اموت فية بس هو جامد وقاسي

ما في داعي للانفصال ولا في داعي للدلع الزايد لان كثر ماتدلعين الريال يحسب نفسه انه مستقوي عليج بزيادة وبعدين انا اول مرة اشوف خطبة 6000 شهر شالسالفة كتب الكتاب وراه شهرين او ثلاث بالكثير العرس لان في هالحالة الريال يمل من كثرة السوالف تبين الصج المدة مملة له اهو يمكن انتي قاعدة تجهزين للعرس بس اهو مل من النطرة سنة ونص بس سوالف الريال زهق الله يعينه وبعدين بعد الزواج لازم يعرف ان للطيور وقتهم والبيت وقته يعني ما يجابل الطيور ويكشت بالبيت واللي فيه . والله يوفقج ويتمم عليج يارب.:up::up:

اخت منال العرس تاجل لان جدتي توفت من شهر ونص وهالشي ما كان بيدي وهو في البدايه كان حاب انه ياخر العرس تسع شهور..وبعدين صارت الوفاه..ولا انا ما طلبت هالشي ..ومشكورة على الرد

مرحبا اختي ... انا من رااايي انج ماتفكرين بالانفصال مثل ماقالت منال الكويت يمكن بعد الزواج يتغير كل شي لانج الحين بعيده عنه اللي بينج وبينه المكالمات فاكيد راح اتحسين انه جاف معاج في الكلام او في التعامل .. غير لما اتكونين معاها في غرفه وحده في بيت واحد يحس انه مسؤوول عنج وانتي بعد مسؤووله عنه ..

وعلى فكره واايد ريااايل ماعندهم رومانسيه او يمكن ماعندهم اسلووب في الكلام الحلو ... وهذا طبعا احنا البنات اذا حبينا حبينا

وحليلج.. عادة الرياييل حلوين قبل الزواج بس بعد الزواج تظهر القسوة منهم

حبيبتي فجر قطر هل العرس والطقطقة والرقص والاغاني ضرورية للعرس جان رحتي بيتج وما في داعي للنطرة صدقيني انا مريت في هالمرحلة وما طخ زوجي من الحنة والرنة الا بعد العرس . نصيحتي لج روحي بيتج وبعدين سوي استقبال او خلي الحفلة حق بعدالولادة ( الاربعين )والله يسعدج يارب.

العزيزية
فجـــــــــر قطـــــــــــر
الله يعينج ويصبرج
أنصحج بكثرة الدعاء
طلبي من الله ان يثبت قلب زوج على حبك
وأن يغيير من طبعه
والله يوفقك وأنشا الله يتغير طبعه في القريب العاجل

السلام عليكم ورحمة الله وبركاته

الاخت فجر قطر000عاد أنا ما أعرف أنصح خير شر ؟؟؟؟
وكل ما صار لي شي أطلب من الكل النصيحة !!!!!
والله أني تأثرت حيل بكل الي تعانيه(( الله يعينج ))

أنا كنت بقول لج عكس اللي قالوه الاخوات00000بس الظاهر أني فعلا ما
أعرف أنصح مثل العالم!!!!!!!!!
عشان جذه بقول مثل ماقالوا الخوات صبري عليه ؟؟؟؟

البنات صج غريبات 00كيف الوحدة تقدر تحب واحد ما تحس أنه يهتم فيها؟؟!!

والاخت منال الكويت أسلوبج حيييييييييييل حلو وصريح ويدش القلب

والله يعين كل البنات على أزواجهم !!!!!!!!!!!!!!!!!!!!!!!!!!!!!!!!!!!!!!!!!!!!!!!

انا من رايي تستخيرين 7 مرات
واذا كنت مكانج بنفصل عنه..واضح يا اختي انه مغصوب عليج لانج بنت عمه
وواضح انه ما يكن لج ايه مشاعر..ويمكن تكون في قلبه وحده ثانيه وهذا سبب انشغاله الزايد
حبيبتي الريال اللي يحب مرته يحب دوم يتعذر عسب يشوفها او يرسمها..لو حتى دقايق
بس خطيبج العكس يتهرب منج هب لعيب فيج حبيبتي بس القلب وما يهوى

انا من رايي انج تنفصلين عنه وتشوفين حياتج لا تظلمين نفسج مع ريال يمكن ما يحبج طول عمره
صدقيني مشكلت اغلبيه عوايل الخليج انهم يجبرون عيالهم بحجه بنت العم او بنت العمه..بس عقب العرس الريال خلاص يتم في باله انه مغصوب ولا يحاول يحب مرته..ويقضي اغلبيه وقته برع البيت

لا تخاطرين الغاليه خصوصا انج مرغوبه ويتقدم لج الكثير

من وجهه نظري انه يبغي الانفصال بس خايف لا يسبب هالشي مشاكل من بينكم عسب جذا هو يبغي هالشي اييي منج يالغاليه

استخيري واااايد وادعي ربج وايد انه اللي فيه الخير ربنا يجدمه سواء كان هالشي بالزواج من ولد عمج او الانفصال عنه

الله يعينج ويعاونج ويسعدج يا رب

انا اسفة يا الغالية اذا كان كدا قبل الزواج اما بعد الجوز ايش ح يسوى لازم يكون فى حل شوية فكرى كويس قبل الزواج

يمكن مثل ما قالوا الاخوات ويمكن طبعة كذا جااااااااااف و مافيه رومنسية احسن شي كثري من الاستخارة وشوفي قلبك يرتاح لايش وتوكلي على ربك قبل كل شي واكثري من الدعاء والله يفرج لك ولا تقولين احبه فكري بالصح وسويه

مشكورين على الردود ..انا فكرت اقدم العرس ..وقلت له ما ابي طقطقه بس خلنا نتزوج ..عاند قال انا مب لعبه عندج...

وانا الحين استخير واتمنى ان الله يريح بالي..

اما عن ان في قلبه وحدة ثانيه لا ما اعتقد لانه ماله في هالسوالف وهو مب مغصوب علي بالعكس هو اللي كان يبيني ..دورو له وايد بس هو بغاني انا...

بس والله محتارة..كل ما اسوي اللي يبيه يغير رايه ..

وجزاكم الله الف خير على الردود...

هلا بقلبي و احلى عروسه فجر قطر .. حبيبتي انا مثلج رومانسية و اعرف الدقات الي تنززل علينا نحن الرومانسيات ههههههههه

كله نبس احد يحس فينا و يكون موجود لنا اربع عشرين ساعة .. لنا علمنا الخاص و نتوقع الغير يحس فينا حتى لو احنا ماشكينا

شوفي حبيبتي من شخص لشخص اسلوبه في التعبير يختلف و يمكن مثل ماقلتي انج حساسه شوي ... خذيتي جفاه بحساسيه و فسرتي انه مايحس فيج و مايحبج

حبيتي شيلي هل افكار من بالج و الحين هو ريلج انتي تقدرين تغيرين فييه .. عوديه على طبعج شوي شوي .. ياج ابجفه قابليه بحنيه لين مايلين قلببه و ياخذ على طبعج .. هو مشكلتنا نحن البنات دايما جذي مع الريايل ههههههه رومانسيات و هم خبر خير بالنسيان .. بس والله ترا هم يحبووون بس في منهم الي مايعرفون يعبرون و يعتبرون ماله داعي للتعبير كبرنه على هل سوالف من جذي اقولج هم اطباع انتي عوديه على طبعج .. هو مو رومانسي اوكي مو مشكله انتي عوديه و خليه يصير رومانسي بالكلام الحلو .. بالهدايمي ... باغاني حلوه و مسجات حلوه لبس حلو طلعات رومانسية قعدات رومانسية بيطلع الكلام
اتمنالج التوفيق حبيبتي!!! و مبروك من الحين يا قلبي و انشالله حياتج تكون معاه سعاده في سعاده آآآميييين

انا من رايي.......... انتي ادرى اذا مغصوب او لا؟؟ هذا اولا
واذا مو مغصوب فيمكن يكون طبعه كذا عاااااااااااااادي يا بنت الحلال :gum:على قولة اختي دلوعة باباتها انهم يحبون بس ما يظهرون هالشي يمكن لانهم ما يقدرون يعبرون ان انهم يشوفون ان الحب بالقلب وبالتعامل ومو لازم يطلع وشكل زوجك منهم ...
نصيحتي لك:
لا تلزقين فيه بزياده خففي مكالمات عشان يشتاق لك:shy: خل شي من كلامك لبعد الزواج خفي عليه ولا تحسسينه انك قاطه وجهك عليه خليك شوي ثقل وبعد سالفة يوم تعطينه قلوس كلش مووووووووووزينه :sad:ترى بيتعود وماراح تفتكين منه وبعد الزواج بيصير يذكرك انتي كنتي تعطيني والحين ماصرت انتبهي هو المسؤول عنك مو انتي ..
ومن ناحية المشاعر ان شاء الله.بعد الزواج تقدرين تغيرينه صدق يبيله وقت بس معليش كل شي لابو الشباب يهون ...
ولا تفكرين في سالفة ما يحبني مدري شنو بعد الزواج تظهر الموده والرحمه اللي جعلها ربي بين الزوجين ومع السنوات بتعرفين انك غاليه حتى لو ما تكلم من تصرفاته
والله يتمم عليكم بخير وترى يمكن اخطيت في كلامي اخذي الصح واتركي الخطا ونبهيني عليه
الله يسهل عليكم ويحنن قلبه عليه واكثري من الدعاء ان يجعله الله قرة عين لك وان يجعلك قرة عين له والاستخاره ما اوصيك
في امان الله وعقبال ما نسمع منك احلى الاخبار ياعروستنا:flower: ...

اختك في الله:
§¤°~®~°¤§[movet=left]شذى:) الربيع[/movet]§¤°~®~°¤§

[grade="00008B FF6347 008000 4B0082"]اقعدي معاه قعده جد وقوليله اذا مش عاوزك يقول اذا عاوزك هتعملي كل حاجه علشان تخليه اسعد انسان بس يقول

وان كان مغصوب فمن اولها كدا يقول وربنا يصلح حالكم وييسر لك ما فيه الخير لك في دينك ودنياكي[/grade]

السلام عليكم ورحمة الله وبركاته ......
الغاليه ( فجر قطر ) يمكن أكون في وضع مايسمحلي أني انصحج (لأني مش مخطوبه ) بس في أختي وبنات خالتي اتزوجوا .... يمكن يكون كلامي قاسي عليج بس اسمحيلي .... الغاليه الزواج عشرة عمر وتفاهم موشرط الحب ،الإحترام والعشره الطيبه هي الي تولد الحب بس ساااااااعاااات يفشل ...... والله ياأختي وهذه انا حلفت قصتك وأنا اقراها ذكرتني ببنت خاااالتي انسانه طيبه وكافيه خيرها شرها وماينطق السانها إلى بالطيب .... خطبها ولد ولد عم امها لمدة سنه .... وفي هذه السنه ماكانت تتكلم وتخبر أي احد انه يتعامل معاها بجفا رغم انه شافها قبل الملكه وقال اباها وظلت سنه تعاني معاه وتحدد موعد العرس رغم انها في فترة الملكه سوت المستحيييل علشان تسعده وتقربه منها وتكسبه .... واتزوجوا وعاانت معاه والله والله ياأختي انها طيييبه لأقصى درجه واستحملته تخيلي واسمحولي عالهكلام حتى المعاشره الزوجيه مااااشي لا والقهر كان يبى عيااااال وكل ماكانت تكلمه كلام حلو كان يهددها ياإنها تسكت أو يرميها بشي ..... وبعدين انتقل لمكان بعيد ورفض انه يشلها معاه رغم انهم يعطونه شقه ... وهي كانت عند أهله في نفس البيت وكان اي يوم واحد في الأسبوع بس .... وبدى يزودها معاها .... تخيلي هي تخدمه وتوفرله كل شي يقول لأهلها والله مافي أحد طلب منها تشتغل والله نحن جايبين خدامات .... وبعد فتره .... راحت زياره عند اهلها يومين ورجعت لبيت أهل زوجها اتخيلي عمتها أم زوجها ماخلت عليها كلمه استحي اكتبهن وطردتها من البيت ... وتتخلين هو شو سوى ؟؟؟ دقلها عالموبايل وهي تكلمه تقوله بنتفاهم قالها يلايلايلا انتي طالق بالثلاثه .... ولما تلاقوا في المحكمه قال انا ماطلقتها ولازم ترجع كل الي صرفته عليها ... لاكن لما حلفه القاضي قال نعم طلقتها .... وهذه هي اطلقت صح يمكن تكون مش أول أو آآآخر وحده ....

بس ياأختي الغاليه سميعها نصييييحه كوني على ثقه منه انه انسان بيصونك وبيقدرك حتى لو كنت تحبينه دوسي على قلبك قبل مايدوس عليك لاتكونين ضعيفه لأن في هذا الزمن الطيبه مش كل شي .... ودامك معاه على البر استخيري واستخيري وتوكلي على الله ...... والله ياربي ييسرلك الي فيه خير وسعاده وصلاح لك في الدنيا والآخره ....

وآسفه لأني طولت عليك بس ماقدرت امنع دموعي لما قريت موضوعك واتذكرت بنت خالتي .....

مساء الخير انا رايى ليكى انك تفهميه انك محتاجه حنان منه اكتر وانك تحسى من نحيته انه بيحبك لان الخطوبه اسعد وقت فى الحياه وبعدين لو مش بيحبك او مش بيبدلك نفس شعورك انتى مع الوقت هتعملى زيه طيب تبقى حياتكوا عامله ازاى فهميه وصلى صلاه استخاره وان شاء الله ربنا هيوفقك ولو كان دا نصيبك ان شاء الله هيكون خير وبعدين انا راى انك تخليه يحبك ويهتم بيكى لان المفروض انك تكونى اهم حاجه فى حياته بس قبل التفكير فى اى حاجه حاولى تخلى ذهنك صافى من اى حاجه وتصلى وربنا ان شاء الله هيكون معاكى ويوفقك فى قرارك والله الموفق

7abeebtee lazem elwe7da te5tar el wa7ed elee e7ebha mo elee heya et7ebbah!!

adree sa3b el enfesaal bas men elee asme3a inna may7ebich o yeste3'el lich ba3ad?

sadgeenee ray7ee roo7ich wenfaslee 3anna winshalla alla ya36eech elee yestaah lich...

allah e3eenich:(

الصراااحه يااختي اناا اسفه على كلامي والاخواات ماادري اشلون يقولون استحمليه

بالله ليش تستحملين انتي شو سويتي له ؟

يخليج تصيحين يطلع يوبج كلها مايكلمج ومايهتم فيج

اشلوون تقوللين احبه

اذا اللحين يسوي فيج جذي بعدين اشلون؟

وهو لو يبغي يطلق بيطلقج لكن تدرين اللي مسكته انج بنت عمه؟

الله يعينج اقووولج استخيري ثم استخيري واذا حسيتي بعدم راحه اطلبي الانفصال اللحين احسن والله بيعوضج غيره وباللي احسن منه

انا الصراحه مستغربه منج كل هذا يسويه فيج ومستحملته وهذا بفترة خطوبه كيف بالله بعد زواج الله يعينج!!!!!

اااسفه ادري كلامي قااسي بس اختي هذا زواج اطفال حياة مو لعبه

اولا البقاء لله

ثانيا انا عايزه اقولك حاجه بجد انتى كده بتتنازللى كتيير جدا وبعد كده هتتعزبى معاه جدا فانا شايفه انك تسيبيه احسن