تمليس روعة

أمانه انه وايد أوكيه!؟
متى ملستي شعرج..
هل حسيتي ان هناك في تغير بعد غسله..
وشو اسم الي سوت لج التمليس؟؟
لان في بالي صالونين ومحتاره اي واحد منهم اختار؟؟
لو انتي متاكده وفي ضمانتج بروحلهم..

شكراً أختي الغالية ..بس ممكن أسال شكل الشعر كان طبيعي بعد الغسيل .....

انا اتكلم عن تجربة شخصية و حتى صديقتي اتقول نفس الكلام

بالنسبة متى ملسته الحين صار له تقريبا 23 يوم.


و بعد ما غسلته لي حسيت انه صار ناعم و يوم مسكته كان مثل ملمس القطن ( الصراحة انا شعري مجعد ولكن مب من نوع الفلافل)
و العاملة اللي سوت لي اياه اسمها روز , و استخدمت لي نوع كريم وايد زين مع اني اعلاف كل انواع كريمات التمليس و لكن هذا النوع كان غير عن الانواع الاخرى.

اما عن السؤال اذا كان شكل شعري طبيعي بعد الغسيل او لا.
انا الصراحه شفت انه كان طبيعي عادي كأنه ناعم من الاصل ( يعني يوم كان مبلول ما شفت ان شكلة كان مثل الاسلاك يعني سيده و متصلب عند الاطراف) بالعكس كان كأنه ناعم و مبلول .

و هي نصحتني بأن الشعر المملس لازم ما نقطع عنه الزيت ( يعني ادهنينه بنوع الزيت المناسب لشعرج )

بالنسبي لي أنا ادهنه قبل الغسيل بزبت اللوز مع الخروع.

و لين الحين النتيجة و الحمد لله ممتازة

انزين.. هل تركتي استخدام الاستشوار بعد عمل التمليس والا لازم تستخدمينه.. يعني هل انه يبين انه طبيعي والا يبين انج مسويه تمليس؟
لان شعري مموج مب خشن ولا مجعد.. ناعم بس مموج وانا ابغي يصير سايح :o

أحيانا اسشورة و احيانا لا

بالنسبة لنوع شعري بعد ما اغسلة امشطة ( لان بعد الغسل شعري يستوي ملولو ) وبعد ما امشطة اخليه ينشف عادي . ويستوي شكله سيده و مايحتاج سيشوار و بعض الاحيان اسشوره سيشوار خفيف جدا بس من فوق ( يعني ما اقسمة و اسشور كل مجموعة ) لا بس امسك الشعر كله و اسشوره يعني مثل يوم امشط شعري .

و اذا حبيت ان يكون شكله ناعم و خفيف طبعا اسشوره بالكامل سواء في البيت او الصالون ( و خاصة اذا عندي مناسبه) اتصدقين حتى يوم اسشوره في البيت ايطلع كأنه مسشور في الصالون.

و لكن أول يوم كنت استخدم الكريمات الثانية كان يتساقط وقت الغسيل و بعد الغسل ايكون شعري مب مترتب ( يعني ينتكش و يلعوزني ) يعني كان ضروري اسشوره بعد كل غسلة و الا ما ارتاح منه.

و الحين لا مب لازم اسشوره. المهم اني امشطة و افككه و بعدين انشفه طبيعي و يستوي زين.

ويش هالكريم عزيزتي الا استعملته على شعرش العامله ممكن تقولين لينا ايش اسمه
;)

الوصيفه .. انا قريت اللي كتبتيه. انا شعري عادي الين ناعم بس (كيرلي) مش سايح وانا ابا اخليه سايح وافكر اسير الصالون عشان اسوي شعري قبل العرس .. بس متى تنصحيني اسير ما بقى على عرسي الا شهرين او ثلاث .. ويريت ادليني على عنوانهم وين بالضبط ,ويزاج الله الف خير

جميل جدا الله يعطيكي كل عافية;)

يا اخت رشا بالنسبة لفترة التمليس قبل العرس أنا انصحج بأن تسوينه قبل العرس على الاقل باسبوعين. و بما انج عروس لازم تهتميين بعمل حمام زيت له بعد التمليس . و لاتقطعيين عنه الزيت ( طبع حسب نوع الزيت اللي يناسبج). و احسن تتصلين في الصالون و تسألينهم بالظبط عن المدة لأنهم هم أخبر مني طبعا و بيفيدونج.

عزيزتي الوصيف شكرا على نصيحتك ولكن أنا ملست شعري ولم أستفيد شئ وكلفني كثيرا لذلك أرجو أن تخبيريني كم كلفك؟

يا اخت رشا نسيت اقول لج العنوان. في شارع الضيافة- في بناية كافتيريا الملاح في الدور الاول شقه رقم 12

بانسبة لسؤال الاخت العربية و الله هم عندهم سعر التمليس يبدأمن 70-150 درهم و لكن اذا كان الشعر طويل وااااااااايد طبعا السعر يختلف .

أنا كلفي 120 درهم لان شعري مب وايد طويل.

يا هلا بكم :D انا بنت الامارات حبيت اول اشتراكي معاكم شفتكم تتكلمون عن الصالون وشغلهم الحلو فحبيت ارشد صديقاتي لصالون حلو بعد والله شغلهم وااايد حلو ونظيف ويشتغلون بضمير صاحي ولما تدخلين عندهم ما تحسين انج اول مره تشوفينهم انا من الشارجه اروح لهم كنت اعني من تساقط في الشعر بس رحت لهم شهرين وشعر يوالحمدالله ما عليه كلام واختي مسويه بعد اشتراك عندهم والتمليس بعد بدون ريحه ولا ينزل الشعر وينعم والي تبغي تسير حق الحمام الزيت تسير عندهم والله عندهم خلطات رهيبه ما يخبرون حد عنها واسعارهم خياليه :)
عندي صديقاتي في الشغل استوا زباين عندهم وسشوارهم روعه وحتى المكياج بعد واكثر شي يتعاملون بالحجوزات عشان كل زبونه تاخذ حقها وتخلص في الموعد لانه مرات يونهم ناس بدون موعد فتستوي زحمه في الصالون صدق والله الاشياء الي يستخدمونها غاليه وحلوه وايد (a)
مكان الصالون في ام القيوين
شارع الملك فيصل
مقابل اذاعة ام القيوين
صالون اللمسه السحريه:cool:

السلام عليكم ورحمة الله ...............
كيفكم بنات إن شاء الله تمام .....
شفت الكلام عن التمليس قلت أقول لكم تجربتي الخاصة عنه (والمريرة للأسف )
سويت تمليس السنة اللي طافت كان شعري طويل جدا جدا واصل للركبة وكثير وكان مضرب للمثل بالطول والكثافه بس مشكلته انه مموج رغم نعومته حبيت يكون املس وما فيه هالتموجات المهم سويت تمليس (ريحته خفيفة جدا) وبعد ما انتهت الكوفيرة حسيت شعري غير شكل نعومة وما فيه اسلاك كهرباء طالعة ولا شي وكل من شافه صلى على النبي...... الامور سارت طبيعية حتى مرت 3 شهور تقريبا
جت الكارثة بدأ شعري يتساقط بشكل غزير جداً ما تخيلون شكله وهو يتساقط ملى كيستين في فتره وجيزهوالله ما تصورون كيف كانت نفسيتي ..
وبصراحة يا أخت الوصيفة اتمنى نتايج التمليس اللي سويتيه أفضل وتكونين أحسن حظ مني وانشاء الله تعدي الثلاثة شهور على خير( لأنه معروف ان الشعره اللي تموت ما تسقط الا بعد 3 شهور)
الله يخليج اختي قولي لنا النتايج بعد 3 شهور وانشاء الله تكون مرضية لاني اقسمت بالله ما عاد احط هالتمليس في حياتي لكن اذا نفعت تجربتك في الامر نظر :) ;)
تقبلو تحيات أختكم
شويكــــــــshwekarــــــار(l)(l)(l)(l)

مرحبا اخت شويكار

الصراحة الحين كملت شهر تقريبا و الين الحين الحمد لله النتايج زينه

تدرين ليش؟؟

اولا اهتمامي في شعري انا مو ما اتكاسل في الاعتناء به ( تدرين ان التمليس شئ مب مكون من مواد طبيعيه ) علشان جي انا وايد ادهنه و اهتم فيه

ثانيا ما اسشوره رايد ( احيانا ) بس يكاد يكون شئ خفيف جدا

ثالثا نوع الكريم الي استخدمته لي كان وايد زين و مناسب لنوع شعري


يمكن المشكله عندج بسبب نوع الكريم و يمكن هي خلته يدق الجذور و الفروة من الداخل أو نوعية شعرك ما تستحمل التمليس
و انا شاركت في نفس المنتدى في الرد على احدى الاخوات بالنسبة للتمليس و حبيت انقل لج الكلام الي كتبته ( على فكرة انا ذكرت نفس الكلام الي بحطه لج تقريبا مرتين في المنتدى)





التمليس من وسائل التجميل الي تحتاج لها فئة كثيرة من السيدات و الفتيات يعني عندج مثلا الي شعرها مفلفل و عندها صعوبة في التعامل معه بيكون التمليس هو الحل الاكيد و المناسب لها
عندك عرايس كثير يحتاجونه علشان يخلي شعرهم ناعم و ما يعذبعم في فترة شهر العسل ( بعدين يخاف سي السيد من الكشه) ها ها ها

و في ناس شعرهم زين و ناعم و لكن يحبون يخلونه انعم للتسهيل عليهم

المهم كل حد و حسب الاسباب الي عنده

و لكن الظاهر ان الكوافيرة الي استخدمت لج الكريم ما عندها خبرة في هاذا المجال

يعني اللي تسوي التمليس لازم اتعرف:

1- نوعية الشعر زين و تتفحصه كويس . يعني تتعرف على نوع الشعر لان في شعر يكون خفيف جدا ممكن ما يستحمل الكريم.

2- لازم ايكون عندها انواع مختلفه من الكريمات لان في انواع قويه( للشعر المفلفل ) و انواع وسط و انواع خفيفه

3- لازم تجري اختبار على الشعر اذا كان عندها شك في ان شعر الزبونه ما يستحمل الكريم ( لان في بعض الاحيان تكون الزبونه امسوية صبغة و ما مر عليها اكثر من شهر - او اتكون محنيه شعرها و ما مر عليه اكثر من شهر )

4- بعد ما تتعرف على شعر الزبونه طبعا تحدد نوع الكريم المناسب
( تدرين بعد الزبونه حاطه في بالها انها جايه تتجمل و تطلع باحسن صورة من الصالون فلازم ما تتكاسل الكوافيرة في عمل هاذي الخطوات في سبيل ان تحصل الزبونه على نتيجة ممتازة )

5- وقت ما تحط لها الكريم لازم تعمل توقيت مناسب . يعني كيف؟
في بعض الحريم يكون شعرهم طويل أو كثيف . ولما تبدأفي وضع الكريم في الاجزاء الخلفية من الشعر و لين ما تنتهي و تصل الى مقدمة الرأس بيكون مر وقت اكثر على الكريم في الاجزء الخلفية من الشعر . ف بالتالي لازم تعمل timing مناسب لمدة وضع الكريم أو تستعين بعاملة اخرى معاها في الصالون.

6- اذا كانت خبيرة بتعرف كم المدة المناسبةلترك الكريم على الشعر اعتمادا على نوع الشعر (شعر الزبونة)

7- و في شامبوهات خاصة لغسل الشعر من بعد التمليس و ايضا محاليل مثبته للتمليس

8- و لازم الي تملس شعرها ما تقطع عنه الزيت ( لان تدرين التمليس عبارة عن مواد كيميائية )



و اذا فكرت تعملين تمليس لازم تروحين مكان له سمعته في هاذي الشغله.


على فكرة: اختي عجبها شعري و راحت سوت هي بعد عند نفس الصالون

السلام عليكم .......:)
الله يعطيكي العافية أخت الوصيفة ..... بصراحة كفيتي ووفيتي نظرتي للفرد تغيرت 180 درجة...وانشاء المرة الجايه اذا زرت الامارات أمر على هالصالون .....بس هاه إذا كنتي زبونة دايمة عندهم وصيهم على.. لانه الجيب تعب من الصالونات;) :p :cool: بس برضه استنى الثلاث شهور :)
تحياتي أختكم
شويكــــــــــــــshwekarـــــــــــــــار

حبيباتي مرحبا
أنا راح أخبركم عن قصتي مع التمليس
طبعاً أنا شعري مموج ونوعاً ما كثيف بس قصيتة كاري وحبيت أعملة تمليس وفعلآ رحت للصالون واول شي حطتة لي هو كريم أذكر انة كان وايد يحرج اذا لمس اي جزء من الوجة لما كان ينزل علية بس بعدها غسلتة لي بمادة ريحتها كريها وشامبو ايضاً بس انا كنت من النوع اللي يحب يحط الحناء في شعرة دائماً على العموم وبعدين جففتة بالسيشوار ولما كانت تسشورة كنت راح ابكي لاني احس انة شعري يتقطع بس ولا شعرة نزلت تصدقون ( الظاهر اني كنت اتوهم ) المهم طلع شعري يجنن وبعدها ظلت هاذيك الريحة فية لحد الصباح وبعدين راحت بس الكل أعجب بشعري حتى أخواني وصديقاتي المهم طبعاً هي قالت لي ما أغسل شعري لمدة أسبوع وفعلاً ما غسلتة لكن بعد الاسبوع أحزرو ماذا حصل ؟؟؟؟؟؟؟
لما امس الماء شعري صار مثل اللبان أو العلكة لما تمضغيها وطبعاً كان في حروق كثيرة كان ينزل منها الدم من شعري لانها الخبلة خلت الكريم يلحج فروة رأسي بكيت لما شفت شعري كذي بس أول ما نشف رجع أملس مرة ثانية وما عرفت شنو تفسير هاذي الظاهرة الفريدة أتمنى لو تفيدوني ***** طبعاً يمكن يرجع السبب لانة ماعملت حمام زيت لشعري على طول في نفس الوقت اللي عملت التمليس وعلشان كذا انا خايفة أعملة مرة ثانية بس خاطري أعملة علشان شعري كان رووووووعة لما عملتة .

انا بقول لج ليش صار لج جذي

مثل ما قلتي ان العاملة خلت الكريم يلمس الفروة و المفروض تخليه بعيد شوي عن منبت الشعر و الفروة
وبعدين الواضح انها ما غسلت لج شعرج كويس كان لازم تفركه بايدها من الداخل و تتأكد من ان الشعر ما بقي فيه اي بقايا من الكريم

تدرين لان اذا الشعر ما انغسل من الكريم زين بعد اربعى ايام راح اتحسين بشئ يابس داخل الشعر على الفروة ولما اتحاولين اتشيلينه ممكن يسبب لك جروح في الفروة و يطلع دم

لان انا من زماااااان صار لي نفس الشء سوييت تمليس عند وحدة الله يسامحها دمرت لي اياه ( هاذا الكلام من تقريبا اربع سنوات او اكثر )

و الظاهر ان نوع الكريم المستخدم لج كانت قوته عالية جدا لدرجة انه سبب لج حرقان في نفس الوقت و ايضا حرقان يوم يلمس اي جزء من الوجه ( واو ابين انه وااايد قوي )

و بعدين من بعد التمليس ما يصيير اتحطيين كريم حمام زيت على طول بعد ما اتغسليين الشعر

انصحج التروحيين الصالون الي رحتله انا .

حبيبتي ممكن تساليهم اذا عندهم فرع بالمملكة العربية السعودية

اذا في قولي لها اي مدينة والوصف

الله يسعدك

اختي الوصيفة مشكورة على هذه المعلومة بس اذا ممكن تعطينا اسم التمليس لاني بصراحة ما اقدر اروح دبي دوم و انا من بوظبي
ارجوج لا تتاخرين علي لان عيد ميلاد اختي الصغيرة قريب.
و شكرا.