أمي الحبيبه مكسوره الخاطر

السلام عليكم ورحمة الله وبركاته

مرحبا بكل أعضاء عروس


أخواتي أني لجأت لكم من بعد الله لتخففوا دموع والدتي العزيزه



منذ أكثر من 17 سنه وأمي تنتظر ابنها الوحيد ان يتقبل فكره الزواج
ولحد الان لم يتقبل أخي هذه الفكره وهو الان قد قرب سنه للأربعين

ولم تتوقف أمي من الدعاء له في كل فروض صلاتها وكل وقت
وكما لم تتوقف دموعها الغاليه وهي تدعو له في كل وقت


وهي معذوره في ذلك فهو أول طفل لها ومن ثم توالت خمس بنات



فألتمس منكن الدعاء


وشكرا لكم

والله لو عندي حل مقنع كنت قلته لج... بس هذا شئ صعب الوصول له بما ان اخوج ما يبي يتزوج/// ما لكم الا الدعاء وانشاء الله رب العاليمن قادر ان يقلب القلوب

بسم الله الرحمن الرحيم
وعليكم السلام ورحمة الله وبركاته

أسأل الله العظيم رب العرش العظيم أن يرزقه بالزوجة الصالحة والذرية الصالحة التى تقر بها عيونكم

شكرا لكم أخواتي والله ارحتوا قلبي بمشاركتكم الدعاء الى جانب أمي

الله يوفقه

الله يرزقه الزوجه والذرية الصالحة

طايب حاولو انتم معاه بأسلوب الترغيب مثلا شفنا اليوم وحدة ما شاء الله عليها كذا وكذا ومن هالاوصاف الحلوة والي تحسون مايل لها(عاد احنا الحريم مافي اشطر منا لعجبنا الشي)

ويجب البحث عن سبب عدم الرغبة بالزواج لحلها

وبالتوفيق للجميع

الله يصلحه ويهديه ويرزقه الزوجة الصالحة ياحي ياقيوم

اختي لازم تتأكدون انه ممو طايح مع شلة سوء لأنهم والله يقلبون راس الواحد

اعرف لك اشخاص يقربون لي كثير تصوري الواحد تعدى 45 سنة وللحين ماتزوجوا وهم اخوان ثنين

لأنهم طايحين بالخرابيط الله يصلحهم ويهديهم ويرزقهم الزوجة الصالحة

السلام عليكم

الله يهدي بال اخوش

المشكلة ان الزواج مافيه إجبار وهو موب مقتنع بهالشي..

ليش ماتحاولون تدخلون حد من الأقارب تكون كلمته مسموعه او من اللي اخوش ياخذ بكلامهم .. يحاول معاه باللين .. ويستشهد بأن رسولنا الكريم كان يتزوج النساء.. فنحن لسن بافضل منه حتى نضرب عن الزواج..يعني كلام من هذا القبيل..


والاهم هو معرفة سبب عدم إقتناع اخوش بالزواج .. الإنسان مايرفض فكرة او شئ إلا اكيد فيه سبب معين.. حاولوا تعرفون السبب فكما قيل(إذا عرف السبب .. بطل العجب)..

ان شاء الله خير ونسمع عن قريب اخبار حلوة

تحياتي..

عليكم السلام والرحمه

الله يطول في عمر الوالده إن شاء الله و تشوف عياله و الله يهديه و يتزوج

عزيزتي شباب هالايام معظمهم مأجل فكرة الزواج وواحد منهم أخويه لين ما كمل قريب ال40 فكر في الزواج و هو من نفسه إحنا كلمناه كثير لكن ما فاد

إنتو خلوه على راحته و صدقيني في النهايه راح يجي و يقولكم أبغي أتزوج

حبيبتي شهد أنا أشوف انكم خلوه على راحته يمكن هو عنده وجهة نظر معينة لانج ما تعرفين الخير وين يمكن ياخذ حرمة عقب لا قدر الله تطلع روح امج وتعاملها معاملة مب زينة انتي فهميها من هالكلام عشان تقتنع شوي وبعدين متى الله كاتب النصيب بيتزوج ويمكن للحين ما حصل البنت اللي تفهمه ويفهمه وهو قاعد يدور عليها

السلام عليكم ورحمة الله وبركاته ،،،

حبيبتي شهد ،،،

أني قلتي أن أخوش الوحيد من بعده بنات يمكن أخوش يحارس إلى أن تتزوجون كلكم بعدين يفكر في الزواج خصوصاً إذا كان عامل نفسه وصي عليكم أنت البنات ،،،

سؤال : كل أخواتش متزوجات ؟؟؟؟؟؟؟؟؟؟؟؟؟

سؤال : الوالد موجود أو متوفى ؟؟؟؟؟؟؟؟؟؟؟؟؟

إذا كان الجواب الأول بـ لا والجواب الثاني بـ نعم ،،، فعلى ما أعتقد أخوش ينتظر زواجكم أو يوجد شيء أخر والله أعلم ،،،

على عموم الله ولي التوفيق وأن شاء الله يوفقه ويرسل له بنت الحلال التي تأخذ عقله ويتزوج ،،،

الله يهدي أخوووج ويصلحه ويرزقه ببنت الحلال ان شاء الله

وتفرح أمج فيه يارب

الله يعين

أنا نفس الشي أخوي ما يبي يتزوج و أأأأأأأأأأأأأأأأأأأنا احن على راسه

الله يهديهم جميع..

الله يهديه ان شاء الله
ويفكر برضا والدته ويسمع كلامها ويوفقه ببنت الحلاال

دمعه

الله يهدي اخوك ويفرح قلب امك ان شاء الله الله يهديه وانا عغندي عم كذا شايل فكرة الزواج خير شر مايبغي يتزوج مدري ليه ؟؟
مع انه مافي احلى من ان الشخص يسمع كلمة بابا او ماما انا الان احب اسمعها قبل الزواج ولكن مدري ليه الشباب كذا حتى لو خافوا
من المسؤوليات او المصاريف في ناس راضين يسكنون حتى لو في عشه ترى مو كل البنات زي بعض .....


الله يهديه ان شاء الله ويارب ياحي ياقيوم خلال هذا الاسبوع نسمع منه انه يجي لامك ويقول لها ابغي اعرس :)
واله يرزق كل المسلمين معاه يارب ياحي ياقيوم

الله يهدي اخوك ويفرح قلب امك ان شاء الله الله يهديه وانا عغندي عم كذا شايل فكرة الزواج خير شر مايبغي يتزوج مدري ليه ؟؟
مع انه مافي احلى من ان الشخص يسمع كلمة بابا او ماما انا الان احب اسمعها قبل الزواج ولكن مدري ليه الشباب كذا حتى لو خافوا
من المسؤوليات او المصاريف في ناس راضين يسكنون حتى لو في عشه ترى مو كل البنات زي بعض .....


الله يهديه ان شاء الله ويارب ياحي ياقيوم خلال هذا الاسبوع نسمع منه انه يجي لامك ويقول لها ابغي اعرس :)
واله يرزق كل المسلمين معاه يارب ياحي ياقيوم

الله يهديه

من حقها الوالدة الله يخليها لكم ينكسر خاطرها

بس اختي انتوا ما عرفتوا السبب ؟ يعني ايش عذره

هل هو من النوع اللي عايش حياة مستقلة ويسافر ويروح ويجي ويشتغل ؟
يمكن عنده سبب قاهر ومستحيل يقدر يقوله لأحد

بما انه وحيدكم ليش ما يحاول احد قريب منكم مثل لو وحدة منكم متزوجة تخلي زوجها يتكلم معاه ويحاول يقنعه باهمية الزواج للاستقرار العاطفي والاسري

الزواج مو عشان الواحد يصيراب او ام او عشان يكون له زوجة تخدمه فقط ... الزواج يحقق نوع من الاستقرار والتوازن النفسي للانسان

حاولوا معاه وحاولوا تعرفوا اسبابه حتى لو هو مابين لكم

وعليكم بالصبر والمحاولة والأهم الدعاء

الله يهديه ويهدي الجميع ان شاء الله

شكرا لكم أخواتي والله طيبتو خاطري بردودكم



وأني شايله هم أمي المسكينه اللي تعبت وتكلمه ومافي فايده



بس مثل ماقلتوا خلوه على راحته وأمي صار لها فتره ماتكلمه يعني أكثر من سنتين
أتقول يمكن يفكر بروحه ويجي اليوم اللي يتكلم بنفسه ويفكر بالزواج



الله يهديه ويوفقه ويوفق كل عازب وعازبه





مأساه دبي احنا ننتظر اليوم اللي يفكر والحمد لله أخوش فكر بالزواج


طلوع الفجر والله أحنا تاريكينه على راحته من سنتين تقريبا وأكثر

حلوووه البحرينيه


ترا هذا كلش مايدخل بتفكير أخوي لأنه رافض فكره الزواج

وهو مو عامل نفسه وصي ولا شي



وخواتي مو كلهم متزوجات عندي ثنتين الله يوفقهم انشالله للحين ماتزوجوا
وأمي المسكينه شايله همهم لكن مو بيدها اتقول البنات مو أحنا اللي نجيب الزوج لهم
لكن الولد احنا اللي نجيب له الزوجه وهذا بيدنا لكن الولد طلع موبيدنا كلش



الله يخلي لنا الوالد ويحفظه موجود والله يطول بعمره


وشكرا لكم خواتي