البنات المصريات
الله ما تعرفوش الموضوع ده واحشني اد ايه واحشني اوي اوي
من زمان ما اتلماناش زي زمان ولا اتكلمنا مع بعض وخاصة الجروب اللي كان هنا في عروس
وحشيني موت
برايد
ايمان
هالة
قلب العصفورة
امل عادل
وفوانيس وعودة وياسيما
الله لو االموضوع يرجع تاني بس ل الاسف كل وا حدة انشغلت في حياتي
انا بكتب الموضوع علي امل نرجع تاني زي الاول نتكلم مع بعض وناخد راي بعض ونفيد بعض وخاصة اللي علي وش زواج زي ياريت كل عضوة تدخل وتعرف عضوة مصرية تفولها علي الموضوع
بصو بقا انا زواجي قرب الحمد الله
بس مش فاضية خالص خالص خالص
الاول مكان الفرح واانا في الموضوع ده اتعذبت بشكل بس لسا ما استقريت علي حاجة بس يعني الاختيارات اتحددت في اماكن بسيطة مش زي الاول تايها
الفستان
فعلا اتهديت بالذات من البحث عن الفستان
انا بعد عذاب ولف ع المحلات ما تتخيلوش انا عملت ايه اي محل اسمع عنه اجري جري اشوف فيه ايه وموديلاته
بس بصراحة الحاجات الفخما والشيك مش كتير اوي يعني بس في حاجات حلوة
لقيت محل جنب طيبة مول ما بين طيبة مول ومعرض سلامة للسيارات عمارة 77
في الدور الاول اسمه عايدة نجيدة حلو وفي حاجات حلوة للسهرة كمان
وفي محل في عمارات العبور في صلاح سالم اسمه الفرحة في اول صلاح سالم جنب بنك سوستيه جنيرال قريب منه وده في الحلو وفيه اللي مش اوي بس مافيهوش حاجات فخمة
وفي محل مارياج وده جنب جاد اللي في ميدان الحجاز عند عمرافندي
وده في حاجات جميلة بس كلها بحمالات وهي تقفله
وهي حاجات كلها اميريكان حسيت انها لما تتقفل مش هتبقا لذيذة وشيك زي ما هي مفتوحة كده
بس موديلاتهم حلوة ورقيقة وعندهم واحد يهووووووووووس كنت هموت عليه بس قلت لوقفلته مش هيبقا حلو زي وهو بحمالات قلت هخليه في الاخر لو ما شفتش زيه ارجع له
بالنسبة للفستان شكلي كده استقريت خلاص
بس لسا شوية بس لحد دلوقتي خلاص لقيت الفستان اللي كنت بحلم بيه واحلي كمان الحمد الله
رقيق وشيك وسيمبل وفخم
الحمد الله
ناقص الطرحة
حماتي عايزاها طويلة اوي بطول الفستان
وصاحبة الاتيلية
بتقولي الطويلة موضة بس لو طولت هتداري شياكة التطريز
واحنا عايزينها سيمبل عشان عايزين كل تركيز عيون الناس علي شغل الفستان مش الطرحا
وانا مش عايزا ازعلها بس مش عارفا لسا ما قررتش
الشوز
مش عارفا فين الاقي شوز للفرح بس يكون ابيض مش سيلفر
عشان الفستان االاستايل بتاعه اميريكان اوي
انا لقيت واحد حلو في سيتي استار بس كعبه مش عالي انا عايزا عالي عشان الموديل يظهر
ياتري حد يعرف؟؟
علي فكرة انا اشتريت ملاية تجنن من محل في سيتي سنتر
المحل ده بيبيع ملايات تهوس ب 200 و250و320و380
احلي حاجة في المحل ده انه بيبيع حاجات للبيت شيك اوي وفخمة
وبيبيعها زي بالقسط بس ما تاخديهاش الا لما تدفعي تمنها كامل فهمين طبعا
بصو بقا بيبيع
حاجات للديكور عندهم طقم هندي نحاس في ازاز بس مش اي ازاز فعلا هندي ياربنا ع الفخامة
بس ده مش لاي بيت طبعا طقم 4 قطع بس ملفت للنظر بطريقة رهيبة
وكمان اواني من الخارج تيفال بس مش اي تيفال احلي من اللي بيجي في اسامة اطيب مية مرة
وسكاكين
ومفارش
وملايات
واللحاف
وفوط
واطقم اكروبال والاطقم الفخما اوي اللي انتشرت دلوقتي بس بامانة احلي من اللي في شيفلد كمان
الميزة هنا انهم بيقسطو ليكي تمن الحاجة علي كام شهر وبتاخديها لما تمنها يكمل يعني قسط
بس بنفس السعر مافيش زيادة ولا فوايد
انا اخدت ملايتي كاش وان شاء الله لو في نصيب هجيب واحدة ب 380 بس تهوس فخما موت
بس دي هعمل لها اوردر يعني تبقا قسط