هل امهات عروس مثلي؟؟؟
smsm78
06-12-2005
16 رد
2,041 مشاهدة
السلام عليكم ورحمة الله وبركاته:
انا من متى ابي اكتب بها الموضوع، والحينه تشجعت اكتب..
وحدة من قريباتي خبرتني انها تسوي الرضاعة حق ولدها، بماي حااااااااااار وبعدين تعطي له الرضاعة لما تبرد، في قريبة لي ثانية قالت غلط: اول شئ تسخنين الماي وتخليه يبرد شوية بس يصير فاتر، وبعدين تخلطينه مع الحليب وتعطيه، الحين انا محتارة هل هذا شئ صحيح والا غلط.
الشئ الثاني الرضاعة من تسوينها لطفلج لمدة كم ساعة تكون صالحة للشرب...
جاوبوني جزاكن الله الف خير في الدنيا والاخرة
ا
العيون العسلى
مشرفة سابقة
07-12-2005 | 01:21 AM
[grade="FF1493 FF6347 8B0000 4B0082 FF0000"]
وعليكم السلام ورحمة الله وبركاته
غاليتى الجميلة78
انا عن نفسى يا قمر ما اعطيت اولادى الرضاعة ضليت ارضع فيهم من صدرى
بس احب اقولك عندى صديقات كانوا يعطوا اولادهم الرضاعة كانوا
يسخنوا الماي ويخلوه يبرد شوي بس يصير فاتر، وبعدين يخلطوه مع الحليب وبيعطوه
بس ما تأخدى على كلامى لانى مو مجربة الشئ هذا كنت بشوف بس
واكيد البنات ما راح يقصروا وبيقولوا لكى يا قلبى
تحياتى والف صحة وهناء لطفلك حبيبتى[/grade]
][`~*¤!||!¤*~`][انتظر ردودكم يالغاليات علشان آخذ من خبراتكم][`~*¤!||!¤*~`][
حسب معلوماتي كأم لأول مرة،، المفروض أن الماء يفتر وبعدين تضيفين له الحليب...
شي ثاني بخصوص المدة ماعتقد مفروض تبقى الرضاعة أكثر من ساعتين وبعدين أرميها....
آنه عندي سؤال// الرضاعة البلاستيكية نفسها ، كم مفروض نخليها للإستخدام وبعدين نرميها ونشتري رضاعة جديدة.. معلوماتي بخصوص الحلمة كل شهر او شهرين....
a
alfajer _alb3ed
عروس مبدعة
07-12-2005 | 09:53 AM
بخصوص الماء اول شي لازم نسخن الماي وبعدين يوم يفتر شوي نحط الحليب.....غلط تحطين الحليب على الماء السااخن...يقولون يخترب الحليب ومايصلح
والله من خبرتي مع أولادي ولله الحمد إني أسخن الماي بس مو وايد يعني شوي
ومباشرة أحط الحليب بالغرشة وبعدين أنتظر لين يبرد وأعطيه لطفلي
بالنسبة للغرشة أول ما يتركها طفلك تكون غير صالحة للأإستخدام أبدا حتى لو باقي فيها حليب
شكرا
مارديتوا على كم هي المدة التى تصلح نخلي فيها الرضاعات للإستخدام وبعدين نرميها ....
حسب خبرتى ساعتين بس ولازم يكون الماء دافء خاصة لو كانت الرضاعه بلاستيك ولو انى ماافضلها
السلام عليكم والرحمه...
انا اللي شفته من خواتي وخلاتي وعماتي انهم يسخنون الماي وتنحط في مطاره لليهال..ووقت ما يبون يسون حليب يخلطون الماي الحار مع الماي العادي ويسون الرضعه...وانا ها اللي اتبعه يعني احط في المرضعه نص ماي حار ونص عادي ويصير زين...
اما بالنسبه للمراضع كم اخليهن..كل شهر ابدل مراضع...
الله يعطيكم العافيه..
والله بالنسبة لي آنا ،لما ولدت حسن (البجر) كنت أحط ماي حار وبعدين الحليب وآنطر الحليب لين يبرد ...
ولما شافوني بنات خالي آسوي جذي (زفوني زف ....:sad:) وقالولي مب زين تحطين الحليب في الماي الحار ..لازم تخلطين الحاروالبارد لين يصير دافي وبعدين تحطين الحليب .. ومن ذاك اليوم وآنا على هالطريقة ف عيالي الثلاثة ..
انا بعد اشوف ربعي و اهلي يسونها مثل طريقة العهد يخلون الماي في دله صغيره و يكون الماي دافي . يعني عقب مايسخنونه شوي يخلونه يفتر و بعدين يصبونه في الدله
جربي حطي الحليب في ماي حار .. بتشوفين يصير مثل الكتل لانه البودره ما تذوب في الماي الحار ...
اما انج تذوبين الحليب في الماي الفاتر هذا هو الصح ....
والحليب يخترب عقب ساعتين من تحظيرة .. بس للاحتياط خليه ساعه ونص ...
هذا كان كلام الدكتور لي اول ما ولدت في حمودي ... ومن هذاك اليوم اتبع هاي الطريقه نع اني ما اعتمد على الرضاعه الصناعية وايد .... اكثر شي ارضعه طبيعي ..
صح كلام العهد
وهذا اللي اشوفه من حواليي
يحطو الماي الحار في دله أو مطاره
وياخذو معاهم ماي معدني يخلطونه مع بعض داخل زجاجه الحليب
معقوله الحليب يخرب بعد ساعتييين ؟؟؟؟
انا الحليب مااخليه اكثر من ساعه
لكن الي سمعته ان الحليب يخرب بعد 4 ساعات ...
انا بالليل اخلي الحليب لمده 3 ساعات خاصه لأن بنتي ترضع شوي وترجع تنام....
بس متأكدين من هذي المعلووووووووووومه؟؟؟
انا بعد حبيبتي ماعندي للحين بيبي لكن من خبرتي الشخصية مع اطفال اخواني وخواتي انصحج بالرضاعة الزجاجية افضل وبالنسبة للماء مثل ما قالوا الشباب ماء فاتر ، والحليب لا يصلح بعد مرور اربع ساعات والمثل يقول اسال مجرب لا تسأل طبيب
وسلامتكم :cool2:
حبيبتي اول شى تسخنين الماء لما يغلي وبعدين اتركي لما يصير دافي
الماء الساخن يجعل الحليب يتعجن او يصير كتل...
الرضعة تكون صالحة ساعتين اذا كانت خارج الثلاجة
داخل الثلاجة تصلح لأربع ساعات..
الرضاعات البلاستيكية يفضل عدم استخدامها لأكثر من شهرين... << تطلع لها ريحة غير مستحبة
وللحلمات نفسهم.. كل شهر..