كل أم ولها طريقتها

انا ابني سنتين ونص...حطيته جدام الامر الواقع... قصيت حلمة المرضاعة .. وقلت له خربانة، شنسوي فيها؟ قال نقطها زبالة..


والثانية انا قطيتها زبالة.. وقلتله كانت خربانة وقطيتها...وجبت له الكوب المسكر.. اللي فيه فتحتين او 3...

أول يومين كان يحن.. وبعدين رضى بالامر الواقع.. احين عمره 3 سنوات.. مايشرب الا من الكوب بوفتحات...

عقبال المصاصة..

ابي طريقة..؟؟؟؟؟!!!!

طريقتج حلوة يأم عزيز بس آحس فيها لغلاغة ..
وبالنسبة حق المصاصة ..آنا بعد عانيت منها ويابنتي سنة وسبع شهور ..بس مااستسلمت ..تدرين اشسويت ..
في دوة في الصيدلية حق إلي ياكلون أظافرهم ..(غرشته مثل المناكير ،لكن مر)..خذته ومسحته على المصاصات كلهم ..أول ماتحط المصاصة في حلجها على طول تقطها وتاخذ غيرها.. تميت أعاني معاها ثلاث أيام بدون رقاد إلا بصياح ..والحمدلله في النهايةإقتنعت ..
وأتمنى تطبقين هالفكرة وتحقق عندج المطلوب ..

[grade="800080 FF0000 FF7F50 FFA500 B22222"]



كثير أستانست بالقصص والله الاولاد مساكين على طول بنفوتها عليهم


هههههههههههههه


حتى انا بنتى كنت اسوى لها الملح مسكينه


هى رضعت منى سنة وشهرين وبعدين عرفت انى حامل

اعطيتها المرضاعة بس تشرب فيها الحليب اللى بنأخده والعصير


بس مليت منها المرضاعة حبيت تشرب فى الكباية


سويت لها الملح ونجحت وهى اللى دبتها بنفسها فى الزبالة

ظلت يومين تقولى طلعيلى المرضاعة من الزبالة وتجى تأشر على المكان


ههههههههههه قلت لها اجت الفأرة واخدتها صدقت وما عادت


سالت عنها والحمدلله ....


وابنى لم يأخدها اطلاقا رضع منى سنة واربع اشهر وقطعت الرضاعة بسبب


موعد دخوله الحضانة لان قانون البلد الاطفال يصير عمرهم


سنة بيفوتوهم الحضانة والحمدلله وان شالله البيبى الجاى


يكون زى اخوه ......

السموحة على الاطالة





تحياتى[/grade]

العيون العسلي
الله يعطيج على قد نيتج ويكون البيبي مثل أخوه ..إن شاء الله

احيييييييييييه احيييييييييييييييييه لا يسمعونكم اعيالكم وينقلبوون عليكم لوووووووووووول


تحياتي

باركولي... عزيز ترك المصاصة من شهر وشوي...

وصار يظحك على نفسه اذا بالغلط طلب المصاصة....

وطبعا.. مثل ماترك الحفاظة بمزاجه....
ترك المصاصة بمزاجة... بس بمساعدتي.. وصبري...

نسيت اخذله مصاصة حق بيت جده..وقلت فرصة.. عشان ينساها...وصاح اول ليلتين... وبعدين متقطع.. يعني يتذكرها بعد كم يوم..

ويرجع يسكت..

والحين يضحك من نفسه عليها.. ويتعمد يضحك على اخته لانها ليلحين تاخذ المصاصة...

والحين دورها .. خصوصا.. ان الثالث في الطريق....

واللــــــــــــــــه يعيني...

نصيحة يأم عزيز الياهل الثالث لاتعطينه مصاصة ... وشوفي شلون بتكونين إن شاء الله مرتاحة معاه .. و وقتها بتدعين لي >>(آخاف تدعين علي :ss: )..

انا مابي ادعي على احد..

انا باحاول.. اذا كان البيبي هادي... بلاش مصاصة..

بس اذا كان مزعج..اكيد مصاصة...

مع العلم انا ام عاملة..صعب اني ما احصل رقاد بالليل

يصيرخير لين يجي الثالث

عيل آنه شاقول مع هالعبودي،، من كم أسبوع تعلم كلمة حليب، هو الحين سنة ونصف وصارت قصتنا قصة ماياكل ولا شي وكل شوي صاح (اليب أليب) يعني حليب، البارحة قام الساعة 3 يصيح حليب،،، شنو أسوي معاه وله توه صغير على ترك المرضاعة أخليه ياخذها بعد كم شهر وبعدين أبتدي بخططكم...

أم عزيز
الله يقومج بالسلامة ويكون الياهل هادي ..

رانيا البحرينية
حبيبتي ولدج توه صغير على ترك المرضاعة ..بعد السنتين فكري ف هالموضوع ..

والله ضحكتوني طرقكم حلوة وطريفة في نفس الوقت

لو درت امي عن هالفكرة كان سوتها لي ما رضيت اترك المصاصة الا يوم عذبتها المسكينة

الله يخلي لكم عيالكم

مشكورة إختي RoOoOmy_M على المرور

وا عليا علي انا...

امي قصت راس المصاصة والمرضاعة...

وقالت لي (خربانين) صدقتها وقطيتهم بروحي في الزبالة...

بس طلعت حرتي بعدين.. وانا عمري 7 او 8 سنين.. كنت احب اشرب العصاير الخفيفة في المرضاعة-----> مزاااااااااج

المهم.. اليوم قريت.. ان الافضل حتى لو بتعطين البيبي حليب صدرج المشفوط..

عطيه بالملعقة.. عشان ما يتعود على الحلمة الصناعية... ويمص صبعه.. ولا انه يمص المصاصة...

وان شاء الله اطبق هالموضوع...

الله لايحوجج حق الشفط إن شاء الله يام عزيز

يا حبيبتي...

انا ابي ابتعد قدر الامكان عن الحليب الصناعي في البيبي الجاي..

اكيد راح اشفط الحليب لما ابدأ دوام..

وباحاول يكون كفاية...( دوامي 8 ساعات...)

الله يعينني

الله يعينج فديتج ..وتنولين إلي ف بالج ..

تذكرت هذا الموضوع خلال فترة انقطاع المنتدى وتمنيت لو اني حفظته في جهازي ، لأني احتجت له وايد وموقادرة اتذكر تجارب الامهات فيه للاسف..


اضطريت الى فطام ولدي وهو بعمر السنة والنصف للاسف مع اني كنت اتمنى ان اكمل معاه للسنتين رضاعة..
لأني حملت عليه..

ورضاعته كانت طبيعية مع عدا رضعة في اليوم او ثنتين صناعي.. جني كنت حاسة باللي بيصير..
اممم توقعت انه راح يعفس الدنيا مثل ما سمعت.. اهو ما كان يرضع الا رضعة او ثنتين بالنهار كله مني، رضاعته كانت اغلبها بالليل، وكنت اشتكي هني في المنتدى من هاي الشيء، واقول انه يحرمني النوم المتواصل وهو بهالعمر..

المهم اول ليلة كانت اصعب شيء، كل ما يقعد ارد احطه بحضني واقول له : مافي بيدي ( يسمي الحليب بيدي :o ) او اعطيه كأس ماي... قعد حوالي 7 او 8 مرات مثل معتاده لشرب الحليب.. الحمدلله ان ابوه كان اجازة من جذي الصبح خليته عليه ورحت نمت..

ثاني ليلة الحمدلله ، صارت معجزة ! نام حبيبي 5 ساعات متواصلة !!!! ما قدرت اصدق ، كل شيء اقعد واروح سريره اجيك تنفسه.. والحمدلله بعدين شوي شوي، لحد الحين صار ما يقعد الا مرة في الليلة الوحدة اواذا مضايقه شيء...
بس للاسف انا تعودت على كثر القعدات وصرت كل شوي انتبه من نومي بدون سبب.. يا حررااام..

طبعاً واصلت معاه بالحليب الصناعي بس يوم شافني اشرب الحليب الفرش عشان حملي صار يطلبه ويفضله على الصناعي، وبما انه فوق السنة خليته يشرب معاي...

اول شهر بعد الفطام الكل لاحظ انه ضعف، وهذا مرده اني تعبت بالوحم وما عندي مزاج ااكله مثل الاول، بس بعدي تصبرت وصرت ااكله عدل ، الحمدلله الحين بعد 3 شهور على الفطام اشوفه ردت عافيته شوي، وتنغنغ وجهه مرة ثانية :)

سوري حبيبتي على بطء الرد .. بس حبيت أقول ان الي سويته مع ولدج كان هو الصح .. لأن الطفل لما يترك المرضاعة ف سن صغير ينساها بسرعة ومايتذكرها ..
لأني عانيت من هالنقطة مع بنتي .. فطمتها من المرضاعة وكان عمرها سنتين .. وألحين هي بالروضة وعمرها 3 سنوات وقبل ماترقد بالليل تتحجج بالمرضاعة ما تبي ترقد الا اذا عطيتها حليب ف المرضاعة .. وطبعا آعطيها عشان ماتسويلي حفلة .. مع اني آدري ان هالشي غلط بس شاسوي باحاول آتغلب على المشكلة ف أقرب وقت ان شاء الله ...