من أولها مشاكل

بسم الله .. ماشاء الله تبارك الرحمن ..

الله يخليهم لج ويحفظم من كل شر ..

الغاليه شي طبيعي انه تكوون فيه غيره بين الاطفال ^^

انا صح ما عندي عيال لكني عايشت هالشي مع اخواني الصغار ..

بس اكبر غلط انج تضربين البنت بسبة النونو حاولي تكسبين حبها وتخليها تحب اخوها .. وما تاذيه .. يعني اذا النونو صاح واهي موجوده شاوريها قولي لها اشله ..ومن هالسوالف .. وانتي بعد خليها تتقرب منه تبوووسه .. حطيه شوي في ثبانها .. خليها تلعب وياه وهم تحت نظرج ..

في البدايه صعب انه الياهل يتقبل هالشي بس مع الممارسه والتعويد ان شاء الله بيكون كل شي تمام ^^

<<< دايما الي ايووون في النص مظلووومين =(

فاحسن طريقه تت

السلام عليكم و رحمة الله و بركاته

ليش أختي تضربيها ؟

أختي التربية في الطفولة راح تنعكس عليها و على حياتها كلها...

و بعدين نلاقيها بتشتكي و هي كبيرة و تقول أمي طول عمرها تفرق بيني و بين إخواتي في المعاملة...

بالعكس هي بنت...و البنت حبيبة أمها...و تقدري تكسبيها بسهولة...

قولي لها راح أطلع أنا و إنتي طلعة بناتي...إشتري لها فيها بكل ( شباصات ) و حركات بنات...\

حسسيها إنك تحبيها...صدقيني هي اللي بتنفعك لما تكبري...

و إبتعدي عن أسلوب الضرب...راح يعقد المشكلة أكتر...

و هي لسه صغيرة ...و ما تعرف تعبر عن نفسها و عن غيرتها إلا إنها تطلعه في أخوها...

الله يخليلك إياهم يا رب :)

لسة بنتك صغيرة والله يحفظهم عيالك بس انتى لازم تحطين بالك على الصغير شوفي انا بنتى الله يحفظها عمرها 3 سنوات بصراحة هي الوحيدة في حياتى وهي اغلى شي بحياتى مهما تعمل بالبيت مثلاً توسخ او تكسر او تشخبط على الطاولة انا اعرف من غير قصد هي تعمل انا اهاوشها بس اعرف اشلون اهاوشها بطريقة مش عصبية لكن زوجى لين يستلمها اذا عصب عليها اكرهه واقول له انت اذا بتتعامل مع بنتى بهالطريقة راح اخذها واروح بيت اهلي بصراحة طريقة زوجى خشنة لدرجة اجلس ابكي على بنتى واروح احضنها واراضيها اقول له هذا البيت بيتها وكل شي لها اللي بتسويه كيفها انت ما لك حق تلمسها ........

وانا الحين انشاءالله بإذن الله تعالى ربي يتمم علي الثانى بالطريق ما راح اعرف كيف بيكون وضعي.........

شكرا خواتي على تعاطفكم ... بس ..!!! المشكلة إني دايما أحسسها إني أحبها بس إذا ماتضرب أخوها ..
والكل ف البيت يقولي لاتضربينها لأن بأثر على سلوكها مستقبلا ...
صرت إذا أشتري عطر أو مكياج حقي آقولها {هاي حقي وحقج} وفديت قلبها تستانس ..
ساعات بيني وبين نفسي آقول (هذي بنتي مب ضرتي ليش اسوي فيها جذي )..
بس أوعدكم من اليوم ورايح باحاول آكون هادية ومعاها وآرافجها ...:salam:

الله يخليهم لج يحفظهم ان شاء الله

مثل ما قالوا الاخوات ابتعدي عن ضربها بسبب اخوها لانه بتكره ...

خليها تسادج يعني يوم تبدلين له خليها هي اتيب لج الملابس و الحفاظات و راويها كانج تعلمينها كيف تلبسه يعني حسسيها انها الاخت الكبيره و لازم تهتم فيه ...

و خليها تاكله كم لقمه يوم انتي تاكلينه

و يوم تبين تسوين له حليب و لا اكل قوليلها تراقيبه لانها اخته الكبيره ...بس راقبيها من بعيد عن تضربه ... و يوم تضربه لا تنازعينها قولي لها ليش ضربتيه هو شو سوا خطا ...يمكن ساعتها بتالف لج بتقول ضربني و لا كل يصير اوقفي في صفها و قولي مب شاطر يضرب اخته و لا كل يصير بس انتي الكبيره لازم ما تضربينه ...يعني بالمختضر ذليها انها اخته الكبيره كل شوي و على كل شي اختي الكبيره ...

يعني خليها تسوي اي شي تساعدج ...و يوم اي ابوها او اي احد من الاهل قوليلهم جدامها ...و لو تسوين عمرج مب شافتها يعني يوم تشوفينها توها بتدخل الغرفه تبدين الكلام اونج مب منتبه لها ....انها صارت كبيره و انها تحب اخوها و تساعد ماماتها اليوم و انها بنت زينه ...و هم بعد خليهم يمدحونها و يبدون لها اعجابهم حقها و انها صارت كبيره...تعرفين البنات يموووتووون و يصورون هم كباااااااااااار و مسؤولات و مثل امهاتهم


بعد ممكن تشترين لها بيبي بورن و خليها تستانس فيها و تحس كانها مثلج عندها بيبي ...و اي لبس صغر على ولدج عطيها خليها تلبس عروستها و يوم تاكلين ولدج حطيلها شوي منه تاكل عروستها ...يعني لعبي وياها ...

و شوي شوي ان شاء الله بتحبه و بتنسى التضربه

و ربي يحفظهم لج ان شاء الله

مشكورة إختي مرمر على هالاقتراحات العجيبة ..
وبالنسبة حق موضوع اللعبة (العروسة) والله شريتلها قبل ماأولد وفهمتها إن هذي بنتها ..
أول الأيام كانت أوكي ، أول ماتشوفني أرضع أخوها تجيب لعبتها وترضعها .. وكنت العب معاها بعد ..وألحين لو تشوفينها شلون تشيل اللعبة .. تسحبها من ريل وحدة .. وأحيانا تمسكها وتحطها على الأرض وتقعد عليها ..وإذا سألتها ليش ؟ تقول (خل تموت ماحبها )..
إحسها تعقدت والسبة آنا ...
أرجوكم أي حد يقرى قصتي يدعيلي الله يهديني ويهدي بنتي :cry:

تهاوشت مع بنتى كل ما تاكل شي ربي يحفظها ترميه على الأرض من روب او شبس وانا استحى اقول للخادمة كل ساعة تعالى نظفي فاضطر انا انظف وانا حامل تعب علي ......بالنهاية سحبتها من يدها ودخلتها حجرتى بالظلام وقلت لها خليك هنى بروحك لأنك وسخة وخل الحشرات يجون ياكلونك الحين كسرت خاطري جات لي بالخارج وقالت ماما انتى زعلانة منى قلت لها اي وما احبك ....وبعدها نامت الله يحفظها وكل ما كانت تجلس كانت تقول لي انا زعلانة عليك ......


الله يساعدنى لين بولد اظاهر حالتى بتصير نفس حالتك.........

الله يخلي لك عيالك اختي

وين اللي ينصحون الوحدة تحمل على كل طفل وهو صغير

صعبة تربي 3 أطفال اعمارهم متقاربة ... واكيد بنتك عندها حق لانها كانت صغيرة لمن جبتي ولدك الصغير

بس تعاملك معاها غلط وراح يخليها تصير عدوانية ... هي لسه صغيرة ومحتاجة لاهتمامك ... اهم شي تنتبهين للصغير عشان ما تأذيه بدون قصد وحاولي تفهميها بالكلام ... اذا رحتي السوق اشتري لها ملابس وقولي لها هذي لحبيبة قلب الماما عالية الحلوة العاقلة الكبيرة

او قولي لها انها الكبيرة واكبر منه لازم تنتبه له عشان ما احد يضرب اخوها ولا يقرب منه ... خذيها على قد عقلها بس انك تضربيها حرام

اصعب شي ان الام تحمل على الطفل وهو صغير على الاقل يكمل الاربع سنوات عشان ما تولد الا وهو في السنة الخامسة يصير يفهم اكثر

الله يعينك

nodoo

ترا الياهل اذا حطيتيه في غرفه مضلمه وهو خايف يتلمسه الجني وهذا لاشي معروووف .. واذا بتتاكدين اسالي المطوع ... ما انصحج وما انصح اي وحده بهل تصرف ..

إنسانة202

كيف قلبج يطاوعج تاذين بنتج وانتي مالج غيرها ... بنت بين ولدين .... وما شاء الله عليها وتبارك الرحمن قمر .. قمر ..

حبيبتي انا بقولج بنت اخوي انا مربتنها ويوم عرست ورحت بيت ريلي صارت عدوانيه مع الكل .. ويوم اغيب عنها تقول حق امي انا ما احبها ما اباها لكن من ادخل البيت عندهم تلصق فيه وما تخليني تكرمين الحمام اسيرله .. ويوم ولدت بولدي وقبل لا تشوفه شريتلها عروسه وقلتلها هاي هدية من حمودي فرحت ويوم كنت اشتري حق حمود ملابس اخذلها .. وكنت اخليها تساعدني يوم اسبحه ويوم البسه يعني يوم كنت اسبحه اقولها تعالي لعبيه ولا عطيني الشامبوا او الصابوونه .. ويوم كنت البسه اقولها هاتيله بامبرز ولا ملابسه ولا اخليها تلعبه عشان ما يصيح يوم البسه .. واذا سوت شي غلط كانت من نفسها تصيح وكنت افهمها بهذوء ان هذا صغير وما يعرف شي ويوم بيكبر بيوديج كل مكان وكنت ما اعطيها مجال للغيرة ... مع انها مب بنتي ولا انها وياي في نفس البيت ..

صدقيني الضرب ما يفيد الياهل .. بالعكس يزيده غيره وكره وعناد ..

حتى لو غلطت غلطه كبيرة حاولي تيلسين وياها رواحكم وتفهمينها وعمرج ما تضربينها جدام الناس او اخوانها ... ولا تخلين ابوها يعاقبها

هي وحيدتج من بين اولاد .. خليها كل شي في حياتج .. وبتشوفين النتيجه يوم بتكبر ...

الله يخليهم لج ...

RoOoOmy_M
صج ان اليهال المتقاربة أعمارهم يتعبون وهم صغار ، بس ان شاء الله لين كبروا بيريحون..
آنا لما جبت علاية كان حسن عمره سنة و5 شهور بس ، فديته ماكان يغار منها كلش ، كان يموت فيها وإذا شاف حد غريب يشيلها كان يصيح لين يردونها .. ولين ألحين فديته حنون على الاثنين (حياتي)
بس علاية من أول يوم وهي ماتبي البيبي ..وتوها أمس عاضته في صبعه الصغير والأثر للحين موجود ..ومع ذلك مسكت نفسي وماطقيتها عشان ماتكرهه زيادة ..
bj3a
بالنسبة للمساعدة .. فديته حسن يساعدني أكثر منها ،لأن هي سم ضروسها محمد ..
لكن الله يعيني عليها لين يكبر محمد ..آخاف يتعوق بسبتها:pain:
فكرت وقررت أدخلها حضانة يمكن تهدى شوي ..اشرايكم ..

اشحلاتها واشزينها وهي راقدة ( كافية خيرها شرها:up:)