سنه اولى زواج .. حلوة

السلام عليكم ورحمة الله وبركاته

يمكن ما اكون افضل مثال لكن احب الكل يستفيد .. من السنه الاولى

قبل العرس باليله كان الاحساس كاني اواجه اصعب امتحان قد يمر على اصعب من الثانويه العامه .. تفكير بطريقه عشوائيه ما في شي محدد قلق و ارتباك وخوف من المجهول ..

بعد الزواج بأقل من اسبوع واجهتني اول و اكبر مشكله ببساطه كان عندي أكثر عن حل
اكبر السالفه و تصير حرب القبائل ... اخبر اهلي وتتغير نظرة الكل في اسرتي اليديده او اني اواجهها (ببرود)
دار حوار بسيط بدون دموع _ بدون صراخ _ بدون اي تعابير في الوجه غير تعبير واحد اني قويه و اقدر اواجهه و انت عليك الاختيار )


سكنت مع اهله ..و كنت اوزن الامور انا شو خسرانه ؟؟؟ اكسب ناس يحبوني مب ناس يعادوني و اعاديهم .. استفيد منهم و افيدهم ... و مشيت على هذه القاعده ..

حبيت اهله فكسبت احترامه ....

اول سنه زواج
تحسين في لحظه اني تلعبين لعبه شد الحبل .. انتي تبين تفرضين عليه كل شي شخصيتج طلباتج .. احلامج .. و هو يبدأ في فرض كل شي يعجبه فيج لبسج شكلج مشيتج صوتج كلامج .. و اللي ما يعجبه .. كأنج تبغين صورة حلوة مرسومه و جاهزة و تبينه يحققها لج .. و هو يبا يفصلج و يخيط و انتي تلبسين

و هذه اكبر مشكله الواحد ممكن يواجهها .. مثلا هي تقول انه ما يحترمني و ما يسمع كلامي و يتحكم فيني و يبخل علي و في الاخير يبني احترمه و احترم اهله !!!

و هو يقول كله طلبات و كل شي هات هات .. و في الاخير تقول ما سويت لي و قصرت في حقي و غيره .....

ببساطه كل ما عشتي بشخصيتج و تقبلتي شخصيه الطرف الثاني بسهوله و سرعه كل ما ارتحتي و عشتي بسعاده و راحه
و قاعده .. لا تظنين ان بزعلج و عنادج راح تغيرين شخصيته بالكامل ..
حبه لج راح يخليه يتغير في بعض الامور لكن ما راح يتشكل بالصورة اللي تحلمين فيها ..
و اذا تبين زوج على مزاجج اطلبيه من وكاله بالكرتون و كاتلوج ... غير عن جذي ما راح تلاقين ...



-عوديه على انج متواجده معاه في دوامه في سفره في طلعاته و دخلاته .. بمسجاتج ... بصوتج .. برساله صغيرة منج .. انت معاه وين ما سار بتكونين اللي يشتاق لها وين ما سار ...

- لا تخسرين لحظه او ساعه من حياتج معاه على اسباب تافهه .. و اتذكري انه ممكن يطلع من البيت و ما يرجع بعيد الشر عنه .. و تندمين على ساعات قضيتوها في زعل .. اكثر من ساعات حب و ضحك ...

- لا تخسرين اهله .. لانه البدايه لخسارته ..



هذه شوي من السنه الاولى اللي مرت علي .. ان شاء الله تكون سنتكم الاولى احلى و احلى