????{ احسن مكان يسوي (ازالة الشعر بالليزر) في قطر }؟؟؟؟

هلا اختي
شوفي من وجهة نظري الليزر حظ ونصيب
احسن حاله لليزر ان يكون الشعر خشن واسود والبشرة بيضا
لو سويتي الليزر وانتي الشعر عندج خفيف ممكن يغلظ
عن تجربتي
اول مرة رحت عند الما الرفاعي وحرقت ويهي بشكل بشع
ثاني مرة رحت جراحة التجميل وارتحت
بس اخر مرة علم ويهي من الجهاز مدري شلون
صارت دوائر سوداء مكان الجهاز الحمد لله راحت هل الاثار بس عقب وشو
بس الحمد لله الشعر صار خفيف وايد وناعم
:(
بس بعد نفس ما قلت حظ ونصيب
عند الما الوجه ب600 ريال
ومروى ب 550 او 500 اعتقد

مركز جراحة التجميل عند دكتوره مروه الوجه كامل ب 500
انا قبل كنت اسوي عند الما بصراحه اسلوبها مو شي واحرقت ويهي ووللحين البقع موجوده
بس الشعر يخف بنسبة كبيرهويختفي من بعض المناطق مو الوجه كامل
ولا تخلينهم يشيلون لج بالموس ابدا والحين تعودت كل شهرين اسوي ليزر اريح لي من الصالونات والحف
ولاحظت بعد ان بعد الليزر خفت الحبوب اللي بوجهي
وضروري تستخدمين واقي الشمس وما تكونين مشقره الشعر

عزيزتي منــــاري،،،
انا جربت أكثر من مكان واحسن مكان بصراحة د.نوال شعراني صج أسعارها شوي مرتفعة بس وايد زينة شغلها مرتب والنتايج أكثر من رائعه يعني 3 أو 4 جلسات والشعر يختفي الجلسة اعتقد بألف بس لا تحرق ويهج ولا غيره:up:

مثل ماااقالو حظ ونصييب .... لاني سووويت ليزر عند الما الرفاعي والحمد الله ماااصااار فيني ولا شي ... بس بصراااحه الحين يمكن صاااارلي معاها 11 جلسة بس حق الشنب ولين الحيييييين فيه شعر خفييييف ....

نصيحة لووو شعر وجهج خفيييف حراااام تسووووينه ليزر :)

انا توني مجربه عند د.عايدة ...في عيادة حسن عبدالله !! والله يستر للحين الجلسه الاولى بس وباقي لي الجلسه الثانيه عقب شهر :( وااايد خايفه بس ابي افتك من الشعر والحف ..ادعولي :)

اختي مناري حبيت اقول تجربتي مع الليزر
جربت مركز الجراحة وايد زين وكتورة عايدة كمان اما دكتورة الما شاطرة في كل شي الاالليزر الجهاز قديم حرق شفايفي لكن راح الاثر دكتور رضا في مركز الجراحة اشطر من دكتوره مروى ونصيحتي لج بعد الجلسة استعمال كريم الفا كورت مرتين وكريم الواقي كل 4 ساعات اول 3 ايام لان الوجهة يكون حساس وبسرعة ينصبغ والله يوفقج والارخص المركز الجراحة لان د عايدة خذت مني 1600 عن الوجهة

كلهم يقولون بالبدايه بس تحتاجين من 4 الى 7 جلسات وبصراحه الشعر ما يختفي بالكامل نهائيا بس الليزر احسن شي للي فيهم شعر كثيف صج يرتاحون لانه يضطرون يحفون الوجه كل اسبوع عالاقل مره

عندي سؤال

انا شعري وجهي خفيف ومايبين لاني اشقره مره كل 3 اسابيع تقريبا...هل بيكون احسن لي اني اشيله بلليزر..والا استمر على التشقير وخلاص؟

علما بانني لاحظت انه مع التشقير صار اطول..وبيبين لما احط مكياج وبودره :(

جربت مره من زماااان شلته بالخيط بس انترس وجهي حبوب وتمت فترة طويلة لين راحت :( فماعادشلته بالخيط

بس المشكله يابنات ان لما تشيلين شعر الوجه يصير الوجه عجيييييييييييب وودج يكونة جذيه على طول :(

فهل اتوكل على الله واسوي ليزر للوجه بعد والا لا؟ شنهي نصيحتكم؟

انا لما جربت الليزر عند د. عايده سويت لاماكن اخرى...ماسويت الوجه للحين

علما بانني احس انه ضروري على الاقل للشنب :( لانه مع التشقير يبين واضح مع المكياج...فاظطر الحين اشيلهى بالخيط بس باقي الوجه اشقره :(

بس احس نفسي مياله للتخلص منه بالليزر...شرايكم؟

حبيبتي ما راح يختفي الشعر نهائيا وبالذات الشنب ما يخف من الجلسات الاولى
الشنب شيليه بالخيط انظف بس شعر الوجه خلج عالتشقير دام ان الخيط والشمع يسببون لج الحبوب ما يسوى عليج الصراحه
واذا انج مقتدره سوي ليزر لوجهج كل شهرين بس بعد الشعر ما راح يزول نهائيا
والليزر يخلي عن الوحده ثقه بالذات للي توها متزوجه يعني فتره شهرين حلوين انج ما تروحين الصالون فيهم

عيل بتوكل على الله وبسوي ليزر لوجهي عن د.عايده :) وانشاء الله ارتاح عليه وافتك من التشقير

انا الشنب عندي خفيف يعني مب وايد ثقيل...بجرب اشيله مره وحده وبشوف اكيد بيخف اكثر على الليزر...الله يعين انشاء الله وشكرا على النصيحه :)

انا ابي اسوي ليزر لجسمي كله الا المكان الحساس ما يصير لأنه حرام ....بس وين اسويه

وانا ابي اسوي ريلي
عند من ؟؟ ابي احسن دكتووره

انا سويت عند الدكتوره مروى والله ممتازه وشغلها نظيف ونفسيتها حلوه تسولف وتضحك معاج
اذا كنتي عروس سوي وتوكلي على الله

السلام عليكم ورحمة الله وبركاته

شلونكم بنات قطر عساكم بخير..

د. عايده الصالح ممتازه في عمل الليزر وتسوي فكل مكان
والنتائج جنااااان،، أنا جربت عندها ووصديقاتي جربوا والحمد الله مرتاحين
>>>> الله يعطيها الصحه والعافيه..
وبالنسبه للمناطق الحساسه هي تغطيه وتسوي الليزر وهاي الشي خل واايد بنات يسون عندها..
وبالتوفيق يا بنات قطر..

السلام عليكم ورحمة الله وبركاته

شلونكم بنات قطر عساكم بخير..

د. عايده الصالح ممتازه في عمل الليزر وتسوي فكل مكان:ok: وهي دكتوره قطريه
والنتائج جنااااان،، أنا جربت عندها ووصديقاتي جربوا والحمد الله مرتاحين
>>>> الله يعطيها الصحه والعافيه..
وبالنسبه للمناطق الحساسه هي تغطيه وتسوي الليزر وهاي الشي خل واايد بنات يسون عندها..
وبالتوفيق يا بنات قطر..