(( زوجي و الماسنجر )) .. بالله عليكم دلوني اش اسوي ؟؟؟؟

بسم الله الرحمن الرحيم
السلام عليكم ورحمة الله وبركاته
اخواتي و حبيباتي احلى عرايس .... انا واقعه في مشكلة و مالي الا الله ثم مساعدتكم ...
باختصار انا متزوجة من سبع سنوات .. عندي طفلين و زوجي يحبني و ما يرفض لي طلب .. و الحمد لله عمري ما شكيت فيه لانه يحب البيت و الاولاد و ما له اي تصرفات مشبوهة ....... الى الان حلو
احيانا يجلس على الانترنت و يستعمل المحادثه على الماسنجر مع اصدقاءه لكن ما يطول كثير ...

و امس فتحت انا الكومبيوتر و قلت خليني انظف الجهاز و احذف الملفات اللي ما لها لزوم .... تفجأت بوجود ملفات في سجل المحادثات باسم (( نوره )) قلت مين نوره ؟؟؟؟
و فتحت الملفات و ليتني ما فتحتها لقيت نص محادثه بين نوره هاذي و زوجي .. صحيح انه مسمي نفسه اسم ثاني لكني تأكدت انه هو من ايميله ......
عاد انا فكرت قلت لازم اتأكد اول عشان ما ينكر ...... رحت سألته عن عنوان الايميل المكتوب هل هو عنوانه قالي ايوه هذا لي كيف عرفتي ؟؟؟؟؟ رحت طبعت له نص المحادثه و اعطيته اياه ...........................................................................................!!!!!!!!!!!!!!!!!!!!!!!!!!!!!!!!!!!

طبعا : تفاجأ و سوى نفسه ما يعرف شئ من المكتوب ...........
قلت له ابغا تفسير ؟؟؟؟ قال و الله ما ادري عن شئ و مو انا اللي كتبتها و لا اعرف نوره و لا غيرها .......و ترا ما اسمح لك انك تشكين فيه .........(( يحاول يقلب اللعبه لصالحه )))
انا حاولت اتمالك اعصابي و قلت انا ما اشك فيك انا اسأل عن اللي شفته بعيني ....
قال : الايميل هذا مخترق و انا كنت مره في كوفي شوب و نسيت ايميلي مفتوح و فيه ناس استعملوه ....... يعني مو انا اللي عملت المحادثه هاذي ...و انتي براحتك تبين تصدقيني او لا ...
قلت له اذا تبي اصدقك افتح لي سجل العناوين على الماسنجر اشوف اللي تراسلهم ....!!!!!!!!
طبعا عصب و قال انا عمري ما طلبت اشوف شئ من خصوصياتك عشان تطلبي مني كذا و ترا كل شئ له حدود و انتي زودتيها ..... (((((((((( و خرج من البيت )))))))))))))))

لما رجع جاء و اعتذر و حلف انه مو هو اللي عملها و انه ما يدري عنها و انه ما له علاقة باي وحدة غيري ..........................................................................و عادي نام و لا كأن شئ حصل


الان السؤال ((( كيف اتصرف ؟ بليز ساعدوني ؟؟؟؟؟؟ هل اصدقه و ينتهي الامر ؟؟؟؟ و الله ماني عارفة و محتاره ياليت اللي عندها حل تسعفني ))))))))
الف شكر و اسفة للاطاله