&&__ مشترياتي البسيطه.......بس بدون صور __&&

اهلين وسهلين
بالجايين

بمااني لسا اقول يامسهل في مجال المكياج
فطاح بيديني كم ريال قلت يله على السوق يابنت مابدهاش
للاسف ماعندي صور
لكن ابتعلم لعيونكم واحط لكم

اولا شئ
رحت لجيرلان
وااااااااااااه من جيرلان
قام يطلع ويطلع ويوريني لين احوليت
واشتريت منهم روج
القليتر منه وفيه روج مو على شكل قلوس لا روج عادي له ثلاث الوان زهر وذهبي وعنابي
بس يابنااااااااااات جنااااااااااااااااااان
واشتريت الزهر

ورجعت للبيت وااااه طلع كانه قلوس شفاف علي يعني ماناسبني وراحت المية ريال علي بلوشي
لكن ماعليه ابكرفه بالجامعه
بس على فكره يمكن الالوان بتطلع حلوه للحنطيه والسمراء


المهم وراني وهذا الي انا كتبت الموضوع علىشانه
وراني بورده اضاءه وبنفس الوقت بلشر زي علبة البلشر
وااااو يابنات تجنن وحلوه تعط اضاءه للوجه خيااال ولونها وردي
ووراني اضاءه ثانيه في زي الانبوب بس تنفع للعرايس جايه على كذا لون انا جربت الوردي
بس لما جيت احاسب ماكفت فلوسي لاني فسفستهم باللبس

المهم رحت لمكياجي شريت روج من نوبا لونه ليلكي حلو بس الواحد يحط قلوس فوقه يجنن من نوبا
وشريت بودره اضاءه للوجه وتحت الحاجب من نوبا بعد لونها غريب مو لؤلؤي ولاوردي لونها غريب

ادري الموضوع ماراح يوصل لكم اغراضي بالطريقه المشوقه
لكن الغرض منه انكم تلحقون على البودره الي قلت لكم عليها
لانه قال لي ان العرض هذا للشتاء بس

وتراها بميتين ريال سعودي
ان شاء الله ابروح اجيبها

ولو تتسائلون ليه ماضبط معاي الروج
لان احنا ماعندنا في المحلات حريم يبيعون
الرجال هم الي يتولون هالشئ
وكذلك نتغطى
يعني مانقدر
لكن الخير جاي والحريم على السنه الجايه بيتولون البيع في المحلات
كذا يقولون


حياكم الله