بنات قطر اقلطوااا هنا اجياد والربشه

هلا الغالية ..

شوفي بالنسبة لاجياد يخيط جلابيات وايد حلوة .. شفت عنده ايام رمضان جلابيات حلوة وراقيه وعنده البنجابي بعدج وايد حلو

في جاهز وفي خياط حسب اللي تبينه انتي يمكن يكون موديل معروض بس مافي قياسج فيسوي لج هو واذا تبين تغيرين في الموديل

اجياد معروف من زمان .. بس ماكان يسوي جلابيات كويتيه توه بادي يسوي بس بصراحه شغله وايد حلو ..

ومكان اجياد في المنتزة في نفس صفة الشاهيــن ..

اما ربشه بصراحه ماخيطت عنده بس شفت خياطه وايد حلو من اللي معلقهم برع وعنده بالمحل .. ودايما افصل عنده عبي

عباياته وايد حلوة وغريبة ومميزة .. وخياطه للعباية مرتب وايد

ومثل ماقلت لج الفساتين ماجربت اخيط عنده ولا الجلابيات بس المعروض عنده حلو .. روحي شوفيه ..

مكان المحل في المنتزة بعد بس تاخذين الدوار اللي عند مكتبة العربية وتلفين يسار ( يعني المكتبة تكون على يدج اليمين وتاخذين

الدوار وتلفين يسار ) بتلاقينه في جهة اليمين مجابل خياط علي ..


ان شاءالله اكون افدتج حبيبتي ..

موفقة

تسلمين اختي روز وياهلا فيج

الله يعافيكم اسعاره غاليه مثل اليشمك والا عاديه

يعني اسعاره تقريبا من وين تبتدي ؟؟؟

عزيزتي بالنسبة للأسعار اجياد يعتمد على حسب الموديل يعني 300 -500-600 في هاذي الحدود واكثر
أما ربشة ماعندي فكرة عنه بس شغله حلو ومرتب

مشكووووووووووووووووورين خوااتي

جررربي ربشة واااايد حلوووو وشغله مرتب :)

اجياد حلو بس موديلاته نوعا ما عاديه مافيها فخامه ولا اشوفها تصلح للعروس...يعني لمناسبات عاديه ممكن بس لعروس لا

ربشه...احلى بوايد..وعنده كتلوجات ممكن تختارين اي موديل ويسوي لج مثله...واهو ممكن يوفر لج الخلق ويحاسبج عليه..وهذا الحلو فيه..يعني لو اعجبج اي موديل معلق للبيع او لزبونه ..ممكن يسوي لج مثله ويتعبل اهو بالخلق وكل شىء فيوفر عليج مشاوير السوق ...وممكن تحددين له الالوان اللي تبينها بعد

اسعاره اغلى شوي بس بصراحه مرتب وحلو وموديلاته ارقى وفيها تجديد مستمر

انا مسويه عنده جلابية قطعتين حق القرنقعوه وتصلح للعيد...ب 1500 تقريبا بعد الخصم اذا مانسيت

بس بصراحه فخمه وايد ومثل اللي تشوفين الهام الفضاله لابستهم في مسلسل دنيا القوي...يعني شغل راقي جدا واهو جاب الخلق وعطيته فلوسه كلها

وانا حددتله اللون اللي ابيه

بس عاد انصج...اذا خيطتي عنده لاتقولين له عن التاريخ اللي فيه المناسبه لانه يتاخر في التسليم...يعني حاولي تقولين له انج تبين الشىء يجهز قبل مناسبتج باسبوعين على الاقل عشان تضمنين التسليم بوقت كافي

وترى عنده فساتين جاهزة للبيع او للتفصيل بس انا ماعجبوني وايد احس موديلاتهم دفشه

بالنسبه للعبايات..بصراحه ماعجبني كلش..احسه مبالغ بالاسعار والموديلات دفشه بعد وماتستاهل هالقيمه والخلق عادي...يعني لو بسوي عنده عباية ب 800 مثلا ..عيل اروح فيرست تشويس او المتحجبه احسنلي..لان عباياتهم ارقى وخلقهم احسن بوايد :)

عموم الناس اذواق :)

مشكووورين