ياللي زعـلـت إزعـــل

هاااي من القصاااائد الجميله اللي اموووووووووووت فيها بصراحه واموت واكتب مثلها :(



هاي للشاعر الكبير/ طلال السعيد :up:


ياريت تقولولي رأيكم فيها يا حلوين :flower:


ياللى زعلت ازعل ولا ني مراضيك 00 اشرب كدر ماي البحر كانه ارضاك

لا تحسب أني عقب صدك بداري 00 بأعز نفسي عنك مـدراك مدراك

أربع سنين وأنا متحمل تغليك 00 راضي بتعذيبك لأجل قلبٍ أغلاك

وخليتني واليوم والله لأخــليك 00 وأدوس قلبي لينه يقول خلاك

قبل توريني الحساير بأوريــك 00 ليمن يقال فلان هانـك و ورآك

كأنك تحداني فأنا أقبـل تحـديك 00 وأنسى الغرام اللي مضى وأتحداك

ماني بقايل لك عسى الله يهنيـك 00 الله يحرمك كل ما كان هنــاك

عسى العمى ياخين العهد يعميـك 00 فوق الغرور اللي عن الماضي أعماك

وعسـاك ما تسمـع قريب يناديـك 00 حيثك تجاهل صوت محــروم نـاداك

وعسى الشلل يعوق رجلٍ تمشيك 0 0 لـينك تنـدم ليـه غـيرت ممشــاك

عسى حياتك بس فرحة لشانيك 00 يلقى بها الفرصة عدوك ويشناك

وعسى الليالي اللي تجيني بطاريك 00 يصبح عليها الصبح ويموت طريـاك

وعسى المنام وكل راحة تجافيــك 00 آمين حتى اللي تمناه يجفـــاك

وعساك ما تفرح وتكثر بـلاويـك 00 وأمـك تشـق الجيب من عظم بلـواك

وإلى مت جعلك في جهنم تصاليـك 00 نـار الـجحيم ونـار دنياك تصـلاك

الله يكـره فـيك حـتى دوانيــك 00 غشـاش خـاين من من الناس دانـاك

هذه النهايـة روح والله يجازيــك 00 أمسـك ويـومـك عنهم الغد يجـزاك



وصح لساني ولسان الشاعر :o