أبا إجابة مقنعة

السلام عليكم
حبيت أخبركم يا خواتي عن مشكلتي
وأنا عندي مراجعة يوم الخميس الياي إنشالله عند الدكتورة
بس بعد أبا حد منكم يفيدني لأني ما فيني صبر لين هذاك اليوم
يمكن في منكم تعرف هالحالة أو يمكن مرت بهالشي أو بتكون عندها فكرة عن الموضوع
المهم
أنا آخر دورة ياتني تاريخ 15/9 وما طولت خلصت 19/9 يعني 5 أيام بس .. مع إنه متعوده الدورة تييني 7 أيام
ما علينا
وابتديت أفطم بنتي من تاريخ 23/10 يعني خلاص قطعت عنها الحليب لأنه اليوم 26/11 كملت سنتين
والمهم السبت اللي طاف كانت متأخرة الدورة عندي 35 يوم .. وأول مرة من ولدت تتأخر بهالطريقة
المهم رحت للدكتورة وسوت لي تحليل دم وما طلع حمل وكشفت على صدري وقالت إنه هرمون الحليب
زيادة عندي المهم عطتني 4 حبات عشان تقطع الحليب وقالتلي أستخدمها مرتين في الإسبوع
يعني السبت والثلاثاء وبعد إسبوعين من حبوب قطع الحليب أراجعها .. وحبوب غير قالت فيتامينات أشربها لمدة شهر
أو أكثر .. أنا سألتها بتنزل الدورة قالتلي يمكن تنزل ويمكن ما تنزل يمكن أونه ( يستوي حمل على طول )
وأنا عاااااااد يلست أفكر معقوله حمل من دون لا تنزل الدورة ؟؟ :think:
بس قلت هي دكتورة وهي أدرى بهالشي
ما أقولكم إني ما خاطري أحمل؟؟ والله خاطري أحمل وريلي بعد خاطره بياهل .. لأن بنتنا كبرت وتبا أخو لها :smile:
إنتوا شو رايكم يا خوااااااااااااااتي ؟؟ :shy:[/size]