احس بالوحدة تاكلني! .. ا

حبيبتي احس بمعاناتج مرت علي نفس ظروفج والله يكون بعونج ..
حاولي تقعدين معاها وتعرفين هي ليش تغيرت عليج
واذا في شي سويتيه زعلها وخلاها تغير معاملتها معاج..
ووسعي دائرة معارفج وصديقاتج او قريباتج طلعي
معاهم واعزميهم عندج بالبيت اشغلي وقتج بهواية تحبينها
او انتسبي لنادي او دورة تدريبية يعني اشغلي وقتج بأي
شي مفيد تحبينه ولا تخلين تعلقج الوحيد بزوجة اخوج ...

والله يرزقج الزوج الصالح والذرية الصالحه ياااااارب ....

مشكورة الاخت مناير على مرورج .. صدقيني والله يالسه احاول اشغل وقتي و الحمدلله عندي ربعي و بنات خالتي ..مو مقصرين معاي .. بس الي مضايقني انها قاعده معاي بالبيت و كل ما احاول انسه تصرفاتها ترد تعيدها .... و خاصه اني كل ما احاول افظفظ حق بنات خالتي يبطون جبدي و يسلون يدافعون عنها و يقولونلي بسج عقرة والله احس محد فاهمني يقولون يحبونها! انقهر يوم يقولون جذي!

فديتج والله


الله يعينج

ويعين الجمييع ان شالله ... بس يا بنات حد يقولي شنو الحل الانسب معاها؟. اتجاهلها و احقرها و انسى وجودها و لا تهمني ... ولا اتذكر حتى ايامها... ولا اهتم بالموضوع بطريقة غير مباشرة ... و ادور حل علشان ما اتعب نفسيا من هل سالفة..؟

لاني فعلا انسانة حساسه و ماحب حد ياخذ مني موقف او اعرف اني مكرهه عند احد

الله يخلييكم لا تهدوني! و افيدوني اب ارائكم

اختكم دلوعة باباتها

يا أختي حاولي انك تجلس معها بهدوء و تقولين لها عن سبب مقنع يخليها تغيرت معك و ادا في شئ ممكن تصلحيه بينكم حتى ترجعو مثل الأول لأنكم يجمعكم بيت واحد
ادا ما رديت تكلمك خلاص انت عملتي اللي عليكي و حاولي تتجاهليها بأنك تخرجي مع صديقاتك و ما يكونو من العائله عشان ما تحكون عنها ابد و تكون كلامك معهم شئ جديد يشغلك عن التفكير بالبيت و تصرفات زوجة أخوك. و أنا متأكده ستنسينها تماما . ادا سلمت عليك ردي السلام و لا تكثري الكلام معها كي لا تعطيها فرصه تعصبك مادامت هي غير طيبه معك فالأفضل تتجاهليها بحيت تملئ وقتك مع صديقه او ايه شئ فلا تحسين انك متجاهلاها و تحطينها بدماغك بالعكس انسيها في ناس افضل لك بهده الدنيا و ستجدينهم ان شاء الله

اشكركم يا اخوات على مروركم .. لكن احس محد يفهمني ... انا ماحب اشوه صورة احد عن احد ... هي مو عن م طيبة بالعكس تمتلك صفات حلوة مثل عدم العقرة و النميمة ... و عدم الفتنه .. و كتووومه حيل .. الي مضايقني صج هو ليش؟ ولي خلاني انفجر اكثر اليوم معامة اهلي لي .. فيها صكة ... حاكريني لا يخلوني اطلع بليل او حتى المغرب للعشة مع بنت خالتي لكبيرة .. وهي يخلونها تسوي الي تبيه .. يمكن تقولون مالج خص فيها هو صحيح هي حرة بس الي اقولها ليش يتفهمونها و يخلونها تروح و تيي و انا لا!!! على الاقل يقدرون حالتي النفسية الزفت بسبة الجلوس في هذا المنزل .. والله يا اخوات انا الي ماطييق اقعد بالدوام لحظة اقعد بالجامعة و اشتغل كل دقيقة و اطول بس علشان ما ارجع البيت .. اسحب كل رفيجة معاي بيتنه بعد الدوام و انبسط معهم .. بس يروحون احس اني ابي اصييح ... مضايقة ... زهقانه .. محد فاهمني!!! ولا حتى امي ... يمكن هي عذرها معاها بس ابي اتنفس شوي .. اليوم و بصراحة كرهت نفسي لحركة سويتها بس من القهر الي فييني!!! يوم مترضة اخوي و امي اني اطلع قمت و شبيت فيهم و يبت طاري زوجته مع اني اول مره اسويها ... ادري اني جرحته ابهل كلام قتله و انت ليش مخلي زوجتك مهدوده و ياي تحاكمني قام و شب علي و قالي مالج خص في زوجتي و امس طالعتني بكل غضب.. فعلا انا غلطانة و تصرفي طفولي ماكان لاه داعي اني اقارن لكن والله يا اخوات .. ماكانت في نيتي اني اقارن او ابي اسوي نفسها و اطلع متى ما ابي و ارجع متى ما ابي .. بس كنت ابي اوصلهم اني تعبانه نفسيا و زوجته ماتعيرني اي اهتمام .. ماعندي خوات ايلس معاهم لكن مافهموها ابها صورة .. احس بضيق والله كارها نفسي!!! تقولولني اكلمها. شلون و خلاص انا قاعده اكرها و ماقدر اسيطر على الحقد الي فيني .. احسها جافه ماعندها احساس و متراح تتفهم .. و علاقتنه عمرها ماكانت مبنية على الصراحة فقط على الاقل قعدات تونس ...

ماعرف شاسويي .. ساعدوووني احس خلاص نفسيتي وصلت حدها!!

محد حتى اهني يخفف علي؟

:smile:

مافي شئ يستاهل علشان تزعلين روحج .. عيشي حياتج
ومثل ما قالوا الاخوات تجاهليها ..ويمكن اذا شافتج جذي يمكن تحاول تكلمج

:D2 مادري ليش بعض البنات اذا يعرسون يغترون على شنو

يا حبيبتي المشكل انك تحطين نفسك بمقارنه معها و هدا الشي راح يتعبك كثير اولا هي متزوجه و مسأ له خروجها على راحتها لأنها متفاهمه مع زوجها و تارك لها الحريه . انا ارى الحل هو انك تتزوجين عن قريب:up: لكن الآن طبيعي انو اهلك يخافون عليكي من الطلعات بوقت متأخر او على كيفك . ادا ما تقدري تكلمين زوجه اخوك ممكن تكلمين امك لكن من غير ما تحطين زوجه اخوكي بالكلام يعني لا تقولين ليش هي و انا لا , و قولين انك الحبسه متعباك و تطلبين لها انها تسمحلك بالخروج و تتفاهمين معها على طلعاتك و تقولين اها مع من ستخرجين بحيث تتحسسيها بأن تكون مطمأنه عليك
لا أدري ادا كنت افهمك جيد لكن حبيبتي صعب احد يفهم الثاني ملئه بالمائه مادام لا يعيش الوضع نفسه لكن عموما المشاكل اللي تكون لك مع شخص و تحسين انو يتعبك نفسيا الحل الوحيد انك تلغي وجوده بحياتك و لا تعطيه اهميه مادام لا يعطي أهميه و لا تسألي لمادا انا بل حاولي انت تبحثي على حل بعيد عن هدا الشخص و تأكدي ان شافت شلتيها من دماغك راح تستغرب و ترجع لك

حبيبتي ماعليك منها

انتي شكلك ودك تروحين وتجين مثلها عشان كذا قاعدة تشيلين وتحطين بنفسك

عيشي حياتك طبيعي كأنها مو موجودة ليه تربطين مصيرك فيها وسعادتك معها

انت لك عمرك الخاص ولك صديقاتك الخاصات

مابقى بالدنيا غير مرت اخوك ؟؟

كلمي صديقاتك انبسطي معهم سيري علينا بالمنتدى هههههههه والله بتنبسطين ان شاء الله

والله يعينك ويطلعك من اللي انتي فيه

بالتوفيق حبيبتي

والله ماعرف ايش اقولك بس بدعي لك ان شالله
بس يمكن اوقات انتي تطلبيها تطلع معاكي اخوكي الي هو زواجها يقولها لاتطلعين اليوم

مشكووووورين اخواتي الحلوات عللا مروركم الي جد حسسني انه لي خوات .. احبكم و ماتقصرون ..
بس يا اخواتي انا حابه اوضح شغله يمكن ماوضحتها عدل من قبل ...

اخواتي .. انا ما اقران روحي فيها صدقوون و غرضي من اني اسال للطلعه مو لانها تطلع و احس اني انا بعد من حقي اطلع .. لا .. انا الحمدلله بيتنا محافظ و عودوني على انه لي وقت اطلع فيه و لي وقت ارجع فيه اليت و هذا في واضح و مفهوم و لا عمري تجاوزت حدودي من هل ناحية الحمدلله .. بس الي مضايقني اهي ... يا بنات تحسسنه انه احنا بكتيريا ماودها تعيش معانا .. اربعشرين ساعة طالعه ماودها تيلس معانا .. ماترد الا متاخر . شنو بيقولون الناس عنا ,, او عن اخوي بالاحرى .. توجب رفيجاتها على احسن وجه و انا .. حتى ماتيي تدق علي باب غرفتي تقولي شخبارج مع الدوام اليوم او من زمان ماشفتج .. تعبت يا بنات من القعده بروحي و تعبت نفسيا من ترفاتها .. اخوي صعبان علي اسمعهم الحين تحت يتناقشون امي و اخوي .. و اخوي عبالكم راضي عن تصرفاتها. لا والله مو راضي و كل ما يقولها خففي من طلعاتج مو حلوة يلسي مع اهلي شوي .. حسسيهم بوجودج .. تقول انا متعوده جذي .. با ينات في وحده متزوجه ماحس بلي تسويه؟؟؟ تى يهون عليها ريلها؟؟؟

اخااف توصل السالفه للطلاق والله يا بنات اعصابي تعبانه .. احس مو عارفه شاسوي .. ماودي الامور توصل لجذي في نفس الوقت منقره عليييها!!! قولولي لو انتوا ماكني بتحبونها ولا لا؟

السلام عليكم ورحمة الله وبركاته


أختي الكريمة (rدلوعة باباتها)

قريت مشكلتج وقريت باقي ردودج وراح أقول لج رايي، يمكن أصيب بكلامي ويمكن أخطي

لكن أتمنى وبإذن الله يكون في كلامي خير لج.

برايي المشكلة مو فيها اهي، المشكلة فيج أنتي! لا تزعلين بس هذا الواقع تدرين ليش؟

لأنج شايلة همها ويمكن بالنهاية هي ما تستاهل تشيلين همها ولا تستاهل تشغلين بالج فيها

عزيزتي في أمور كثيرة بالدنيا أهم من إنج تعورين قلبج مع وحدة ما تستاهل الإهتمام..

بتقولين هي كانت شي وبعد الزواج تغيرت، طيب وإذا تغيرت أنتي خسرانة شي؟؟

تغيرها هذا راح ينقص شي من عمرج ولا زيده؟؟ بالعربي ما راح تأثر إذا تغيرت ولا لا..

لا هي أول بنت في الدنيا ولا أخر بنت.. الشي الطيب إن عندج صديقات وبنات خالتج

يعني خليتي صديقاتج كلهم على صوب وشايلة هم مرت أخوج؟!! وأن تغيرت عليج،

يعني ما تعرفين حد غيرها؟!! أنا عندي مبدأ في حياتي أي إنسان أتعرف عليه وبعدها

يتغير علشان شغلة جديدة ولا سيارة جديدة ولا زواج ولا.... الخ فأنا أعتبر معدنه مو أصلي

لأن إللي معدنه أصلي لو شنو يصير ما يتغير على الناس وياما ناس تغيروا علي

وناس قرايبي والله الشاهد علي والأسباب مجهولة بس ما قعدت أضايق عمري

وأخرب على وناستي بالدنيا علشانهم، تغيروا لنفسهم أنا ما بروح أترجاهم علشان يبقون

مثل ما هم علشاني ، الحمدلله عندي إللي يعزني وعندي إللي مرت السنين ولا تغيروا علي

لأن معدنه أصلي لأنه ذهب مو فالصو.. أختي العزيزة مرت أخوج إذا بترجع مثل أول من نفسها

كان بها، ما تبي خليها عنج وأشغلي نفسج بأشياء تحبينها.. وتقربي لله عز وجل

بالصلاة والدعاء وقراءة القرآن.. أشغلي نفسج بالإهتمام بمظهرج ولبسج وبتجديد حياتج دايما

واتركي عنج مرت أخوي سوت ومرت أخوي قالت لأنها بالنهاية ما بتنفعج، أنتي أنفعي نفسج

وهي براحتها، تخرب حياتها ، تهدمها ، تبنيها .. هالشي راجع لها ولا تقولين اخوي كاسر خاطري

أخوج مو ياهل والمفروض له كلمته على زوجته ، لا تدخلين بينهم بطريقة مباشرة أو غير مباشرة

هي عندها أهل المفروض يعلمونها الصح من الغلط ويعلمونها كيف تعامل زوجها وهو أكيد

كبير ويعرف كيف يقّعد مرته بالبيت إذا يبي.. فلا تشيلين همهم وشيلي هم نفسج..

ومثل ما هي مطنشتج أنتي بعد طنشيها ، السلام لله ، سلمي عليها وبس

ودامج من البحرين أكيد تعرفين المثل إللي قول (الحقران يقطع المصران)

لا تضايقين عمرج وتزعلين على توافه الأمور لأن الدنيا فيها أمور أكبر من جذي الواحد يحزن عليها

واصلي صديقاتج وبالوقت إللي أنتي مو معاهم اشغلي نفسج بأمور كثيرة

عندج منتدى عروس مثلا، أشغلي نفسج بالمواضيع إللي تُطرح ... الخ..

وبقول لج شي :

الدنيا بكبرها تافهة وبتروح في لحظة.. فهل تظنين إنها تستحق إنج تحزنين عليها؟


الله يرحم أيام الصحابة رضوان الله عليهم والصحابيات، كانوا يحزنون على أمور عظيمة

على الجهاد ، على حفظ القرآن، على الجنة ونعيمها,,,, الخ..

والحين قمنا نحزن على أمور ما لها أي معنى.. فكري عدل أختي وراجعي نفسج هل

مرت أخوج تستاهل إللي تسوينه في نفسج علشانها؟؟


وبعدين تعالي، عيل تشتغلين بالجامعة... :)



لج أطيب تحية

مع همس القلوب ماقصرت..ورينا الابتسامه الحلوه وماعليك اللي يزعل يزعل واللي يرضى يرضى اهم شي انتي وراحتك يالغاليه

مشكورين خواتي ... و مشكورة اخت همس القلوب ... كلامج فيه شوي من الصح .. المفروض مانعيير شخص ميهتم فينا اي اهتمام ... و انا قاعده احاول اتجاهل وجودها .. و انشالله بحاول اتناساها كليا .. بس ساعات انقهر الحين انا مطنشة موضوعها ايون بنات خالتي يلسون يسالون عنها عندي و يقولون مثلا قلتي حق مرت اخوج اتي معانا المكان لفلاني .. قلتي اها تقعد معانه قلتي و قلتي .. اانا ادري ان نطقت بكلمة و قلت فكوني من سيرتها او ماعرف يقعون يقولوني انتي كله جذي عقاره و ماتحبين حد و مسكينة و هي طيبه و الى اخره .. والله تنبط جبدي حتى مايفكرون يسمعوني! بس يلا الحمدلله عندي ربعي و هم فديتهم يسمعوني .... انا قررت بس من يوم و رايح اذا فكرت تسلم علي بارد عليها السلام فقط لا غير بقطع علاقتي معاها بالمره لاني جد تعبانه نفسيا م عتندي و ضغوط و بحاول ابعد نفسي عنها و ارتاح من حركاتها و في نفس الوقت يمكن هي تفتك مني بعد .. هي الي بغت العلاقة توصل لها حد و صار الي تبييه

والله يالغاليه كلام الاخت همس القلوب مو زي ماقلتي فيه شئ من الصح لا اختي هو الصح كله


وانا بدوري ماراح ازيد على كلامها الابكلمه


من عافنا عفناه حتى لوكان غالي



تحياتي لك

عسى الله يرده بالسلامة ويخليه لكم يارب

صح كلامكم يا اخوات ...:) انا بس كنت اجد الصعوبه في التلقلم على الكلام الي قلتولي اياه ... و ليحين احس صعب تتجاهل انسان و كل ماتبي تنسه عنه تشوفه قدامك ... يسوي حركات تقهرك ولا يحسسك بقيمتك .. لكنن انا معاكم و مع الكلام الي قلتيه اخت همس القلووب ... ماراح اخلي هل شي يأثر علي...

هي كيففها .. تصدقون صرا حتى لما اشوفها اسوي مثلها ماسلم عليها حتى .. و هي عادي ماتسلم صج الزضع الي بينه كريه لكن يريحني اني انا بعد ابي اوصلها شعوري اني مو قاطه عمري عليها ومثل ماهي تغيرت علي انا بعد بتغير ... لدرجة اول امس قعدت اصيح مالقيت حد اشكيله عن شعوري بلملل الا لاخت مرت اخوي لوول تخيلوا!! انا اخت مرت اخوي اموووووووووووت عليها .. عكس اختها تمتما .. حبوبه تسولف طيبوه واصله .. بس فديتها متغربه مع ريلها في اورابا و قتلها عن كل الي قي قلبي قالت ادري انه هذا طبعها و استحمليها و هي مافي قلبها شي بس هذا طبعها و انا كنت صريحة معاها قتلها طبع عن طبع يقرف .. وانا ماتقبل هل شي .. فديهت والله شايله همي و قعدت تسولف معاي و نستني اني مضايقه ... ساعات احس احتاج افظظ شوي حتى انسه الضيف شوي و يخف علي!!

مادري تتوقعون الي سويته صح ولا غلط .. يهمني رايكم

السلام عليكم...اختي الغاليه احب اقول لك ان احتمال اخت مرة اخوك تنقل الكلام لها وبصراحه هذي فرصه لج انك تعيدين بناء العلاقه من جديد مع مرة اخوج روحي السوق واشتري هديه حق مرة اخوج (((تهادوا تحابوا))) وخبريها انج بتيين عندها بالغرفه او شقتها و اخذي معاج شاي و مكسرات و قعدي عندها وسألي عن احوالها واخبارها و عطيها الهديه و بنفس الوقت صارحيها قولي لها انج متضايقه انها صارت بعيده عنك مو مثل اول وانك تموتين عليها والدليل انج متضايقه بسبب سوء التفاهم بينكم وقولي لها انج فاهمه ان مسؤلياتها كثرت عقب الزواج وانها مب فاضيه لج بس انتي منو عندج غيرها وغير امك عسى الله يحفظها لج يارب وخبريها انج من الضيقه سولفتي مع اختها وخبرتيها عن اللي مضايقك وقولي لها إذا اهي زعلانه منج بشي او مضايقها تصرفاتج تخبرك وما تكتم بنفسها لان الدنيا ما تسوى (((واعترفي بغلطك على اللي قلتيه جدام اخوك ترى كنتي غلطانه انتي مالج خص فيهم ))9الله يوفقك حبيبتي