هلا خواتي بنات منتدانا اللي ما نستغني عنه
انشاللله تكونون كلكم بصحة وعافية......
خواتي Manary أو سفيرة فوق العادة أو أي وحدة لها خبرة بالمكياج بغيت مساعدتكم....
أنا عندي هالات رمادية مع شوية جيوب تحت العين وعندي باليتة الكونسيلر اللي من ميكب فوريفر
(Camouflage Cream Palette)
فبغيت أعرف شو الطريقة الصحيحة لاخفاء الهالات باستخدام هاي الألوان؟؟
يعني أبدا باللون الغامق وبعدين الفاتح أو العكس وشو من هالألوان الخمسة أستخدم بالضبط؟؟؟
أترياكم حبايبي
س
سفيرة فوق العاده
مشرفة سابقة
22-11-2005 | 10:26 AM
هلا يا قلبي
UAE_ Princess
بالنسبه لكونسيلر الألوان من ميك اب فور ايفر
بالنسبه للون الأخضر يستعمل للحبوب اللي في الوجه تغطا كاملاً بهاللون ومن ثم بدء وضع الأساس المستعمل
أما بالنسبه لسؤالك عن الهالات السودا تحت العين،،، عليك بإستعمال اللون الأفتح من لبشرتك بدرجه او درجتين،، من اللونين اللي على اليسار،،،ثم بدء وضع الكونسيلر بشكل كامل على منطقة العين ومن ثم بدء توزيع طبقات الأساس سواء كان ليكود وبودر او بودره فقط،،، على ان تكون هناك اكثر من طبقه على العين
أما بالنسبه للون المائل للبني فأتوقع انه للبشره السمراء
أتمنى أكون أفدتك غاليتي وسامحيني على المرور المتأخر
سفيرة فوق العاده
مشكووووووووووووووووووووووورة حبيبتي سفيرة :)
جزاج الللللله خير ما قصرتي
س
سفيرة فوق العاده
مشرفة سابقة
22-11-2005 | 10:31 AM
هلا يا عيوني،، أنتي تآمرين أمر
وجربي الطريقه واذا طلعت لك اي مشكله انا موجوده
سفيرة فوق العاده
قريت في أحد السيتات إنه لتغطية كاملة للهالات تحطين أول شي اللون البرتقالي على الجفن و بعدها البيج الغامق و بعدين الأفتح يعني تبدين البالته من النص و تكملين ليسارها..
و البني للشيدينج و البيج الفاتح ممكن لللايتنج مثل تصغير الأنف و توسيع الجبهة و غيرها من عيوب الوجه..
و الأخضر مثل ماقالت لج سفيرة للحبوب و الإحمرار...
مشكوووووووووووورة حبيبتي منتهى الأناقة....:)
بطبق اليوم الأشيا اللي قلتوها....
ما قصرتي وجزاج الله خير
فعلاً مثل ما قالت الأخت منتهى الإناقة ,, لتغطية الهالات وخصوصاً إذا كانت غامقة ,, تستخدمين اللون اللي بالوسط
ومن ثم اللون اللي يليه يساراً ومن ثم اللون اللي يليه ,,
حتى تكون تغطية الهالات تغطية كاملة ,,
لأنه لو إستخدمتِ اللون الفاتح مباشرة على الهالات ,, ستكون النتيجة رمادية ! ,,
ولذلك الأفضل هو التدرج في التغطية :) ,,
أتمنى إني أفدتج ,,
:) ,,
مشكووووووووووووورة حبيبتي مجد عالإفادة.....
جزاج الللله خير ما قصرتي :)
البنات ما قصروا :)
يعطيهم العافية
أنا عن نفسي ما أعرف له كلش و لا احب استخدمه لاني سمعت انج اذا استخدمتيه بكثرة يزيد الهالات و افضل الكونسيلرات اللي فيها كريمات علاجية مثل لا بريري و و لانكاستر و سيسلي و غيرهم
بس تقدرين تشوفين تفاصيل أكثر على الروابط التالية:
الرابط الأول
الرابط الثاني
الرابط الثالث
مشكووووووووووووووووورة الغالية Manary
وتسلمين فديتج على هالروابط....
تعبتج وياي
جزاج الله خير
حبيبتي Manary بتعبج وياي أشوف وايد يمدحون كونسيلر ايف سان لوران
والتوش ايكلا
فتنصحيني آخذهم؟؟؟
وشو طريقتهم لتغطية الهالات؟؟؟
يعني هل آخذ من الكونسيلر كذا درجة يعني غامقة وفاتحة؟؟ ونفس الشي للتوش ايكلا؟؟؟؟
وعند تطبيق الكونسيلر كيف أحطه ومتى؟؟؟؟
تعبتج وياي الغالية سامحينا :)
UAE_PRINCESS:
حبيبتي Manary بتعبج وياي أشوف وايد يمدحون كونسيلر ايف سان لوران
والتوش ايكلا
فتنصحيني آخذهم؟؟؟
وشو طريقتهم لتغطية الهالات؟؟؟
يعني هل آخذ من الكونسيلر كذا درجة يعني غامقة وفاتحة؟؟ ونفس الشي للتوش ايكلا؟؟؟؟
وعند تطبيق الكونسيلر كيف أحطه ومتى؟؟؟؟
تعبتج وياي الغالية سامحينا :)
هلا و غلااا :)
لا تعب و لا شي
أنا بالخدمة
والله انا يعجبني
مادري عن لونج
بس انا اخذ رقم 1 من الكونسيلر
و التوتش ايكلا رقم 2
احسه مناسب حق الكل
طريقته انج بعد ما تحطين الأساس
حطي الكونسيلر رقم 1 أو 2 لانه رقم 3 غامق وايد
و بعده حطي التوتش ايكلا علشان يثبته اكثر و يعطيج اضاءة
و ان شاء الله يعجبج
بس انصحج تجربينه عند البياعه قبل و تشوفينه شلون صاير عليج
مو تستعجلين و تاخذينه
و علشان الهالات في ماسك علاجي من لابريري و ثاني من شيسيدوو وايد نفعوني
مع شرب الماء بكثرة و الكريمات العلاجية اللي قبل النوم
ان شاء الله ينفعونج
تسلمين الغالية Manary واللله يجعله في ميزان حسناتج :)
طبعا البنات كفوا ووفوا
بس لا تهتمين بالتغطية كثر ما تهتمين بالعلاج.........
مشكورة حبيبتي عذب القوافي عالمرور....
طبعا العلاج قبل أي شي لأني طبيبة وأعرف هالشي بس هالاتي من النوع الوراثي صعب علاجها واستشرت أكبر دكاترة برا...
فتغطيتها في المناسبات مهمة