عندي ضيوف وحيرانة. ساعدوني

السلام عليكم ورحمة الله وبركاته

تعالوا يا بنات..

أنا ليلة الجمعة راح يجون لي ضيوف.. بس ضيوف غير شكل يعني اهم زوجات ربع زوجي..


هذا مثل ما يقولون الانطباع الأول

يعني يبي لي تخطيط وشغل عدل..

زين انا حيرانه شنو البس.. جلابية والا بدلة

ولمن البس جلابية البس ذهب والا اكسسوار بسيط..

هذا غير انهم عندهم اولاد وخايفة على بيتي أخاف يكسرون التحف والاثاث..

ساعدوني وعطوني أفكار تخليهم يتجننون.. وتخليني أمسك نفسي واضيفهم عدل..

بصراحة العزايم يبي لها مزاج ونفسية ممتازة ..

ولله الحمد ما عندي أي مشكلة بخصوص الأكل ..

بس مشكلتي مع اللباس .. هذا غير انه اني ارضع ولدي هل من قلة الذوق اني اتركم وأروح غرفة ثانية أرضع ولدي..

قولي لي شنو تتصرفون لو كان عندكم ضيوف بهذا الشكل..

ومشكورين..