الي بتساعدني بفكرة بدعيلها دعوة حلوة.

ليش ما تشتغل بالاسهم ...

مشكورة حبيبتي وهج العين بوصلها الفكرة وانشاء الله تعجبها. بس وين البنات يالله ساعدوها عاااااااااااااااد.

انا بعد اقولج الاسهم
بس مادري عن اسهم البحرين
او ممكن تسوي لها تجاره بسيطه يعني بين اهلها وربعها
هي شاطره في شنو وتستغل موهبتها
وعليها بسورة البقره تقراها يوم ورا يوم ترا بتفتح لها ابواب الخير إنشاءالله

[grade="00008B FFA500 00BFFF 4B0082"]ماعندي فكره

و ماعرف بهالشغلات

بس ادعيلي بالله

ونا بدعيلكم كلكم [/grade]

هلا اختي بحرينية عسل
شوفيها شنو الاشياء الي تبدع فيها
يعني هواياتها...اشغال يدوية ...رسم لوحات....
اي شي هي تبدع فيه ممكن يخليها تربح
انتي خليها تفكر في الموضوع مع زوجها وان شاء الله بيلاقون لهم شي
والله يوفقهم

عروس قطر، fulla ورمانسية الف شكر لكم بلغتها عن فكرة الاسهم وقالت بتستشير زوجها وبيسألون اهل الاختصاص، وأنا اقترحت عليها تشتري بضاعة من سوق الجملة وتستفيد منها بس انا وهي ما نعرف سوق جملة بالبحرين او السعودية ياليت الي تعرف تفيدنا وما بننساها من الدعوة الحلوة.

البنات ما قصروا

واللي محتاج يحاول يبدأ حتى لو بتجارة بسيطة

فيه شغلات كثيرة تقدر تسويها من بيتها ... اعمال يدوية مثل تغليف هدايا وشوكولا وتوزيعات اعراس ومواليد وغيره

تدريس لغة لو كانت حابة

طبخ للمدرسات والموظفات

الأسهم تحتاج الى طول بال لان لو دخلت الاسهم حتى لو بمبلغ بسيط لازم تصبر عليه عشان الربح

تبيع أشياء الناس تحتاجها مثل اللي نشوفها ماشية هاليومين من بخور وملابس وأشياء ما تنوجد في السوق هي توفرها لمحيطها بأسعار مناسبة مع خدمة التوصيل مثلا

افكار كثيرة عليها انها تعزم بس وتكون عندها موهبة

الله يوسع عليهم ويغير حالهم للأحسن ان شاء الله

فكرة تشتري بضاعة من سوق الجمله هذه احسن شئ اذا ما عندها موهبه معينه ممكن تستغلها

لكن لو عندها موهبه في الاعمال اليدويه او الاشكال الفنيه ممكن تسوي تحف او اطقم حمام او اي حاجه للبيت بشكل مميز و مرتب وتبدى تبيع على صديقاتها و قريباتها واذا لقت اقبال على شغلها تخليهم يعملو دعايه لها وان شاء الله ربي يوفقها

وانا والله ما اعرف وين سوق الجمله بس ان شاء الله اسأل وارد لك خبر

الله يجزايكم خيرر على تعاونكم وهي شكلها بتعزم على بيع اشياء مثل ملابس وجلابيات وبخور ومكياج خاصة أن ذوقها حلو بس ياليت احد يفيدنا عن سوق الجملة بالبحرين او السعودية على الاقل وشلون البضاعة عندهم تسوى يعني؟؟؟

شوفي اختي

احنا عندنا جيران على قد حالهم والحريم يشترون بضاعة من البحرين ويبيعونها بربح بسيط بس الله مبارك لهم فيها

يعني تحف بسيطة للبيت بهارات قطع قماش عادية ملابس اطفال بيجامات او قطنيات والسوق مليانة سواء كان في البحرين او السعودية او دبي

هي لازم تحدد نوع البضاعة اللي بتشتريها وبعدين تشوف المحلات وتحسب ربحها قبل ماتشتري وتحسب كم بتصرف على الروحات والجيات وتشوف هل الربح يكفيها ويسوى انها تضيع وقتها فيه خاصة انها موظفة وام بعد

شوفي هالروابط يمكن تفيدك

موسوعة المشاريع التجارية النسائية... أرجو المشاركة حتى تعم الفائدة

بغينا افكار وراها مِكدّة $$$$$ يعني وانتي في البيت الفلووس تيج

الي يجزاكم كل خير وينولكم الي في بالكم اللهم امين. ياليت الي عندها افكار ثانية تساعدنا.

في محل مال بيع بالجملة في المنامة اسمه روشان اهو كبير ويبيع شغلات وايد وحلوة ومواد تساعد على الشغل اليدوي اذا اهيه شاطرة بشغل اليد وحته محلات التغليف والهدايا والمحلات اللي يسوون مسارح وشغلات يتعاملون معاه...والله يوفقهم ويرزقهم ويبارك لهم في رزقهم ويفتح عليهم من ابوابه الواسعة ان شاء الله ويحقق مناهم يارب :)

على فكرة في ناس تروح دبي بطيران رخيص وتشتري جلابيات وبخور واكسسوارات وشيلات ومعطر للغرف وتبيعه فالبيوت وشغلها ربحان ماشاء الله والله يزيدهم ويرزقكم يارب:)

دلوعة حبيبي الله يجزاج خير على الافادة الحلوة
حبيبة ريلها مشكورة وايد والله يجعله في ميزان حسناتج انشاء الله .
بس وين البنات الباقي لا تبخلون علينا.

حبيبة ريلها لو سمحتي ابغى عنوان محل روشان اللي قلتي عنه

حبيبتي في بعض البنوك في بعض الدول مسوين حساب خاص يعني مثلا تحطي مبلغ معين في هالحساب ويكون بدون فوائد و بعد مده يسون سحب على الاشخاص اللي فاتحين هالحساب واللي يربح ياخذ مبلغ مالي زين مرات يوصل للمليون

اتمنى ان يكون في بلدكم هالحساب
وان شاء الله من الفايزين مقدما


ممكن اذا كانت صديقتك شاطره في المكياج او التسريحات او الاثنين تفتح كوافير خاص فيها في البيت يعني تشتغل للاقارب واقارب الاقارب