لا تبخلون بأفكاركم لفطامي

شوفي اشرايج تجيبين باقة ورد وتلفين الفلوس على ساق كل وردة
أو تجيبين الفلوس وتحطينهم بعلبة أو صندوق يكون لونه ذهبي وحولة ورد مجفف أحمر وتلفين بشبك ذهبي وتنثرين كرستال احمر على الشبك
أو تجيبين مجسم صغير على شكل بيت وتحطين الفلوس داخله
ولا اقولج اشرايج تعطيني اياهم (6)

بفكر وبخبرج.. :think:..يباله تفكير علشان تطلع بصورة حلوة

تقدرين توصين على هدية يسوونها خاص فيها مثلا عود وبخور ومعطرات للبيت بشكل لطيف في صندوق قديم وفيها في الوسط كيس اورغانزا مطرز وفيه المبلغ

بحيث انها تظل تذكر صندوقك وهديتك بعد ما تصرف الفلوس

انا اهديت امي في عيد الام شلال صغير جرة ويطلع منها ماي وفيها ورد مجفف والذهب خليت المحل يحط العلبة رغم انها كبيرة في نفس التنسيق وطلع شكلها مرة روعة

تقدرين تسوين نفس الفكرة يعني تحفة بسيطة للبيت بس تكون مميزة وفيها الفلوس في كيس او صندوق اصغر

الف شكر لكم
فيه افكار بعد ابي اشوف اغرب فكره

وين البقيه؟؟

شوفي هالفكره بالرابط
ممكن ترصين فيها شوكولاته وتعلقين كريستالات صغيره فيها وتحطين كيس بشكل ظرف من الاورقانزا وفيه حبلين أخرهم كرستال صغير وتحطين بوسطها الكرت والفلوس وتربطينه.. وتعلقينه من فوق

شو رايكم الف الفلوس بوسط سجادة صلاة مالت العود ..
طريقه حلوه او محد مب حلوه بالسجاده!! رايكم بليييييييييز

ما فهمت كيف يعني سجادة الصلاه للعود؟؟

وبالنسبه لكلمه تكتبينها.. أنا لقيت لك هذي العباره..

بكل مشاعر الحب والوفاء ..أخط لكم هذه السطور ..
رغم أن الكلمات تحتار أين تقف في مسرح الأحرف ..
لتنظم من نفسها أجمل العبارات ..لأهديها لكم ..
فمشاعري هي كلماتي المسطورة ..
وكلماتي هي دليل قلبي ..
وقلبي نبضاته تقول لكم ..

بارك الله لكم في داركم