ابي منكم تساعدوني........ قبل ما اطلب الطلاق

الله يعينج حبيبتي

لكن ماشيء سبب انج تطلبين الطلاق علشااانه هالاموووور كلهااا تتصلح بالتفاهم والمصارحة بينج وبينه لكن ما توصل للطلاق

الله يعينج والله الله يعينج
محد امدمر حياتنا غير هالبنات اللي يداومن ويا رياييلنا
صدقج و الله فاصخات حيا اعوووووووووووووووذ بالله منهن !!
وين ما سرنا ورانا ورانا
حتى ف الشرطة و الجيش قامو اييبونهن !!!
والله إني استغرب من هاللاهل اللي يخلون بناتهن يشتغلن في هالاماكن !!!
غريبة و الله !!!!
اوكي قلنا محتايين
بس عاد حشمن عماركن!!!
لاعت جبدنا من بلاويهن !!!!
اللـــــــــــــــــه يعيـــــــــــــــنج و الله
و عن ريلج حاولي تتقربين منه واااايد
دلعيه
و ادلعي عليييييييه !!!
سويله حركات و شغلات من هالسوالف الرومانسية ف انصاص الليالي
ذكريه دوم بانج تحبينه
حسسيه بانج ما تتخلين عنه
الزقي فيه 24 ساعة
استويله شرات البيبي !!
صدقيني بيتخبل و بيستحي ع ويهه و بيدلعج !!!!
و يوم بيكون ف الدوام طرشيله بين فترة لفترة باقات ورد
بيستانس عليج وااااااااااااايد
و الطلاق شيلــــــــــــــــــــــــيه مـــــــــــــن بالــــــــــج نهااااااااااااااااااااااااائيا
انتي ما عرستي عسب تطلقين !!هذا اول شي
وبعدين الحياة مب على طول حلوة
لازم في مشاكل فديت روحج
بس اصبري و شيلي هالخرابيط من بالج
و حاولي تكثرين من السوالف اللي يحبها
و الله يسعدج و يبعد عنكم عيال الحرام

والله الأخت كفت ووفت الريال الي ما يخون حرمته غدا نادر هالأيام بس حياة التطنيش مجربه ومضمونه
وياليت لو عرفتي أي شي لا سمح الله أنج ما تواجهينه بها الشي المواجه تقلل من هيبج والريال الي يغلط
سبحان الله ما يتوب لين يهديه الله سبحانه وتعالى كلنا جربنا الي مريتي فيه بس عشان
عيالنا كل شي يهون ومع الوقت رجعت المياه لمجاريها فلا تيئسين وحاولي تكسبينه بالطيب عسى أن الله
يهديه ويرجع مثل أول وأحسن

اختي لا تفكرين مول فالطلااااااااااق

صح كلام الاخت الوحده ما تعرس عسب تطلق

وانتي اهتمي فيه اكثر واكثر والله والله يرجع المياه لمجاريها

حبيبتي , ربي يعينك..
شوفي اول شي خليكي صريحه وايد
بكل مشاعرك لكن برقه بعد..
سنة و نص اكيد معوده تصارحيه..
و ما تنسي الوعي الديني..
حبيبتي في موقع اسلام ويب.نت
في اشتراك في رسائل الجوال
ببلاش و لما ترسلي ما يطلع اسمك الا كما تكتبيه..
في رسائل تذكير بالله , و العقاب و دعوات حلوة بعد
وان شاء الله تنفعك.. مثل :ايرضيك أن يأتيك ملك الموت و أنت على هذه الحاله...." و غيره
هذه شي
و صارحيه بكل ما في قلبك..
انك انت تحبيه بس حاسه انه ما عاد يحبك
و انه في شي , اسأليه مقصره في حقك شي..و مش بصوت عالي او عصبية
نفس حالتك الداخليه , انت زعلانه و منكسره خليكي امامه نفس الشي..
و قولي له انك انت اصلا لسعادته في الدنيا "صح و لا لأ"
بس شايفه انك ما عدت كذلك بالنسبه له, حاسه انك مضايقاه في حياته..و امدحي فيه ..
يعني خليه يحس بانه ذنبه أثر عليكي , و انك مازلت تحبيه و حاسه انك انت المذنبة مش هو و انه هو احسن من باقي الرجال.."مافي مثلك""إنت أحسن واحد" "أصدق واحد من بين الرجال"" و غيره(تذاكي فيها)
و المفروض انه يستحي من نفسه , و خليكي حنووووونه عليه..
لما تقولي حديث ما توجهي له, كإنك تتكلمي بصفه عامه او قولي قصة واحده تعرفيها..
"يا ابن آدم كما تدين تدااان"
الي تسويه راح تلاقيه ,, ليس الله بظلام للعبيد..
و في حكاية كتييييييييييييير حلوة مره عمي قالها لي:
مره كان في بائع , و متدين و متزوج و كبير في السن , و طول عمره ما سوى شي غلط
و مرة جاءت امرأة حسناء لتشتري من عنده فلمس يدها, و ثم سحب يده و استغفر الله..
عندما رجع للمنزل (زوجته عجوز ايضا) قالت له زوجته :حدث شيء عجيب اليوم, السقاء الذي يأتي
بالماء لهم منذ سنيـــــن و هو خارج أمسك يدها, ثم تركها و ذهب... قأخبرها زوجها بما حدث معه
و قال"" لو زدت لزاد السقاء"" و صار مثلا..

و أخبريه ان حادثة تلك الليله جعلتك تشكين به دوما و انت لا تحبين ان تجعليه موضعا للشك لأنه ليس اهلا له..
و حاولي توصلي له هالمعلومه, انك تحبيه كتييير و لا تريدين له الا كل الخير, اجعليه يشعرها..
و اذا انت منقصه عليه يتزوج ثانية و ثالثه , المهم ارضاء الله تعالى

هذا رأيي , شو رأيك عزيزتي؟
شو رأيكم يا اخواتي؟؟
اكثري من الدعاء له
على رأي الاستاذ عمرو خالد"له مفعول السحر" خصوصا آخر الليل..
أنار الله حياتك

انتى عندج ولد منه فالضحيه بالاخير من طلب الطلاق هو الابن فكرى فيه وتراجعي واصبرى والله يهديى زوجج
بس اخذى رقم الي تتصل فيه وكلميها

بصراحة الاخوات كفو و وفو في الموضوع
الله يكون في عونج

حبيبتي انا ماني شايفة سبب يخليك تطلبين الطلاق انتي ما شفتي شي بعينك ويمكن يكون صادق بكلامه وهي اكيد الي تحركشت فيه واغلب الرجال مايقولون كلمة حب حق زوجاتهم وإذا على النوم في كثير من الرجال اذا جالهم اطفال وصاروا ينامون معهم بنفس الغرفة يتضايقون وينامون لحالهم حاولي تعالجين كل هل المشاكل
ترى الطلاق ككلمة جدا سهلة لكن لمن يصير بيكون صعب عليكي وبتندمين ولازم تعرفي انه الأهل مهما كانوا طيبين ويحبون بنتهم لكن بعد ما تتطلق بتكون ثقيلة عليهم والله يصلحك زوجك

حبيبتي الغالية ،،،

الله يكون في العون بس أنا أقول لك عن تجربه مع زوجي في أيام الخطوبة وبداية زواجنا إلى أن ولدت كان زوجي معي مثل سمن وعسل وكان بياخدني وبيطلع معي ونروح أماكن كثيره وكان مو كل يوم بس يكون خمس مرات بأسبوع بنطلع من البيت بس بعد الولادة جلس مع والدتي شهر كامل رجعت البيت من أول يوم رجعت زوجي طلع ما رجع إلا الساعة 2 الفجر ،،، سألته ليش هذا بشوي كذا قال أنت خليتيني أتعود على كذا ،،، صار الغلط مني أنا ما أقول لش أني شفت زوجي يتكلم مع وحده هذا الشيء ما شفت عليه ،،، بس تغير في معاملته معي من أيام الخطوبة وبداية الزواج إلى مرحلة ما بعد الولاة 180 درجة ،،،

في بعض لرجال يتغير نفسيته ،،،

الله يكون في العون حاولي تعوضين عليه ،،، وحاولي أنك تهتمي فيه أكثر من ولدك لآن رجل يريد أن يكون هو الطفل في بعض الحين ،،،

وفكرة الطلاق شيليها من بالك ،،، خلي ولك أمام عيونك تخليله من دون أب أو أم ،،،

سلامي وتحياتي ،،،

البنات ما قصرووا ... ملاحظة بسيطة للاخت اللي قالت ان السبب هم البنات اللي يشتغلون مع الرجال ... اختي اللي يبي يغلط واللي تبي تغلط

بتسوي اللي في راسها لو اشتغلت مع الف حرمة ونفس الشي بالنسبة للرجال يعني مو شرط تكون علاقته مع زميلة معاه في العمل ... الرجاء عدم التعميم

اختي انتي حسسيه باهتمامك لانك لو ضيقتي عليه وخليتي الشك يدمر حياتك انتي وولدك اول الخاسرين ... اللي صار صار خلاص

راقبيه بحدود ... لا تحسسينه انك للحين مو واثقة فيه بس حذريه من وقت للثاني وبيني له انك عديتيها المرة الاولى لانها المرة الاولى

كلميه وقت الدوام عشان يحس باهتمامك وسمعيه من الكلام الحلو بدل مايروح يدوره مع وحدة معاه ... اهديه صورة ولدكم في برواز او على كوب عشان يحتفظ فيها وكل ماشاف صورته تذكر

ودي ولدك بيت اهله او اهلك مرة كل فترة واقضي مع زوجك وقت حلو مثل ايام بداية الزواج ....

ظلي مراقبته بس حسسيه بالاهتمام عشان لمن يفكر يخونك او يتعرف على بنات يفكر في تصرفاتك الحلوة معاه ويغير رايه ويكون له رادع

بس انك تطلبين الطلاق وانتي ما عالجتي المشكلة ولا حاولتي هذا اكبر غلط ... بيوت كثيرة صارت فيها مشاكل اكبر من مشكلتك والخيانة كانت اكبر ولا وصلت الامور للطلاق... وطمنينا عليك

الله يعينج يا الغالية و يوفقج ويهدي ريلج ..
بس أنسي فكرة الطلاق لأن الموضوع ما يستاهل ..
دلعيه و أهتمي في أكثر وحاولي تعرفين شو إللي تغير فيه ..
أو من شو هو متضايق .
الله يوفقج إنشاله
طمنينا عليج

اختي الغاليه الرجل مثل الطفل الصغير يباله انتج تهتمين فيه وتدلعينه وتعطينه من هالكلام الحلو عسبة يهتم فيه وصدقيني ان الرجال اي كلمه حلوه من زوجته ما يصدق ويبالج طوات بال اختي لا تفكرين بالطلاق انتي توج متزوجه وعندج ولد شو تتحسبين انه الطلاق شئ سهل لا حبيبتي الطلاق شئ مب سهل لانه الطفل اللي بينكم فكري فيه ما بيتربى بينه امه وابوه بيكون مشتت ونصيحتي لج انج
ما تسرعين حبيبتي إلجائ الى ربج وقت الحاجه وفي اي وقت مب شرط وقت الحاجه بس ترى الله ما يرد عباده وصلى صلاة الحاجه وادعي الله انه يرد زوجح مثل قبل واحسن
وان شاء الله الله يستجيب لدعائج

غاليتـــــي ، لايسعني الا ان اقول لك:

أكثري من الإستغفار

ورددي : اللهُـــــــــــــم هَذا بذنبٍ فاغفِرلي

حبيبتي البارونة الله يعينج بس يمكن تكون فعلا من بنات الدوام وانتي عليج تراقبينه وتراقبين تصرفاته من تحت لي تحت من غير ما يحس فيج عشان ماتكبر السالفة تراها مو مستاهلة لان عندج ولد منه ولاجل عين تكرم الف عين ومثل ما قالت لج الاخت ام خالد عليك بالاستغفار ورددي الدعاء (اللهم أرني الحق حقا وارزقني اتباعه وارني الباطل باطلا وارزقني اجتنابه ) وصدقيني كثر ما تتقربين من ربج بالصلاة وبقراءة القرآن راح ينفضح امره بسهاله اذا فعلا عنده خرابيط مثل ما انتي شاكه وحاولي انج تتقربين منه لاتكشين عشان غلطه غلطها وصدقيني هذي البنت قاصدة تتصل عليه بهالوقت عشان تفضحه لااكثر ولااقل لانها موطايلة شي منه وهذا اللي غايضها ولا بامكانها تنطر لي الصبح وتبلغه ان الرقم تغير ولا هي غيرته الساعة ثنتين الا ربع الفجر مثلا .بس ماعليكي مثل ما قلت لج هي موطايلها شي منه عشان جذيه محترة ولا تزعلين كل شي راح ينكشف ويا خبر النهارضه بفلوس بكره يبقى ببلاش !!!!!!!!!!!!!!!!!!!!!!!!!!!!!!

السلام عليكم و رحمة الله و بركاته

هلا بيكي أختي...

أختي أنا مش شايفة أي سبب لطلب الطلاق !

كل حياة زوجية تمر بفترات تكون فيها فاترة...و بذكاء المرأة تعرف ترجع كل شيء مثل ما كان...

لازم تحاولي تحتوي زوجك مرة ثانية و تسمعي منه...و ما في داعي للشك فيه...طالما شفتي تيليفونه و ما كان في شيء...يمكن هذه البنت تعاكسه و هو صدها خلاص...الشك يقتل صاحبه أختي...

جدّدي في حياتك...سافروا مع بعض سفرة حلوة...أو حتى عمرة...

فكرة إنه ما بينام معاكي...محتاجة تناقشيه فيها بوضوح علشان تعرفي السبب...و تشوفي النفور من مين ؟

و إن شاء الله ربي ما يضيع لك تعب...أخلصي النية لله و عليكي بالإستغفار دائما,...

وفقك الله أختي..

شوفي حبيبتي الله يعينك ، يعني مو سهلة ، بس والله أعلم انه انا لو برأيي انه التطنيش أحسن دواء وازبليه صدقيني مابتخسري شيء لإنه واجهتيه وأنكر ، شو استفدتي يعني من فتح الموضوع ؟ اعملي حالك ما بتعرفي شيء و راقبيه عن بعد وما تتركيله مجال يصرف الفلوس على غيرك يعني دائما" زيدي طلباتك علشان يشعر بالمسؤولية أكثر و ومايكون عنده مجال يلعب بالفلوس ، وطمنينا عليكي حبيبتي

الله يعينج الصراحة بس تذكري ان ابغض الحلال الطلاق
وانتي اذا تحبينه فعلا ليش تتطلقين وتخلين غيرج تتهنى فيه!
وقالوها (اصبر ع مينونك عن لا اييك اللي اين منه) اعتقد ان ريلج يحبج وحتى لو كان يكلم وحده هذاك اليوم من ردة فعله كنتي تقدرين تتأكدين من صدقه ويمكن حس هذاك اليوم انه بيخسرج وتاب وخير الخطائين التوابون!
ومثل ما قالن الاخوات اهتمي فيه اكثر وتدلعي عليه وحسسيه باهميته في حياتج وانه ما بيحصل وحده تعوضه عنج اذا خسرج
والله يصلح اموركم ان شاءالله

مشكورين على الردود...................
بس انا الحين خلاص طلبت الطلاق.......
بتقولون لي ليش؟

في نفس اليوم اللي نزلت في الموضوع هذا
حصلت زوجي طالع مع هال.......... لا وشكله بعد ونسها وونسته عشان حصلت في جواله

هالمسجات
الساعه 7:30
هو:where are you?
هي : i'm at samar's house
هو: ok. i'm waiting down

الساعة 10:30
هي: thanx for the great evening
هو: thanx to u , u made up my mind have a good night

يعني خلاص بنت الحرام هدمت بيتي الله لا يجعل لها بيت لا دنيا ولا اخرة

والله اني ذاك اليوم ماطقت اقعد في بيتي ولا دقيقه ورجعت بيت اهلي الساعه ثلاث الفجر وانا عندهم الحين

ويوم قلت له الموضوع
قال لي انتي ضايقتيني وانا رحت اتكلم معاها انفس عن اللي في قلبي!!!!!!!!!!!!
يعني بذمتكم هذا كلام ينصدق؟!!!

والحين انا عندي رقمها
واتصلت فيها بالليل وردت علي
بس الحين اتصل فيها وماترد
شكله زوجي عطاها رقمي وقال لها لا تردين على عالرقم<======= يعني لين الحين يكلمها

ومسميها في جواله Taz اللي تعرف معنى هالكلمه تقول لي عشان بعد زوج صديقتي يكلم وحده ومسجلها في جواله بهالاسم بس هذي اسمها الصجي مريم واللي مع زوجي مااعرف اسمها

7ilm:
انتى عندج ولد منه فالضحيه بالاخير من طلب الطلاق هو الابن فكرى فيه وتراجعي واصبرى والله يهديى زوجج
بس اخذى رقم الي تتصل فيه وكلميها

عندي رقمها......... بس اكلمها شقول لها؟