صدفوني مشورتكم بتريحني.. !!

توكلي على الله حبيبتي المشاية زينة لمساعدة الطفل على الجلوس والمشي فيما بعد

حاولي تحطين كوشايات ( وسادات ) ناعمة حولين الطفل وإنتي حاطته في المشاية عشان
ما يميل وممكن يتعور لا سمح الله

ليش ماحطيتيه في المشايه لين الحييين؟؟ الولد غير عن البنت بسرعه يصلب عمره...انا ولدي حطيته من نص السادس تقريبا بس ماكنت اخليه وايد وشوي وشوي ازيد المده....وعن اليلسه اعتقد عادي ولدي بديت اعوده على اليلسه في الثامن وكان يسوي شرات ولدج من ايلسه دقيقه ويطيح بس اصبري عليه اسبوعين وانتي تسويله هالحركه او تحطين مخده وراه وبتشوفينه اتعود وبييلس بروحه ان شاء الله من يكمل الثامن

اختي كان المفروض تحطينه في المشايه لو شويه

يختي حطيه فالمشايه يختي أشوي أشوي اتحسين انه بيحاول يحرك عمره وبعدين أنا عني يلست أعيالي من الشهر السادس والحمد لله الحين هم فالشهر الثامن والحمد لله رب العالمين بدو يحبون ويلسون ارواحهم ... يختي أتوكلي عالله ويلسي فالمشايه وبعد في المشايه مالت الالعاب انا كنت ايلس أعيالي فيها يوم أأكلهم ..... توكلي عالله

يعني احطه اتوكل على الله ....

توني مكلمة الدكتور ...

سالته عن المشاية: قالي ما انصحج فيه لانه يسبب اعوجاج فالرجلين ... قالي: واذا لا سمح الله صارلوا شي محد بيوافق على ابنك لما بيخطب ... انا خايفه خايفه خايفه .. شو اسوي ؟؟

قالي: هذي كماليات الانسان سواها .. وطبيا لا ينصح فيه ... الطفل الله يخلقوا يمشي مش احنا الي نعملها

اففففففففف محتارة يا جماعه .. مع اني شريتله وركبته وكل يوم اقعد اتمنظر فيه .. اقول في خاطري احطه ولالا

توكلي على الله

كل عيالنا واهلنا يلسوا فيها ما صار فيهم شي ..

والدكاترة دوم يكبرون من الاشياء .. يعني صح الواحد يحاتي ولازم يسأل بس في اشياء ما تحتاي امهاتنا سووها.. غير جي انتي احساسج انها مب مضره يكفي ..

وكثرة سماعج لكلام الدكاترة وانج تسألين عن كل شي تلاحظينه في ولدج يولد عندج الشك والخوف الدايم .. ويخليج اتحسين انه ولدج بسم الله عليه مريض ويكون هوه ما فيه شي اللهم تغيير بسيط ... انا نصيحتي لج لا تلجأيين للدكاترة على كل شي اللا اذا لاحظتي شي صدق غريب ويخوف يعني في الاشياء العادية توكلي على ربج ..

ولدي يلسته من عمره 4 شهور ونص لمدة عشر دقايق بس .. وكنت احط له مخدات جدامه عشان راسه.. والحين ماشالله عمره 6 شهور بالضبط توه كملهن من يومين .. وماشالله يدور في البيت كله ..

المشاية تساعد الطفل على المشي السريع وانه يشد ريوله ..

عادي انا ولد خالتي عمره سنه وهو بعده ماقدر يمشي



ترا كل طفل ويختلف عن الثاني

في اطفال يمشون اشوي في التاسع

والبعض يتاخرون لين السنه

بس انتي عادي تقدرين تحطينه في المشايه بس مده قصيره لا غير

الدكتور نسى يقولج شي اختي بجعه...

المشايه ماتسوي اعوجاج في الريل الا اذا كنتي منزلتنها وايد بحيث ان رجل الطفل تكون مقوسه..او انها تكووون وايد مرتفعه....يعني لازم تضبطين القياس عدل يوم بتيلسين ولدج...يعني رجله تلامس الارض بدون اعوجاج...

الدكتور نسى يقولج شي اختي بجعه...

المشايه ماتسوي اعوجاج في الريل الا اذا كنتي منزلتنها وايد بحيث ان رجل الطفل تكون مقوسه..او انها تكووون وايد مرتفعه....يعني لازم تضبطين القياس عدل يوم بتيلسين ولدج...يعني رجله تلامس الارض بدون اعوجاج...

انا بنتي اقعدها في المشايه عادي

لو ولدج بيتنا جان كلوه وقالوله تبش بطيئ بعده ما يقعد لازم يمشي هههههههههههههههههههه

انا بنتي كله يقولون لها احبي بلاج قاعده ..

ما ادري شو يبوني اسوي اخليها تركض في الثامن ؟

ما شاء الله البنات ما قصروا معاج اختي بجعة..

وانا رأيي من رأي اختنا عيوون ابوظبي :up:

مشكورين والله ما قصرتوا ...

alfajer _alb3ed

ان شاء الله اليوم اول يوم بيلسه فالمشاية وبحاول اني اتبع نصايحكم

jami

امس خالاتي ما قصروا صرطوني يوم قلتلهم الين الحين ما حطيته فالمشاية ... فقررت اني خلالالاص اتوكل على الله ومن دون محاتاه ..

بس تعرفين امس يوم قلت حق ريلي اني خلاص بحطه فالمشاية قالي اوكي بس اذا صار للولد شي ياويلج ما تلومين الا نفسج :( (لانه كان وياي يوم الدكتور قالي هالكلالالام ) :(

ابشركم بشارة يلست ولدي فالمشاية وقام يرجع ريوس (على ورا)

حبيبي ومستانس .. بس ما يطول ويتعب ويصيح

لا تخلينه وايد على المشايه ... يعني درجي وياه شوي شوي طولي المده ...

انا بنتي نفس الشي ... و الحينه تستانس لو شافت شي في ربها بتكسر كل شي ...

بس يوم تشوفني بظرة مكسورة الخاطر ههههههههه اعرفها تعبت ... ما اباها تكره المشايه و تحس انها سجن ...


عقبال ما نشوفهم يمشون عادي

انا عيلي كلهم خليتهم في المشلية ما تأثر؟وكل طفل يختلف عن غيره من اليهال وانا عيالي عادة بعد السنة يمشون,فلا تشلين هم لاحقة على التكسر والتعب .

حبيبتي ما في داعي الخوف اللي انت فيه من تاخر قعدة الولد لانها عادية وان شاء مو بس بيقعد بتشوفينه يركض بعد، ولا تعقدين حالج بكلام الدكاترة اللي له اول ما له آخر