يا حواااامل المنتدى ....ممكن سؤال؟؟؟

شوفي اكيد اذا كبر بطنك يبيبلك تتسوقيين بس انا صراحه ماارتاح الا بالبجامات والبناطلين

هالشي تأكدي إنك راح تكتشفينه بنفسك مع مرور الوقت ههههه حسب مزاجك أكيد

السلام عليكم ورحمة الله وبركاته

الله يسلمج ويسلم غاليج من كل شر .......

في شهور الحمل الاولى عادي .... الوحده تلبس اللي خاطرها يعني مو ضيج وراص وما تقدر تيلس في مكانها

ههههههههههههههههههههههههههههههههه يعني شي معقول .... ملابس هي تكون مرتاحه فيها وتتحرك على راحتها .... عندج

قمصان وبناطلين ولا تنانير تراها مريحه وما تضغط على البطن وايد .....

اما الشهور الوسطى البطن اشويه يكبر يعني يفضل انه الوحده تلبس جلاليب ولا مخور المهم يعني واسع عليها اشوي ....

وبالنسبة للشهور الاخيرة .... لااااااازم الحرمة تلبس ملابس وسيعه وفضفاضة يعني تقدرين تقولين تغوص فيها

ههههههههههههههههههههههههههههههههه المسكينة .... يعني عسب تتحرك على راحتها وتتمشى في البيت ولا برع البيت

بدون ما الثياب اتضايقها ولا يستوي لها ضيج تنفس ويمكن في هاي الفترة الحرمة تكون طرفرانه من نفسها تبا شي يريحها

ويكون خفيف على جسمها (( بعدني ما جربت هاي الفترة .... ان شاء الله بجربها وبعدها يصير خير )) .... لي ما الله يكتب

لها انها تقوم بالسلامة وبعدين خلها تلبس اللي في خاطرها ....


وسلامتج ....

اختــــــــــــــج: روووووووووووووز

بصراحة أنا أفضل الجلابيات وثياب الحمل الواسعة الفضفاضة في شهور حملي الآخيرة ،،،،،،،،


سلامي وتحياتي ،،،،،،،

صباحكم سعيد




بالنسبة لى انا حبيبتى فى الشهور الاولى بلبس بناطلينى عادى اللى بلبسهم ديما



الى حد هلا بلبس بس بطنى كبرت كلهم شلتهم من الخزانة لانهم صغروا على


ههههههههههههه وصرت البس بناطلين اوسع والمشكلة البلد اللى

انا فيها ما فيها ملابس حمل تبع محجبات صعب يعنى لو لقيت بنطلون البلايز صعب

وانا وصيت اهلى يبعتولى من بلدى وقريب يصلوا ان شالله


بس ملابس حمل تبع بناطلين انا ما البس دشاديش ما احب اخخخخخخخ


يعنى قليل جدا اللاقى دشداشة تعجبنى وعلى رأى اختى ام المهند مع الوقت راح

تكتشفى بمزاجك غاليتى


تحياتى

إذا كانت من البحرين خير وبركة،،،، ماعندنا محلات حوامل الله عادلها،، المحلات الإنجليزية مثل دبنهامز ومذركير، ملابس الحوامل مايصلحون بالمرة للمتحجبات.. الصراحة آنه وايد عانيت ماكنت أحصل ملابس سنعة للدوام آروح فيها، فكنت أخيط عند الخياط بس مو حلوين ذاك الزود، بس في البيت او تحت العباية كنت أفضل بناطيل الحمل مع التيشرتات، وايد أريح بس بشهري الأخير كنت البس تيشرتات زوجي هاهاهاها.. الله يوفقها ونقلي لها آراءنا...

شكرا... ولي عوده

ما قصرتوا ....ساعدتوني كثير بس اتمنى انكم تكملون معروفكم.

اللي لاحظته من ردودكم ان ملابس الحمل ما تلبسونها ...هل هذا بسبب ان ملابس الحمل عندنا ما تصلح للمناسبات وموديلاته مش على الموضه؟؟؟؟ او انكم تفضلون الدراعات لانها ما تبين بطونكم , يعني لو خيروك بين دراعه وبنطلون بسير للحمل وبلوزه فضفاضه مع قصه على الصدر تصلح للمناسبات ايش تختارين؟؟؟

-عاده تشترين ملابس كثيره بفتره حملك (مثل غير وقت الحمل) او تشترين عدد محدود ضمن ميزانيه محدوده؟؟؟

-ايش رأيكم بالبضاعه اللي بسوقنا(مذركير,بريماما,...)وأسعارها؟؟؟

واذا عندكم اي اقتراحات لا تبخلون فيها علي......الف شكر على التعاون وما تقصرون .

ولي عوده مع صور ملابس حمل...

بالشهور الأولية تلبس الحامل ملابسها العادية

بعد كمن شهر تلبس اشياء وسيعة شوي وبالأخيرة تلبس اوسع شي

الملابس المرحة للحامل احس لاوم تكون متنوعة لأن مثل اللي مو حامل يكون لها مزاج يوم تكون كشخة بجلابية سنعة وحلوة ويوم بسيطة بتنورة وبودي او بلوز ويوم غير بانطلون مريح مع تيشرت او فانيلة حفرة وملابس السهرة احس كلش مافي بالبحرين شي عدل يعني الوحدة لازم تخيط لها حرام:(

وبالنسبة لقمصان النوم احس الأفضل تكون مشكلة ومن كل نوع لأن مثلها مثل الملابس العادية وملابس العمل والسهرة الوحدة ممكن تملل مع الوقت منها وكل يوم تكون الحامل بمزاج مرة مضايقة ومالها خلق شي حته نفسها اكيد راح تحتاج تلبس قميص نوم مريح او بنطلون قطن وحفرة او تيشرت...ويوم تحصلينها مفرفشة ونفسها تغير وتتعدل تبي تلبس شي حلو يفرحها ويفرح زوجها او اذا عندها مناسبة يعني احس ملابس النوم والعادية والسهرة المفروض تكون وااااااااااااااايد بأشكال مختلفة لأن الأذواق تختلف اكيد والحاجة بعد.

افكاريات على بالي حق تطوير الشغلة واضافات:


جواتي او نعل تصلح حق حوامل

جواتي رياضية للحوامل

واحذيةوصنادل للسهرة

شنط

كريمات لدهن الجسم (جميع اجزاء الجسم وخصوصا البدن والصدر ) لأن في هالمرحلة لازم الحامل من البداية تدهن جسمها لأنه يتعرض لتغييرات اذا ما اهتمت الوحدة بنفسها من البداية راح يخترب جسمها ويمتلي بالترهلات والخطوط..وبعضهم يحتاجون كريمات لشد تلك الأجزاء واللي اكيد ماراح يستخدمونها الا بعد الحمل حيث يكون الجسم وقتها جاهز عشان يرجع مثل ماكان ان شاء الله

عبايات لأن الوحدة مو حلو تظهر و عبايتها مفصلة جسمها وبطنها تفصيل كلش شغلة مو حلوة :)

هاي اللي في بالي الحين اذا جه على بالي حاجة اضافية راح احطها بس ياليت الخوات يساعدونه براهم بالحاجات اللي اقترحتها على اساس انساعد المرة لأن هالشي في رزق لها ان شاء الله :)

حبيبه ريلها شكرا شكرا شكرا ....ما قصرتي.

وينكم ابي اقتراحات....

انا افصل كنادير عند الخياييط الي فالعين وبصراحه العين مشهوووووووووووووووووووره بخياطتها الروووووووووووعه وموديلات الحواامل شكثرها واانا الحين فبداية شهري السادس
وبديت البس جلابيات بس صعبت عليه البناطلين.................. وفالدوااام عبايه مصكره وتحت شلحه وخلااص وراااحه عالاااااااااااااااااااااااخر