موضوع للنقاش(تغيير رقم الموبايل بعد الزواج)

هلا أختي

كثير يحصل مثل كذا وخصوصا البنات اللي يتخرجون من الثانويه وبعدها يتزوجون او يتخرجون من الكليه

الله يهديهم أكيد عندهم حركات استغفرالله بس عني انا مابغيره اذا هو قلي ابطلعلك رقم ثاني بقوله مايحتاج اذا حب هو بكيفه وبعدها جوالي مابرميه اكيد اعطيه امي اابوي او حد من خواتي
دمتي بود

بسم الله الرحمن الرحيم
وعليكم السلام ورحمة الله وبركاته

ما أشوف فيها شئ

بعض صديقاتى غيروا الرقم بناء على طلب من زوجهم

ثم إن البنت حياتها كلها بتتغير بعد الزواج اشمعنى رقم الموبايل مش هيتغير :D

:)

السلام عليكم ورحمة الله وبركاته

صح يا اختي سويتي بيبي بس في بنات انا اعرفهم عزززز المعرفه ماكان عندهم خرابيط وسوالف

شباب بس لمن تزوجوا بسرعه غيروا ارقام تلفوناتهم وفي بناتبعد يمسحون ارقام صديقاتهم ليش ما

ادري؟؟؟؟؟؟؟؟؟؟

اهلا اختي تنثر الكون عطرا

طيب اهي صح بتتغير حياتها بس ليش تغير الرقم ما اعتقد ان الرقم بيأثر على حياتها الجديدة؟

وبعدين ليش يطلب منها زوجها تغيير الرقم؟ هل هذا شك من ماضيها؟

انا بأذن الله اذا تزوجت ماراح اغير رقمي لان ماله داعي

وشكرا على حسن الاستجابة

بسم الله الرحمن الرحيم

لا أختى العزيزة .. أعوذ بالله من الشك لو كان يشك لا سمح الله ماكان تزوجها ولا تقدم لخطبتها أصلا

لكن بعض الرجال يريدون أن تنحصر علاقات زوجتهم الإجتماعية وتكون فى أضيق الحدود وهذا

مافهمته من صديقتى

نوع من التجديد فى كل شىء

شكرا اختي تنثر الكون عطرا على سرعة الاستجابه


و ردك جميلا و مقنع

عروس حبيبتي انا مثلك حبيبتي اعرف بنات طايشين يوم تزوجو غيرو ارقامهم

بس اذا انا لوتزوجت وقلي غيريه منه هو مو مني يمكن كذاااااااا

دمتي بود

انا اعرف ووحده غيرت رقم تيلفونها لسبب واااحد:

قبل الزواج واايد كانت اجتماعيه ولها علاقات مع نساء طبعا و بعد الزواج تعرفين الحرمه تنشغل بزوجها فطلعت رقم يديد فقط للاصدقاء القريبين وااايد والاهل بس

عشان رقمها الاولي كانت فالسفر تتعرف عبنات يطلبون الرقم تنحرج و تعطيهم


ما احس انه بسبه حركات او شيء لا ما اتفق مع وجهة النظر هاي بس باعتقادي انه للتغير يعني و لبدء صفحه يديده

وفيه ناس وااايد من الزميلات متطفلات والواحد يفتك من اذيتهم بعد الزواج احسن

اختي سويتي شكرا على الرد :smile::smile:

اختي حاشمه نفسي

شكرا على المشاركه والرد الرائع لهذه التصرفات من البنات

صح كلامك هناك الكثير من المتطفلات اللي وحده ودها تفتك منهم:smile::smile:

فعلا عزيزتي اعرف ناس كثير تصير معهم هالحركة

وبعض البنات يكون معهم الرقم اللي يتعبى بكرت فتغيره لرقم بفاتورة يقالك كشخة ههههههه

السلام عليكم ورحمة الله وبركاته

اختي اسيرة قلبه

والله خوش حركه علشان تتحول الفواتير على قلبه وهي مالها شغل

لوووووووووووووووووووووول

موضوع حلو
بقولك انا اعرف بنات مو راعيات خرابيط وغيرو ارقامهم وبنات راعيات خرابيط وتزوجوا
وما غيروا ارقامهم
وانا زوجي طلب مني اغير رقمي وطلع لي رقمين رقم كان معي فترة
شهر العسل مايعرفه الا ماما وباباعلشان محد يزعجنا
ورقم اللي لما رجعت صار معي محصور باهلي واهل زوجي وصديقاتي
فاعتقد المسأله ماتتعلق بالخرابيط او الشك بس كذا
وفيه رجال يطلب من زوجته تغير رقمها علشان يطلع لها الرديف
وشكراااااااااااااااااا

انا ما غيرت رقم جوالي من سنين من يوم طلعته ولا اعطيه الا للناس القريبين لي واذا تزوجت ما عندي استعداد اغيره احس ما لها داعي هالحركة
حبايبي هم نفسهم قبل الزواج او بعده وحياتي الجديدة ما تنسيني حياتي القديمة هم امتداد لبعض

آنه ماغيرت رقمي الا بعد الزواج بـ 9 شهور، ليش؟؟ كان في حد يتصل فيني من برع لمدة شهرين في اليوم 3 او 4 مرات ومحد يتكلم، هلكت وكنت وقتها حامل آثور على أقل سبب وكانت رقمي بالكارت، قلت أغيره وآخذ بالفاتورة أحسن لأن وقتها بشقتي ماكان في خط ثابت وكنت اتلعوز لما تخلص البطاقة وآنه بروحي....يعني الوحدة الي واثقة من نفسها مايحتاي تخاف وتغير الرقم

أو انو في عندا ماضي اسود قد يرجعلا عن طريق رقم تليفونا.... أو انو شاايفة الرجال ومو مصدقة..

اخواتي

سوسو نكد
رانيا البحرينيه
عطر البحر
ترف

شكرا للمشاركه في الموضوع

رايي انا انه بعض البنات يحبون يكون رقمههم يشابه رقم زوجهم

او

علشان يكون رقمها باسم زوجهااا يعني لو مره ضاع زوجها يتصرف ويطلع لها بدل فاقد