ابي رأيكم بصراحة .....؟؟؟ والله محتارة ..

تبين الحق وظيفتك هذي محد يتحملها شنو هذي الوظيفة اللي تشتغلين فيها 11 او 12 ساعة انا اشور عليج انج تغيرين وظيفتك هذي ولا تردين العريس وفوق هذا كله استخيري ربج افضل مني ومن غيري وخلي عنج هذي الوظيفة اللي حتى الناطور ساعات العمل عند اقل...:smile::smile::smile::smile:

الله يوفقج حياتي ويكتب لج الخير ويرزقج الزوج الصالح اللهم آمييين

اختي الغالية
اذا كنتي متأكدة من اخلاقه وانه ريال سنع وراح يتكفل فييج وبمصاريفج وانج قادرة على قعده البيت والوحدة خصوصا انج راح تكونين بروحج خصوصا ان وظيفتج
متعبه واهوا من حقه ان يمنعج عنها لاانج مثل ماقلتي ماترديين الا متاخر وتنامين بعد يعني اشلون بتجابلينه ؟؟
اما اذا كان اعتراضه على الوظيفه لمجرد الاعتراض فانا ارفض هذا المبدا يعني حاولي انج تلقين وظيفه ترديين فيها البيت مبجر
وتقولين له وتشوفين رايه
والراي الاول والاخير لج يعني انتي اذا مرتاحتله وماراح تحسين بالممل من البيت اهوا متكفل فيج وبمصارفيج
انا اقولج عطي الوظيفه طاف ووافقي عليه

الله يوفقج ان شاء الله ويكتب لج الخير

مع محبتي همس الوله

ولا تنسين صلاة الاستخارة

وادعيلي الله يرزقني الزوج الصالح

الصراحه وظيفتك تعتبر متعبببببببببببببببه لوحده بتتزوج وبتصير عندها مسؤليااات
انتي قلتيها بنفسك يعني ماجبت شي جديد

وانا معاه ومع الي قالوا اهم شي وظيفتك
حاولي تدورين على وظيفه ثانيه بارت تايم موفل تايم زي هذي علشان تقدرين توفقين بين حياتك العمليه الي اشوفها جدااااااااا مهمه وبين حياتك الزوجيه الي ماتقل اهميه

يعني الزبده اشترطي انتي كمان انه يكون من حقك الوظيفه بس ماتكون فول تام تلقين دوامه هو اقل من دوامك

الكلام براسي بس موراضي يطلع بشكل مرتب
يعني اذا انتي حاسه ان الرجال كويس وارتحتي بعد الاستخاره اتركي وظيفتك مع شرط تحطينه بالعقد حق الزواج ان الوظيفه من حقك متى مابغيتيها بس بداوم زي الناس والعالم ماياثر علي حياتكم

علشان اذا حدتك الظروف الله لايقوله تقدرين تتوظفين مايقولك انا اشترطت انك تتركين وظيفتك قبل الزواج

طبعا هذا اذا هو اشترط هالشرط علشان طول الدوام مو علشان مبدء الوظيفه بكبرها
الوحده المفروض ماتفرط بوظيفتها ابد بس وظيفتك لها ظرف خاص الي هو داوم طوووووووويل ومتواصل
يعني انسي اي حياه اجتماعيه ماهم راكبين سوا


معليش على لخبطتي بس انشالله فهمتي على
برجع اكتبه بطريقه مفهومه بكره
زوجي على وش وصول والبيت مقلوب فوق تحت
ماحبيت اطلع ما ارد عليك

السلام عليكم و رحمة الله و بركاته

أختي سؤال...

هو رافض الوظيفة كمبدأ ؟ يعني رافض عمل المرأة عموما...

واللا رافض وظيفتك هذه بشكل خاص...لأنها متعبة ؟

بصراحة ياختي اذا الرجال رافض وظيفتك هذي على كلام الأخت مرموم بشكل خاص

اللي اشوفه انك تتكرينها وتوافقين عليه طبعا بعد استخارة

لأنه ياحبيبتي مهما كان منهوالرجال اللي بيقبل بوظيفة مثل كذا ؟؟؟

يعني حتى لو رفضتيه عشان وظيفتك هذي لابد يجي غيره يرفضها اجل كيف تبين تعيش متزوجة وتكونين اسرة والوقت كله يروح للوظيفة

لاتخلين الوظيفة تعطلك عن الزواج خصوصا انها بهالشكل

وظيفتك هذي تنفع للعزابيات ههههههه عشان يطير الوقت لكن وحدة متزوجة اعتقد صعبة شوي

وبالتوفيق ان شاء الله والله يسهل عليك امورك يارب

السلام عليكم ورحمة الله وبركاته

أختي الغالية نووووووووونة

حبيبتي أنا أقول ما دام الرجل يمدحون في أخلاقه وهو مقتدر وميسور الحال أكيد طبعاً لأان ما شرط هذا الشرط إلا وهو قادر على مصاريف الحياة نصيحتي لك أن تتوكلي على الله وتوافيق على الزواج من هذا الرجل الصالح لأان الشغل الي بتعملي فيه وااااايد متعب ........

والله ولي التوفيق .......

وعليك بالاستخارة .......

سلامي وتحياتي

لا تتسرعين خلي الامور تمشي بطبيعتها
وقوليلهم انه ما عندج مانع تتركينها لانه باين من كلامج انه انتي متأكد و مقتنعه انه ما راح تنفعج بعد الزواج ... تروحين الفجر و ترجعين بالليل تنامين اجل ليه تتزوجين :)

قوليله ابتركها اذا الله قدر و صار نصيب بس اول مثلا تشوفينه و يسالون عنه و و و و اذا صار و قررتوا كتب الكتاب توكلي على الله و اتركيها و الله بيعوضج عنها خير لانج تركتيتها لخاطر ارضاء زوجك اللي رضاه من رضا الله

انا اشوف إذا الريال يقدر يفتح بين ويصرف عليج ويعطيج راتب شهري وهو مقتدر اشوف انج تتركين الوظيفة لانها فعلا مرهقة وماراح تهتمين في الريال ويعدين قبل كل شي صلي الاستخارة والله يوفقج وينور طريقج ان شاء الله

والله يابنات ماتوقعت احد يرد علي اليوم قلت يالله بكره والله يعطيكم العافية على ردودكم
والله اني حسيت انكم خواتي خاصة اني ماعندي خوات كبار انا اكبر وحده ....

تدرووون مارضى اقتبس ردودكم وارد على كل وحده على العموم ...

منال الكويت والله مبسوووطة من ردك علي شكرا عزيزتي ..

اختي همس الوله يعطيك العافية

ااااااااااااااااااااااااااااااامين واياك يارب وبنات المسلمين
وخاصة اللي ردوو علي ..
بس شوفي بصراحة مااتوقع اني احصل وظيفة بعدها
اصلا الواحد يالله يلاقي ...

على العمووم مشكووووره والله عجبني ردك ....

عليج بالأستخارة يا الغالية ...
وطمنينا عليج

اختي الحبيبة :
الحياه العملية مهمة جدا للمراءه في هذا العصر كما انهعا بتذيد من مكانه المراءه الاجتماعية
والحياة الزوجية هي التي خلقت من اجلها المراءة ايضا
ولما
اتفقت مع زوجي اني هعمل وهو وافق علي ان لا اهمل بيتي وطفلي وانا اكيد وافقت علي ها الشرط وده شرط صعب جدا وبالنسبه لوظيفتك اكيد طبعا هتهملي وانتي فيها زوجك فحاولي ان تبحثي عن وظيفه اخري

وربنا يوفقك يارب ويرزقك بالزوج والذرية الصالحة
قمر

أختي العزيزة نووووونه.. قبل كل شيء أننا نعيش في زمن لا بد للمراة أن يكون لديها ما يحميها من غدر الزمن فالوظيفة هي تمثل الأمان للمرأة ونحن في وقت يجب أن يتعاون بها الطرفين لكي يتمكنوا من إرساء سفينة الحياة الى بر الأمان.. ولكن بما أن ذلك الشخص المتقدم لكي يشترط عدم ممارستك للعمل فهذا يعني انه ميسور الحال وليس بحاجة لعملك كما أنكي تعانيين الأمرين من هذه الوظيفة المتعبة وفي كل الأحوال حتى لو لم يشترط تركك للعمل فأنت ستتركيه من تلقاء نفسك لأنك لن تتمكني من إدارة شؤون المنزل والعمل في آن واحد نظرا لوقت دوامك الطويل فانت إذا إستمريت بالعمل سوف يكون على حساب زوجك وبيتك وأطفالك في المستقبل .. فهذه الوظيفة بالذات سوف ياتي يوم تضطري لتركها عندما ترتبطين لأن وقتها كما سبق وقلت غير مناسب ..
وأنا أرى أن لا ترفضي هذا العريس بما ان الجميع يمدح بأخلاقه وبالإضافة انه ميسور الحال فماذا تريدين أكثر من ذلك وإن كنت تطمحين بمزاولة مهنة ما لتحقيق الذات فتشاوري معه بالموضوع على ألا يتعارض وقت الدوام مع تلبية إحتياجات المنزل..
لا ترفضيه وتوكلي على الله .. تمنياتي لكي بالتوفيق..

الوظيفة اهم وبعدين الرجل والله مهم جدا ان المراة تعمل ويكون لها دخل تشترى اللى نفسها فى والله انا كنت كل شهر انتظر من جوزى يعطنى 200 ريال والان الحمد الله لما عملت مش منتظر من حد مصروف عموما فكرى كويس انت ممكن تاخدى دوام واحد مش دوام كامل افضل لك

انا بقول اذ انتي منك بحاجة الوظيفة....... بلاها احسن
آن الاوان لترتاحي
وانشالله بتتوفقي

والله اذا بيتكفل بمصاااريفج واهوا على اخلااااق وافقي ولا تطوفين الفرصه
احسن شيء انا المراة تعيش ملكه ببيتها تجد كل حاجتها متوفرة وما عليها الا انها تهتم بنفسها وتستعد وتلبي حاجات زوجها
وهذا راااي وانا لو قالي زوجي بيوم قعدي واناااا اوفر لج كل اللى تبين من ثاني يوم اقدم استقالتي واتفرغ لبيتي وولدي
اذاا كان على خلق لا ترفضينه ابد

[السلام عليكم
انصحك انك تستخير قبل ماتقرري والله يوفقك.[/f[/size]ont]

والله شقولج البنات ماقصرو بنصيحه
لوانا بمكانج اترك وظيفتي واتفرغ لعمري اذا كان الريال متكفل ومقتدر.
وبالتوفيق ان شاء الله