حسافر مع بنتي أول مرة !!ساعدوني

اختي على الرغم من الكلام اللي ينقال بخصوص سفر الام مع طفل صغير لكن ومن واقع تجربة اشوف ان الموضوع طبيعي جدا

امي سافرت مع اختي وعمرها سنة واختي الثانية كان عمرها 6 شهور والوضع عادي

اهم شي انك تعطيها شي تشربه وقت اقلاع الطائرة عشان ما تتأثر بالضغط الجوي .. وعمر السنة مناسب للسفر بدون مشاكل

والرحلة مو طويلة الى لبنان ... بس ما ان الجو بارد انصحك تدفيها زين وتحملين معاك ملابس ثقيلة تلبسيها اياها بعد وصول الطائرة لان الجو هناك ابرد من دول الخليج

وان شاء الله تنبسطون في الاجازة

شكرا لك اختي على الرد السريع و انشالله تكون الرحلة سهلة زي ما تقولي

صادقه الرومي.. أهم شي يكون معك لهايه تحطينها بفمها وقت الاقلاع لأن المص يفكك اذانيها ولا تحس بالضغط.. ولا عاد بتفضحك بالطياره..
ولا تنسين تشترين لها scarf وقبعه وجلفزات عشان تتدفى زين..

هلا اختي انا السنة الي فاتت سافرت لبنان نفس الشي بس انا بشهر 1 بس انا ما عندي عيال :( وان شاءالله هالسنة ناويه اسافر بعد بشهر 1 :D
المهم اختي انا انصحج نصيحة لازم تاخذين لبنتج لبس شتوي ثقيييييييييل وايد وااااااااااايد لانه وااااااااايد برد موات هالوقت عواصف وثلج وحتى انتي وزوجج لازم تاخذون لكم لبس شتوي عشان تدفون حتى قفازات لا تنسين تاخذينها ... :)

عادي انا سافرت ابعد ويا بنتي وعمرها تسع شهور بس .... يعني اتعب بوااااايد .. ان شاء الله راح تنام بالطياره وما راح تزعجج بس بالسفر انتبهي لا تغير الجو يمرضها لا سمح الله فخلي بالج لاتعطينها اكل المطاعم وخلج على الاكل المعلب نفس هاينز واخوانه واذا تقدرين تطبخين لها بيكون احسن عشان لا سمح الله ما يتغير عليها الاكل بعد مثل ما صار مع بنتي تلعوزت وياها من مستشفى للثاني من االاسهال وان شاء الله يكون كل شي اوكيه

بداية هالسنة بشهر يناير سافرت مع ولدي على الأردن وكان عمره 6 شهور، الجو كان مرة بارد الدرجة توصل 2،، أهم شي وقت الإقلاع والهبوط خلي الرضاعة بفمها علشات ماتحس بالضغط،، خلي معاك كل الإحتياجات الضرورية من حفظ وملابس وفوط وغيره،، اخذي شتوي ثقيل، آنه كنت البسه overall كامل مع القبعة وبعد تحته قبعة ثانية وتحت الملابس بعد سروال مع الشبك (بربتوز) يد طويلة ،، وأحطه بالعربة وفوقه غطاء صوفي،،
بس لما سافرت معاه بعمر السنة كان لسه بادي يمشي، ماشاء الله عليه ماكان يرضى يقعد يبا يتجول بالطائرة...