عندي كم سؤال ؟؟

حياج الله :) ,,

ابا كريم اساس للاستعمال اليومي فشو تنصحوني انا استعمل الحين ماكس فاكتور هو حلو بس انا حابه اغير .. بشرتي مختلطه مايله عالجفاف اكثر .. واتمنى تذكرون سعر الكريم اللي بتنصحوي فيه

هذا الموضوع بيفيدج إن شاء الله :) ,,
http://www.3roos.com/forums/showthread.php?t=150051
وإذا تبين إجابة سريعة ,,
فأقولج أحلى كريم للإستعمال اليومي وعن تجربة هو كريم أساس كانيبو وكريم أساس كلينك ,,
وسعرهم الكانيبو بـ تسعة وربع يعني بالإماراتي تقريباً 135 درهم
وكلينك بـ تسعة دنانير يعني تقريباً 130 درهم ,,

س2 : ابا اشتري مجموعه سشيدو للعنايه بالبشره .. فبغيت اعرف سعر كريم النهار وكريم الليل وكريم العين ..

والله ما أدري عن سعرهم لأني ما جربتهم ,,
فالأفضل إنج تتصلين في أي مركز تجميل عندكم وتسإلين عن الأسعار ,, أو لما تروحين عشان تشترين كريم الأساس تسإلين عن أسعارهم :) ! ,,

CREME DEMAQUILLANTE HYDRATANTE A LEAU NOURISHING CLEANSING GEL CREAM RINSE OFF .

هذا سلمج الله كريم لتنظيف البشرة من المكياج وأي آثار موجودة على البشرة ,, بس لما تحطينه وتنظفين البشرة لازم تغسلينه ,,
طبعاً تحطينه بقطن خاص للتنظيف وبعدين تغسلينه ,,

LOTION HYDRATATE DOUCEUR GENTLE HYDRATING LOTION

وبعدين تحطين هاللوشن أو هذا التونيك ,, لإزالة أي آثار من كريم التنظيف ولتسكير مسامات البشرة ,,

أتمنى إني أفدتج ,,

ونصيحة أختي :

لا تشترين شي إلا وإنت تعرفين شنو إستخداماته ,, مو تشترين شي وبعدين تتوهقين ما تعرفين تستخدمينه ,,
وعلى فكرة ترى معظم البياعات ما عندهم ذمة ولا ضمير الله المستعان ,, همهم الأكبر إن الزبونة تشترين بدون ما يهمهم إذا يناسبها وإلا ما يناسبها !! ,,

تسلمين فديتج والله ما قصرتي كفيتي ووفيتي :)

كريم الليل و النهار من شيسيدو 20 دينار الواحد

و الغسول الفام 13 دينار