايد)
كل شي حطوه على وقالوا ما اسوي شي

ولا شو رايكم
ز
انا الحلوة:
[size=1][size=2][size=5][size=9]بسم الله الرحمن الرحين

في موضوع شوي متعقدة او متخوفة منه (الزواج) بصراحة هذا بالنسبة لي رعب (من المجهول) صح ان كل وحده خاطرها تتزوج ويكون لها بيت وزوج وطفل على الاقل بس.......

وابي اعرف ! ليش الوحدة تتزوج؟
ياريت اسمع كل وحده ونظرتها الخاصة في الزواج؟
وبعدين بخبرطم السالفة...........
[/]



اهلين ياحلوة ..

خوفك او خوف عموماً من الزواج شيء طبيعي

فعموماً اي شيء جديد في حياة الانسان بيكون متخوف منه لانه شيء مجهول !

والخوف عند البنت لما تتزوج يكون من اشياء كثيرة اولها التغير في حياتها

وعلاقتها الحميمة مع زوجها وكمان خوف من الطرفين من ناحية القبول وهل الشخص بيحبني

واشياء ثانية كثيرة بس كل هذي الاشياء طبيعية ومع الوقت بتروح وتظل مجرد ذكريات حلوه




اما سؤالك ليه الوحده تتزوج فأنتي تقريباً جوابتي على السؤال قبل ماتتطرحيه

وهي ان الوحده في خاطرها يكون لها بيت وزوج واولاد وحياة مستقله هي الملكة عليها

والاسباب طبعاً تختلف من وحدة لوحدة ومن شخصية لأخرى


يعني مثلا في بنات نفسهم يتزوجون لمجرد ان تتمنى تلبس فستان وتكشخ وتسوي زي باقي

البنات لا اكثر ولا تفكر في البعيد وطبعا هذا غلط لازن تكون النظرة كامله وشاملة لكل شيء


وفي بنات ظروفهم مع اهلهم صعبه فتتمنى تتطلع من بيت اهلها عشان تلاقي لها مكان

يكون افضل نسبيا من بيت الاهل ...


والاكثر طبعا هم اللي يتزوجون لانهم مقتنعين ان هذي سنة الحياة ويبحثون عن الابن اللي يملا عليهم حياتهم خاصة البنت لان ومن وهي صغيرة في حنان الامومة ..

--------------------------------

اتمنى اكون افدتك ...

واحنى بانتظار سالفتك ..

.


.


.


لكِ ودي
ا
حبيبتي ماجيك كيف تعرفين ان اللي متقدم صالح ولا طالح
واحد من اقرب الحالات لي وحدة من صديقاتي تقدملها واحد تقي يصلي وكل الناس تمدحه وبعد الزواج اكتشقت انه مدمن خمر والعياذ بالله ويضربها حتى وهي حامل ومستغلها علشان وظيفتها والحبيب لا طلع عنه شغله ولا مشغلة ...........
البنية اللي توها كاتبة قصة زوج ربيعتا (الكل يعرف ان رجال محترم وفي غيابها يخونها وفي بيتها)

يا ناس احنا وين عايشين والله احنا مسلمين بس في ها الزمن اللي حرمه القرآن حللناه على انفسنا

والله يستر على عيالنا........ اي عيال ؟ انا الحين مرتاح
ا
هلا اختي زمان الصمت كلامك ريحني
صح ان اهلي ضاغطين علي انا واختي وايد مو شوي الله بس المثل يقول (اصبر على مينونك ..................) والله اتيني حالات اني موافقة على هندي بس اطلع من البيت والمشكلة الاهل ما يتفاهمون خصوصا كلمة (لا) زين لا ليش؟ انا موافقة بس اقنعيني...( نظام تكتاتوري بعيد عن الكل) بس مثل ما قلت ما اقدر اهلي...

وعلى فكرة اتقدمولي خطاب وايد بس الوالدة الله يهديها ( امه .... شكلة ....... عينه..... نيته ......اصلة.....متجنس.....جده .....ابوه..... تعليمة (لازم دكتورا هذا ان عجب بعد) والله لدرجه اني بدلت دوامي اكثر من مرة بسبه ها الاحراج وخلاص تعقدت قمت انا اللي ارفضهم قبل ما يوصلون بيتنا بس علشان ما احرجهم مع اهلي

(ما قلت لك اصبر على مجنونك.......)
ز
انا الحلوة:
الموضوع ببساطة ان كل واحد يتقدم لي ارفضة بدون سبب واتنكد طول اليوم واحس بكآبة واحيانا وايد ابكي...
يمكن لان اغلب ربيعيعاتي تجلربهم فشلت وعانوا وايد وخصوصا المطلقات .... والله الله يكون في عونهم
والله احنا في زمن الله لا يراوينا اسوء منها...... كل ماصار في شي قولوا البنات السبب تطلقت لان هي السبب ممنوعه من ....لاتها بنت ..الخ من المشاكل الي يسونها الشباب حتى يوم يضحكون على الوحدة يقولون هي السبب...
والاغرب ان يقولون ان امنا حواء هي اللي نزلتنا الارض وبس والله مو غلطتها (منوا الي كان جوعان واكل؟) بعد هي السبب؟

والجدير بالذكر حريمنا وامهاتنا الله يهديهم لا مخلين المطلقة في حالها ولا المتزوجة ولا العانس ولا صغيرةولا كبيرة الا ماسوها سالفة وكله طاح فوق راس المسكينة.

والي معقدني في الموضوع ان قبيلتنا تتباها بالمهور وايد زاية عن اللزوم :
1. عل الاقل مئة الف مهر.
2. ساعه شوبار مرصعه بالالماس.
3. طقم واحد الماس (اقل شي).
4. العرس في الفندق (؟؟؟)
5. شهر العسل في (؟؟؟؟)
6....
7....
...

لا والله عنسنا والمضحك ان اخوي الاصغر مني توه في بداية حياته ويوم راح يخطب :cry: ......
تنازل عن كل شي وقال بشتري سيارة ارخص.

كلها حقها هي وهي وحليلها شهر واحد ومتنت وكل شيراح عليها وما تم غير الديووووووووووووووووون

بس بصراحه انا في بيت اهلي وايد مرتاحة صح ان كراف وشغل البيت يهد الهيل بس اللي تعرفة احسن من اللي ما تعرفة..

اعذروني انا مخرفة شوي (وايد)
كل شي حطوه على وقالوا ما اسوي شي

ولا شو رايكم



انت عندك خوف واحد اللي هو ان الشخص اللي بتتزوجينه مايكون تمام

وان يكون زواجك فاشل زي باقي صاحباتك ..

وهنا بقولك لاتفكري في تجارب الناس وتقيسيها عليكِ انتِ اهم شيء لا جا احد يخطبك

استخير ربك وكمان اسألو عنه ولا توافقي الا بعد ماتكون نفسيتك من ناحيته تمام .


اما الجزء الثاني من كلامك فهو للاسف مشكلة ولازم لها حل

والصراحة طلباتكم تعجيزية !!

ولازم يكون في وعي اكثر حرام التعجيز على الشباب وحرام كمان البنات على كذا محد بيتزوج


وهنا ماراح تنحل المشكلة الا اذا اهلك غيروا مبادئهم وخلو شروطهم ميسرة على الاقل شوي !!




الله ييسرك يارب ويغير الاهل للأفضل يارب

وانتِ ماعليك من احد عيشي حياتك زي مايرضي ربي وصدقيني

محد يقدر يقولك شيء وحتى لو قال ربي شايف وعارف وهذا الاهم ..

اتمنى اكون افدتك مع اني احس اني ماقدرت اقدم لك شيء :(

.

.

.

دمتِ بفرح يارب
d
قال صلى الله عليه وسلم:
اذا اتاكم من ترضون دينه وخلقه فزوجوه

لازم اهلك يعرفو هالشي والمغالاة بالمهور ما منها فايدة

الصراحة اهلك مضيقينها مرة وامك الله يهديها ما يحتاج كل هالشروط الي حاطتها

ليه ما تحاولي تناقشيهم بصراحة تامة
ز
انا الحلوة:
هلا اختي زمان الصمت كلامك ريحني
صح ان اهلي ضاغطين علي انا واختي وايد مو شوي الله بس المثل يقول (اصبر على مينونك ..................) والله اتيني حالات اني موافقة على هندي بس اطلع من البيت والمشكلة الاهل ما يتفاهمون خصوصا كلمة (لا) زين لا ليش؟ انا موافقة بس اقنعيني...( نظام تكتاتوري بعيد عن الكل) بس مثل ما قلت ما اقدر اهلي...

وعلى فكرة اتقدمولي خطاب وايد بس الوالدة الله يهديها ( امه .... شكلة ....... عينه..... نيته ......اصلة.....متجنس.....جده .....ابوه..... تعليمة (لازم دكتورا هذا ان عجب بعد) والله لدرجه اني بدلت دوامي اكثر من مرة بسبه ها الاحراج وخلاص تعقدت قمت انا اللي ارفضهم قبل ما يوصلون بيتنا بس علشان ما احرجهم مع اهلي

(ما قلت لك اصبر على مجنونك.......)



مااقول غير الله يحنن قلب اهلك عليككم يارب

ويفتح عليكم ابواب الهدايه والخير ويتغير الحال بأذن الله للأفضل ..

اصبري واحتسبي ولا تنسي الدعاء والاستغفار هذا بحد ذاته راحه نفسية


غير انه بأذن الله راح تستجاب دعواتك ولو بعد حين ..


من قلبي اتمنى ربي يحقق امانيكِ ويرضيك ويكون الفرح

والتوفيق رفيق دربك الدائم ... اللهم آمين
ب
هلا حبيبتي انا الحلوه بصراحه هذا سؤ ال طرحته على نفسي كثير وللحين ما عرفت ليه انا تزوجت بس صدقيني لما يجيك نصيبك راح توافقين وانتي مرتاحه بس تاكدي ان الناس ماراح يخلونك سواءً اخذتي واحد غني والا فقير ونصيحه اذا جاء احد وخطبك توكلي على ربك واستخيري في الاستخاره راح ترتاحين وتدعيلي ......................:smile::smile:
ا
للاسف الوالدة من النوع العصبي زياده عن اللزوم ....والمشكلة جدام الناس انها متواضعه وكل شي بس الواقع له وجه اخر

والمشكلة ان امي وافدة وما يعجبها يتقدملي واحد امه وافدة صح اني ماراح اتزوج امه بس في نفس الوقت ما اقدر اقولها لا بتزوج هذا صح اني راح اكون في طوع زوجي .... بس لو ماصار نصيب وتطلقت وبطر ارد اعيش في بيت اهلي وساعتها (مو انت اللي اخترتي...... مو انتي...........) والله ان الموت اهون علي مليون مرة من الطلاق

المشكلة اني ما ابي واحد غني (علشان ما يكون ارضائه له بالهدايا والالماس بالعكس الكلمة الطيبة تكفيني مادام طالعه منه باحساس صادق ) مشاعري مو للبيع ابي واحد تعب وجرب الدنيا على حقيقتها ساعتها صدق بحس انه رجال ويعتمد عليه (مو ولد امه) بس وين هو وحتى لو يه هل بيقدر على مطلب العائلة الكريمة (برسنيج المهر)


اهلا بالعنووووووووووسة
د
الغالية عليج بصلاة الاستخارة ف كل الحالات
و صدقيني و بعون الله ماااااااااااااااا ندم من استخاااااااااااااار

و ادعي ربج ان يلين قلب اهلج و يهدييييييييييييييهم يارب

و قلبي و ياج فديت عمرج
و طمنيني عليج
d
لا تعقدي الامور حبيبتي والي ربنا كاتبه هو الي بيصير

ترى مكتوب لك من هو زوجك وكيف بتكون حياتك فكل شي في الكون مكتوب ومقدر وما علينا الا الرضا بالقضا والقدر اكيد انتي عارفة هالشي فاذا كان كل شي مكتوب من قديم الازل فعلام الهم ؟؟؟؟؟؟؟؟؟
خذي الامور ببساطة وارضي بالواقع الي انتي فيه وربنا راح يعينك وويوفقك واحنا راح ندعيلك
ا
بصراحة ريحتوني بكلامكم اخيرا حصلت ناس تفهمني

الكلام معاكم لا يمل...والله يوفقكم ويعطيكم كل اللي تتمنونه انشاء الله

اما بالنسبة للعائلة الكريمة الله يهديهم وما اقول غير لا اله الا الله محمد رسول الله
T
اختي انتي خوفك من شيئين اثنين ومتناقضين تماما

اقصد انك خايفه من الزواج وفي نفس الوقت ودك تتزوجي من غير عناد اهلك


وهذا شئ طبيعي لان اي انسان لازم يخاف من المستقبل المجهول عشان يحسب له الف حساب قبل لا يخطو خطوة وحده
لانه ياما بنات فكرو في الزواج مجرد لكونه زواج وبلاخير خسرو حياتهم كلها سواء بطلاق او غيره


عشان كذا انتي لا تحطي في بالك انك تتزوجي اي احد وكمان لا تشيلي فكرة الزواج من بالك مره وحده


لازم تفكري بالزواج بشكل معقول انه اذا جاء الشخص المناسب راح توافقي عليه


طبعا راح تسألي كيف اعرف اذا كان مناسب ولا لا ؟؟؟


الاجابة لـــــهذا السؤال سهل مررررره وهو






الاستخارة


ومافي اعلم من الله في كل امورنا واهمها الزواج الى راح يكون فيه تغيير جذري لحياة اي شخص


صدقيني لو جاكي اي شخص وخطبك واستخرتي الله وكان كاتبه لكي والله انه ربي راح ييسر كل الامور وراح يهدي اهلك حتى لو كان هذا الشخص على قد حاله


بس اهم شئ لا تردي اي احد يتقدملك انتي الى عليكي تستخيري والباقي على الله
أ
أنا كنت بقول نفس كلام دلوعة محمداني
ما عليج غير بصلاة الإستخارة إذا ياج نصيبج
وإنشاء رب العالمين ما ينسى عباده
والله يهدي أهلج
ويهدي الجميع
تحيااااتي
X