آآآآآآه من همها!!!!!!

بسم الله الرحمن الرحيم
ياليت تلقون حل لقريبتي .........
تزوجت ولا حست بشهر العسل لان رجلها ما دلعاها حتى الاكله اللي تشتهيه ما يجيبها لها يعطيها اي عذر .....
قالت يمكن يتغير مع الوقت ............. ومرت ثمان سنين ............... ورزقهم الله بولد عمرة الحين سبع سنين ....ولا تغير شئ ...
الولد يبي طلباته وبعضها يلبيها وبعضها ............. طلعات برا البيت قليلة الا طلعة كل اسبوع لأأهلة واهلها.........
بس الدنيا تغيرت الحرمة تبي تكش زي الناس وهو عايش في عصر الاولين........
حتى قالت ابدور شغل وش رد عليها؟؟؟؟ وش بتسوين بالراتب بتبذرينه بخرابيط.!!
تعبت معة المشكلة البنت عايشه عند اهلها اول بخير خذها الرجال وقفل عليها مسكينة في كل عيد ومناسبات عائلية لازم تتهاوش ويارجلها .
حتى ان الهواش يوصل انه تتركة وتروح عند اهلها ويراضيها باللي تبيه ...... ويعطيه وعود انه ماعاد يكرر هالشئ وانه بمشي كسوتها كل شهر ومن الكلام اللي دايم تسمعه منه......... واذا رجعت معة ما يتغير شي ( ويا ابو زيد ماكنك غزيت)
واللي زاد المشكلة ان الله ما كتب لهم الى الآن بيبي جديد ...........ز وعالجت عند مستشفيات حكومية ولا فية فايدة ؟ اخر شي قالوا توكلي على الله ....... تقوله خلنا انجرب المستشفيات الخاصة افضل الرجال متحسف على الفلوس ( حتى اذا تعبت ما يوديها المستشفى لو يشوفها على الفراش )
بتقولون وش مصبرها معه ...............
يحبها ولا يقدر يفارقها على كلامه بس الافعال ماتدل ..........
يصلي ... يحبها مو راعي خرابيط واستراحات مو راعي سفريات برا على كلامه ما راح يتزوج
عليه بس والله طريقته الواحد يخاف منها .........
قبل سنة سافر برا تقريبا اسبوع والظاهر عجبه السفر وناوي يكررها........
مع ان اعذاره بقل الفلوس ؟؟
يــــــــــــاليـت تسـاعـدونــــــــــــــها بــــالحــــــــــــــــــــل؟؟؟؟؟
( قلت لها قلتي لاهلك ؟؟؟قالت ان امي تقول هو رجال والكسوة اذا بغيتي انا ابعطيك ؟
بس تقول الى متى واهلي يكسوني.....................؟