مزعلة زوجي

كيف زعلتيه ؟؟
أقصد يعني رفضتي له طلب , خالفتي أوامره أو جرحتيه بشي ؟
عشان نقدر أنساعدج !!
نتريا الرد منج؟

وضحي لنا عشان نفهم ونعرف كيف نرد عليك.

ما اقدر اقوووول

خلاص بقول هو من يومين خبرني ان تتصل له وحدة وتسكر ورد اتصل على الرقم يبغي يعرف منو اترد عليه واتسكر وبعدين عرف انها مغلطة وبس انا اليوم الثاني اتصلت فيها وقلتلها لاتتصلين وطبعا من وراه وبعدين اتصلتله وقالتله طبعا انحرج وعصب وبس

مممم انزين يعني شنو الحين الي يزعل؟ اقصد الي خلاج تدقين عليها؟ غيرتج صح؟ عاادي هو صح تصرفج غلط بس عادي روحي راضيه بكلام حلو و بينيله غلاته .. قوليلي صح الي سويته شي غلط و مو حلوة لا بحقك ولا بحقي ... بس غصب عني سويت هل شي ماحسيت بعمري .. احبك وانت تدري بهل شي ز اغار علييك بس اوعدك اني ماراح اسوي هل شي مره ثانية و كله ولا زعلك تزعل علي الدنيا كلها ولا انت تزل .. يعني و من هل كلام الحلووو و قوليله انج تبين تطلعين معاه تغيرون جو ... عادي هم بسرعة يرضون عامليهم مثل ماتعاكلين الاطفال اشلون تستدرجينهم لين ما يرضون!

عن نفسي اشوف انج ما غلطتي وبعدين هي ليش ترد تتصل فيه الغلط منها هب منج انتي
بس في حاله انتي سبيتيها او غلطتي عليها هيه الصراحه انتي غلطانه

المهم اهم شي الحين الاعتراف بالغلط انا بقولج شي
الريال يحب الحرمه اللي ما تعاند ولا تكابر ابدا واول ما يقولها انتي غلطتي تعترف حتى لو ما غلطت..شوفي كيف بتكون رده فعله بيطخ صدقيني وبيرضى بسرعه

المهم حسسيه انج فعلا ندمانه وحاسه بغلطتج وقوليله سامحني وارجوك وكلام من هالنوع
واذا عقب هالمصارحه تعطينه هديه يكون احلى واحلى

وان شاء الله تييب نتيجه معاج

فديتكم ماقصرتوا على ردودكم الطيبة

عزيزتي إلي سويتيه صح مب غلط ..
بس كان المفروض أتقوليله قبل ما تتصلين .(t)
بما أنج زعلتيه لازم أتراضينه :think:.. يعني أعزميه على عشى برع طبعاً في جو رومنسي ..:flower:
وبينيله غلاه وكل إلي سويتيه كان عشانه ويعني حركات دلع وصدقيني بيرضى ..:smile:
لأن الريال مثل الياهل كل مادلعتيه وأهتميتي فيه .. يستانس أكثر .. وأنتي وشطارتج ..
الله يهنيج ويوفقج إنشاله ..:flower::flower::flower:
وطمنينا عليج!!

تتصل عليه بنت اللذين هذي ليه

ماتصلت الا انها عارفة زوجك بيهاوشك ويزعل عليك

روحي قولي له ووضحي له ((انها ماتصلت الا انها عارفة انك بتهاوشني لاتخلي انسانه من برا تجي تكدر خاطري وخاطرك عشان موضوع مايسوى ))

وبس

اسيرة قلبه:
تتصل عليه بنت اللذين هذي ليه

ماتصلت الا انها عارفة زوجك بيهاوشك ويزعل عليك

روحي قولي له ووضحي له ((انها ماتصلت الا انها عارفة انك بتهاوشني لاتخلي انسانه من برا تجي تكدر خاطري وخاطرك عشان موضوع مايسوى ))

وبس

صح لسانك أنا مع الأخت الغالية في تفكيرها ،،،

أخذي منه وأرضيه ،،

والله ولي التوفيق ،،،

حبيبتى انا شايفه انك غلطتى جدا هو من حقك طبعا وكل حاجه بس هو مدام جه وقاللك على الموضوع ده يبقى مفيش حاجه غلط لا قدر الله بس انتى حاوللى تعدى معاه وتقوليله انك فعلا غلطتى بس والله علشان بتحبيه وما بتقبللى الهوا عليه وفهميه اهم حاجه انك معترفه بغلطك وربنا يوفقك يارب وتبقوا احسن زوجين فى الدنيا امين

.............فهميه ان السبب غيرتج وخوفج عليه

الحمد لله كل شي اوكي الحين ومشكورييين وااايد حبايبي على اهتمامكم اصلا انا كنت اعرف الحل لاني اعرف زوجي بس الشيطان شاطر
تدرون قلبت عليه السالفة ههههههه وهو اللي عزمني على العشا

انت اعترفت بخطئك وما كابرت وهذي البداية
روحي له وحبي راسه ......سوي حركه ما يتوقعها منك
اعتذري منه.....والله يوفقك