متى ممكن آخذ أبني للسينما لفيلم كارتوني؟؟؟

انا بنتى وديتها السينما مرة فقط كان عمرها سنتيين ويمكن 8 شهور مع ابوها خافت من الظلام وكل ساعة تقول تبي تطلع اعتقد 4 سنوات انسب وقت ولا بعد ينامون لك بالسينما .......انا بنتى الله يحفظها نامت وكسرت خاطري وضعتها على حضنى طول الساعتين .ولا بعد وديت لها لعبة وبرنوص تقولين رايحين رحلة..

مشكورة نودو، يعني الحين مايصلح آخذه، قلت باشوف تجاربكم وباستفيد...

انا ماعندي عيال بس باقولك تجربتي
رحت مع رفيجتي السينما مع ولدها تقريبا عمره سنتين
في البداية كان ساكت بس عقب ربع ساعه قعد يصيح و الناس كلهم يلتفتون علينا
حتى السكيورتي قال لها اخذي الياهل برع لان مسوي ازعاج

فمانصحج انج الحين تاخذينه

أم أسوولة خلاص هونت ماراح آخذه، لا يطردوني الأمن مثل صديقتك وآتفشل مع الناس، بس عمر الخمس سنوات عادي، أحنه ناخذ ولد خالي عادي مايسوي لنا مشاكل او فضيحة...

هههههههههههههه

اي 5 سنوات ماشاء الله الطفل يعرف و يفهم

انا ابني 3 سنوات.. مرتين وديته السينما.. بس الحمد لله.. ولا مرة فشلني..

بالعكس.. اندمج مع الكارتون آآآآآآآآخر اندمااااج..

فيلم مدغشقر.. والحمامة جسور.. Valient

متى يكبر ولدي واوديه السينما :o

أم عزيز ، الله يحفظه لكم، وتشوفينه معرس، المفروض ان الطفل يندمج مع الكارتون ، بس لازم تاخذينه وقت مافيه نوم...

جمانة، الله يبلغج فيه وتاخذينه السينما، لا تستعجلين عليه بعدين هو الي باذيج من طلباته...

اعتقد الخمس سنوات اوكي ... انا ولدي فديته من النوع اللي يندمج بس بنتي الله يحفظها عمرها 3 سنوات ونص ,, في البداية تكون ساكتة عقب تبتدي شيطانة فما أحسها تندمج وايد ...

شجوون، أشكرك على المرور والله يحفظ لك عيالك...

أنا ولدي عمره سنتين و نص... وديته مره وحده السينما..فيلم Madgascar ...خاف من الظلام ..فا تم مع ابوه برع و انا كملت الفيلم بروحي (r)

Noura 81 والله حلوة هو مع أبوه برع وأنت كملتي الفيلم، والله خواتي روحوا الفيلم يوم الجمعة وقالوا جان زين عبودي كان معانا أصلا الياهال كلهم ساكتين يشوفون الفيلم...