مدحوا لي هالتحاميل..عاد لازم اسألكم..

بقولج خلطة او بالاصح طريقة قريتها في منتدى

كتبت عن طريقة تنظيف الرحم من الالتهابات ويساعد على الحمل بسرعه

بعد ماتتنظفين من الدورة تستخدمين عسل السدر الاصلي لالالالازم الاصلي تستخدمينه 3 إلي 7 مرات يوميا وليلياا كتحميله ؟؟ بس كيف


تاخذين الابره مالت اليهال وتحطينها في المنطقه وتعصرين العسل وتاكدين ان العسل دخل في الرحم وعند النوم حطي فوطة صحية

لانه بيزل منج الاوساخ والبلاوي اللي في الرحم واذا حسيتي بحرقة فهذا معناها عندج التهاب وكل ما استخدمتى العسل بيقل الالتهاب

ومع الايام بتضييق المنطقة عندج وحاولي تستخدمينه شهريا 3 مرات بس

ماعندي فكرة والله اختي ام مصبح

بصراحة مستحيل اسوي هالشغلات ... لان يمكن لها ضرر نفس الأدوية واكثر

وبعدين نعمة الله عسل احطه في هالمكان !!

ان شاء الله الاخوات ما يقصرون معاك

اهلييين حبيبتي.....
اول شي محد يحط عسل في ها الاماكن......نعمه؟؟؟
بس الملح ممكن تحطيينه...مفيد و معقم...على فكرة كسرة الملح تصغر المنطقه.....

يالغالية خلي عنج هالأشياء و اسألي دكتورة أحسن

ليش تجربين شي ما تضمنيه ؟

بس شوفي أنا سمعت أنه ممكن تسوي مغطس ملح خشن مع زعتر ورق يفيد في التضييق

ما أنا ما جربته للأمانه

مشكورات خواتي على ردكم الطيب ..

اما عن العسل انا كنت افكر في نفس الشي .. بس انه الناس يتداوون بالعسل ..

والله يا خواتي تعبت من الادوية شكثر ندفع ولا نستفيد ..

والدكتورة لقت فيني بكتيريا الله يعلم في شو وباجر لازم اسير لها الظهر الله يستر