فستااااااااااان عرس روووووعة وغير

انا ابا فستان ملجه .. اذا عرفتي خبريني

حبيبتي ميموومة

انتي من اهل دبي يعني انتي ادرى .. بس بصراحة انا سايرة من 3 اشهر شارع الرقة اعتقد .. محل اسمه امواج .. بصراحة فساتينه روووعة .. ويديدة وغريبة .. وملجتي جريب وبسير استاجر فستان من هناك

حتى مرة كانت زهرة الخليج عارضة فساتينهم .. وروتني الصور .. بس صج حلووووووووووة .. وان شاء الله حتى بعرسي باخذ من عندهم

وعفكرة ترى حذالهم واااايد محلات .. كل محل فيه تشكيلات يديدة وفخمة .. اسالي عنه وشوفي

والله يوفقج حبوبة

ميمووومه

اسمحيلي بس ابغي أنبه الاخت

سونالي

عن محل امواج

بقولج شو صارلي معاهم

واكتشفت بعدين اني مش اول وحده يسوون فيها جيه

انا يوم ملجتي أجرت من عندهم فستان وكان روعه الصراحه انا ما انكر هالشي

وأجرته على اساس اني اول وحده البسه

وقالولي انه يديد وتوه ظاهر من المشغل

وانا صدقتهم

يوم الملجه يتني ربيعتي على الكوشه وقالتلي انتي مأجره الفستان عند امواج

قلتلها هيه

قالتلي حتى وحده من اهلنا مأجرتنه قبلج

انا الصراحه جنه حد صاب ماي بارد على ويهي

رديت عليها انه البياعه في المحل قالتلي انتي اول وحده تلبسينه

ضحكت ربيعتي وقالتلي عقب اسبوع سيري منقبه واسئليهم عن نفس الفستان واسمعي شو بيقولولج


انا ادري اني طولت عليكم بس من حر ما في قلبي :mad2: على الحركه اللي استوتلي منهم

المهم

يوم رجعت الفستان قالتلي الفستان فيه بقعه وما راح ارجع لج الاف ( يطلبون الف ضمان + جواز السفر)

غرامه لانج وسختيه... وانا يا جماعة الخير متأكده مليون بالميه اني ما خيسته

ومن عقب ما تعافرت وياها خذت جوازي وتركت المحل

وانا ادعي عليها ... والصراحه ما سامحتها في الفلوس لانها سرقتني وفي ذمتها لين يوم الدين

ونرجع لموضوع الفستان من اول لبسه

بعد اسبوعين تقريبا سرت المحل وانا منقبه وشفت الفستان

وسألتها اذا كان مأجر من قبل والا لا

تخيلو شو قالت

الفستان جديد ولسه طالع من المشغل

:eek2:

انا انصدمت والصراحه ما قدرت استحمل

شلت النقاب ومن شافتني اعتفست ما عرفت شو تسوي

انا ما قلتلها شي .. ظهرت على طول

تكفيني صدمتها



انا آسفه طولت عليكن يا عرايس... بس ما ابغي اللي صارلي يصيرلكن

تحياتي...

حصة الله يخليج .. حبطتيني

غريبة ... مع انه اختي في الصيف معرسة .. وماجرة من عندهم فستان عرسها

والله خوفتيني .. بس ما عندي غيرهم .. ملجتي عقب اسبوعين .. شو تبيني اسوي .. لازم باجر من عندهم

بس اقولج الغالية .. انتي من اي امارة؟

السلام عليكم ورحمة الله وبركاته ...

مرحبا خواتي الغاليات....

أنا قريت الموضوع وحبيت أشارك بس إنشالله أقدر أساعدكم إذا سألت ربيعتي

أنا من أسبوع وشي كنت أكلم ربيعتي وكانت ترمسني عن مرت أخوها وأختها

أنهن يبن يأجرن فساتينهن ....أنا بصراحه حضرت أعراسهم وكانت الفساتين حلوه

هب دف ...شغل حلو ومرتب.......

بس مش متأكده أكيد أذا بيأجرون.......

إذا تبون بسألهم..........

مرحبااااااااا ..

اذا تريدين ارقام حريم يأجرن فساتين راااااااااااااااقيه وايد .. و في قمة الفخامه ..

واسعارهن بعد زينه ..

طرشي لي رساله خاصه وبرد عليج :) ..

السموحه ^_^

عزيزتي

شوفي لازورد عنده اشياء حلوه بس الصراحه ما عندي خلفيه عن الاسعار

عزيزتي ميمووومة
زوجة أخويا في دبي و عندها فستان فرح مكللللللللللللللللللللف من ديميتريوس ، و طبعاً هذا المحل معروف بذوقه و رقي خاماته ، و ترى والله أخذته غاااالي و لو تحبي روحي محل ديميتريوس في دبي وخذي فكرة عن الأسعار عشان تعرفي إني صادقة لما أقول لك إنه مكلف.

ما أعرف إذا ممكن تأجره ، بس هي مرة قالت لي إنها تبغى تبيعه بطرحته . ( و الله الطرحة لحالها مرة حلوة و جاي موديلها ستايل اللي قصير و على أطرافه دانتيل مشغول بالكريستال ).

بس يعتمد على المقاس ، لكن الفستان من جد لقطة . لو تحبي تستفسري أكثر أرسل لي على الخاص .

تحياتي ..

سلااااااااام

الغالية روحي محل المصمم وليد عطا الله عنده

فساتين روووعة للعروس ..