اضطرابات النوم

حاولي انج تقرين اذكار النوم وتقرين سورة تبارك قبل لا تنامين بستمرار وانشالله هذا يريحج من اضطرابات النوم .. انا مريت بنفس وضعيتج قبل لا ما اشتغل بس من اشتغلت طبعا كلشي اتغير..

أول شي مبروك الف مبروك ع التخرج :flower: ... وعقبال ما تتحقق كل أمنياتج

وثاني شي مشكلة النوم ... مشكلة يعاني منه الجميع بسبب الضغوط والفراغ خاصة للناس اللي يكونون استقالوا من الدوامات او تخرجوا

المهم بحاول اساعدج

اول شي سوي نفس ما قاتلج الاخت (عروس الموج) عليج بأذكار النوم لان كلامها صح :yes:

وبعدين بما انج .. تنامين متأخر ... من اليوم ابدي .. اسهري ... بس اليوم الثاني حاول تنشين من وقت ... حتى لو كنتي نايمة ساعه او ساعتين .. واتصبري لين اللليل وبيج النوم عقب من وقت وبتكونين تعبان وايد اصلا بس لازم تواصلين مب يوم تتعبين تروحين ع طول الفراش وحاولي ما تتقربين من السرير لان ترا بتكونين وايد تعبانه .. حاولي تقرين مجلة شوفي T.V اقعدي ع الكمبيوتر سولفي في التلفون .. عندج وايد اشياء المهم انج تواصلين لين الساعه 10 الفليل ع الاقل وعقب تنامين
وبعد ما تعدلين رقادج ... خلاص ابعدي عن اي شي اسمه سهر .. حتى لو كنتي تبين تسهرين ع شي T.V كمبيتوتر اجلي كل ها بمجرد ما توصل الساعه 10 او 11 حدج 11 ونص ... وحاولي يومين تنشين 9 او 10 حطي المنبة ع راسج .... اشتري منبه صوته عالي انا عن نفسي استخدم المبايل ....

واستمري ع هذا الوضع ع الاقل شهر عقب بروحه جسمج بيتعود ع النوم من وقت والنشه من وقت ... بس لازم تعودين عمرج ع النوم بدري وتنشين بدري حتى لو بالمنبه حتى لو ما عندج شي تسوينه

وع طاري عدم الراحة اللي تصيبج بمجرد ما تنشين من النوم ... هذا شي طبيعي لان .. حتى الدكتور يقول نوم الليل مش مثل نوم النهار يحتاج جسمج .. للنوم الليل ... وبعدين هذا شي صحي .. ولا تنسين صلاة الفجر اللي يسهر ابد ما يروم ينش يصلي الفجر بس بمجرد ما تنامين من وقت .. صلان الفجر بتنشين لها نشيطة وبتنشين الصبح مرتاحة وايد جربي وع ضمانتي هالكلام

انا عن نفسي يوم ما اصلي الفجر انش مضايقة ويكون اسلوبي حتى مب زين مع كل حد .... جربي

وبمجر ما تعدلين نومج .. حاولي تدخلين معهد انجليزي او اي دورة ثانية اللي تحبين لو ع الاقل يومين او ثلاث في الاسبوع حاولي تطليعن من البيت روحي السوق حتى لو ما بتشترين شي شوفت الناس تكفي ... وعندج دورات ومحاضرات دينيه حاولي تروحين بعد وخصصيلج ساعه تحفظين قران لو في البيت ... مش شرط برع استفيدي من يومج ... خلي جدولج يكون متنوع وفيه وايد اشياء تحبينها
زوري ربعج .. سوي اللي انتي تحبينه بس اهم شي النوم من وقت .. لا تنسين اتمنى ان قدرت اساعدج

لان انا كانت هذي مشكلتي وحاليتها بنفسي بالطريقة اللي انا كتبتلج ايها .. صراحة ما حصلت حد يساعدني ولين يومج هذا انا ماشية ع هالطريقة :)

انا مااقدر اقوول اكثر منهم الصراحه الخوات كفوا ووفوا

وحاوولي انج ماتشربين منبهات من بعد الساعه 6 او 7
عشان جسمج يرتاح وقللي منها قدر الامكان والاتنامين الظهر

انش الله اكوون
افدتج



اختج

مناري

مشكلتك متشعبه
تعتمد على النفسيه والجسمانيه والفكريه والغذائيه
يعنب لازم تحطين في بالك كل هالنقاط
نفسيه اتركي عنك التفكير وابعدي اي شئ يضايقك والافكار الي تكدر وتعكر مزاجك
والجسمانيه يعني ابعدي نفسك عن الارهاق والتعب والشد وكذلك حاولي تلهين نفسك باشياء تشغل وقتك وتحتاجين بعدها للنوم
الفكريه مثل ماذكرت قبل كذا
الغذائيه
انا قرئت ان بعض الناس عملوا اختبارات على انفسهم وشافوا الاغذيه الي تعكر مزاجهم
لذلك الاشياء الاساسيه مثل المنبهات وغيرها ابتعدي عنها بقد ماتقدرين
وكذلك تعويد نفسك على نوم معين يبيله وقت لحد جسمك مايتعود عليه

السلام عليكم
شحالكم خوووووووووووواتي

عروس الموج
Miss Oops
مناري
عاشقة الجوري

جزاكم الله خيرا

وأن شاء الله بطبق الكلام اللي ذكرتوه

والله لا يحرمني منكم ومن نصائحكم اللي بس الواحد يقرأها يحس بالراحة

أختكم،
حبر و ورق

الله يعينك أختي ... ويريحك...
بس لما تعملي الي قالولك عليه البنات ..خبريني اذا صرتي أحسن
وانا بعرف وحدة طول حياتا ليلا نهار ونهارا ليل..حتى بعد ما تزوجت ووصار عندا اولاد ودخلوا المدارس وهيي بعدا متل ما هيي والي بيضحك انو زوجا واولادا صاروا متلا:D2

سوسو نكد:
الله يعينك أختي ... ويريحك...
بس لما تعملي الي قالولك عليه البنات ..خبريني اذا صرتي أحسن
وانا بعرف وحدة طول حياتا ليلا نهار ونهارا ليل..حتى بعد ما تزوجت ووصار عندا اولاد ودخلوا المدارس وهيي بعدا متل ما هيي والي بيضحك انو زوجا واولادا صاروا متلا:D2

مشكوورة أختي سوسو

والحمدلله بدأت أطبق كلام البنات من يومين والحمد لله أحس أني واااااااااااااااايد أحسن

بس هذي اللي تكلمتي عنها شلـــــــــــــــــــــــــــــــــــــــون متحمله

الله خلق الليل عشان النام والصبح عشان نشتغل فيه

عالعموم مشكووووووووووووووووورة مرة ثانية عالمرور والتعليق

عزيزتي
كان عندي نفس مشكلتك
حاولت حلول كثيرة......مره اواصل24 ساعة عشان انام الليل واذا نمت مافيه راحه
ومره اقوم الصباح بدري عشان انام بالليل
وكل الحلول استمرت يومين بالكثير....بعدين ارجع لنفس المشكلة
ما اطول عليك ...كان الحل السحري( على الاقل بالنسبة لي) اني اتوظف
الوظيفه حلت لي اشياء كثيرة.....من بينها النوم( مع انها وظيفه اهلية وبراتب لا يذكر)
لاني صرت ملتزمه بنظام معين وجسمي تعود عليه
صرت لما انام ارتاح كثير
الله يوفقك.....

*lady:
عزيزتي
كان عندي نفس مشكلتك
حاولت حلول كثيرة......مره اواصل24 ساعة عشان انام الليل واذا نمت مافيه راحه
ومره اقوم الصباح بدري عشان انام بالليل
وكل الحلول استمرت يومين بالكثير....بعدين ارجع لنفس المشكلة
ما اطول عليك ...كان الحل السحري( على الاقل بالنسبة لي) اني اتوظف
الوظيفه حلت لي اشياء كثيرة.....من بينها النوم( مع انها وظيفه اهلية وبراتب لا يذكر)
لاني صرت ملتزمه بنظام معين وجسمي تعود عليه
صرت لما انام ارتاح كثير
الله يوفقك.....

أختي Lady
بس الحلول اللي ذكرها البنات حلوه

ولكن معاج حق لما تستثمرين وقت تحسين بشعووووووور أفضل

الف مبروووك ع التخرج وعقبال العرس
والبنات ماقصروا كفوا ووفوا

-%-سحابة حب-%-:
الف مبروووك ع التخرج وعقبال العرس
والبنات ماقصروا كفوا ووفوا

أختي: سحابة حب
الله يبارك فيج
وجزاك الله خيرا عالدعوة الطيبة

ومشكوووووووووووووووووورة عالمرور و التلعيق

حبيت اضيف شي على اللي قالوه البنات..

الصحابي خالد بن الوليد كان يشكي من اضطرابات النوم بالاضافه للكوابيس ف قاله الرسول عليه الصلاه والسلام يقول هالدعاء : اعوذ بكلمات الله التامات من غضبه وعقابه وشر عباده ومن همزات الشياطين ان يحضرون .

وانا واظبت ع هالدعاء بالاضافه لاذكار النوم واحس انه اني اتخدر وارقد بسرعه بدون ما اعاني من الارق

طفرااانه:
حبيت اضيف شي على اللي قالوه البنات..

الصحابي خالد بن الوليد كان يشكي من اضطرابات النوم بالاضافه للكوابيس ف قاله الرسول عليه الصلاه والسلام يقول هالدعاء : اعوذ بكلمات الله التامات من غضبه وعقابه وشر عباده ومن همزات الشياطين ان يحضرون .

وانا واظبت ع هالدعاء بالاضافه لاذكار النوم واحس انه اني اتخدر وارقد بسرعه بدون ما اعاني من الارق

أختي الحبيبة

الله يجزاك خيرا

وهل هذا الدعاء هو نفسه الدعاء اللي للارق؟؟

انا كنت اعاني من الارق والكوابيس ومن اقرا هالدعاء الحمدلله انا والخير رباعه ... بس مب انج شبعانه رقاد وتيين تحطين راسج وين بييج رقاد؟؟؟
انا اقولج اتوضي وصلي الوتر قبل ماترقدين واقري هالدعاء ويا اذكار النوم وان شاء الله بتيسر امورج

والسموحه منج

أختي الحبيبة
طفراانه

وكل اللي ساعدوني

جزاكم الله خيـــــــــــــــــــــــــــــــــــــــرا


وان شاء كل شخص بيستفيد من نصائحكم بيكون في ميزان حسناتكم

كلنا عندنا اضطرابات في النوووم:eek:

fatma:
كلنا عندنا اضطرابات في النوووم:eek:

يا هلا بأهل دبي

شوفي حبيبتي

أتبعي نصائح البنات

ومع اشوي التزام منج بمواعيد النوم والاستيقاظ

وان شاء الله كل امووووووووووووورج بتكون تمــــــــــــــــــــــــام:up::up: