السلام عليكم ورحمة الله
اعتذر على انقطاعي عنكم الفترة الأخيرة لكني كنت امر في ظرف طارئ ومتعب ..:(
بنات ابغى استشيركم واخذ من خبرتكم لأني مثل ما انتوا عارفين هذا أول حمل لي ولا عندي خبرة
انا الآن بثاني أسبوع من الشهر الثاني ويوم الأربعاء الي فات صحيت من النوم لقيت ( أكرمكم الله ) نازل علي دم شي بسيط جدا عبارة عن نقط لونها غامق جداً ودم ثقيل نوعاً ما لكن ماحسيت لا بمغص ولا بألم بالظهر الحمد لله ..
ما اخبي عليكم صرت مرعوبة وخايفة ماعرفت شلون اتصرف لأنه اول مره مثل ماقلت حتى ماقدرت اكمل نومي والمشكلة اني لحالي بالبيت وزوجي بالدوام ..بعدها صليت واستخرت ربي وكلمته يجي وجاني مفزوع ومايدري وش يسوي :(
المهم اخذت موعد ورحت للدكتورة وقالت لي طبيعي وفيه ناس يصير معاهم كذا وطمنتني وكتبت لي على مثبت للحمل ( duphaston ) وقالت لي اخذه مرتين باليوم واستمر على الفوليك واستخدم غسول مطهر للمنطقة مرتين باليوم ونصحتني طبعاً بالراحة وقالت لي ماراح اسوي لك اشعة لأن نبض الجنين مايبان الا بالأسبوع الثامن واخذت موعد بعد اسبوعين للألترا ساوند علشان تكشف لي على نبض الجنين
لما رجعت البيت استخرت وصليت ركعتين لله وقلت اذا فيه خير ربي يثبته لي ويتمم علي حملي إن شاء الله ووكلت امري إلى الله عزوجل وسبحان الله حسيت براحة نفسية غريبة من بعدها
اليوم خامس يوم ولا يزال الدم ينزل .. وامس كان زايد علي حبتين بس لايزال نفس اللون ونفس الكثافة مع اني ملتزمة الراحة مرة .. بس مايعتبر كثير مثل الدورة
سؤالي هل هالدم طبيعي ؟ وش ممكن يكون السبب ؟ وهل سبق ومرت وحدة منكم فيه من قبل ؟
والشيء الثاني انا قريت بنشرة المثبت انه ممكن يتسبب في زيادة الدم فهل ممكن يكون هو السبب ؟ وابغى اعرف إلى متى بيستمر معي ؟ يعني كم يوم بالعادة ؟ ولا بيستمر إلى نهاية الثالث ؟
الله يجزاكم خير طمنوني وردوا علي وارجوا منكم الدعاء لي من قلوبكم
بأنتظار ردودكم بفارغ الصبر
نزول الدم أثناء الحمل .. أرجوا منكم المساعدة
ع
20-11-2005 | 03:24 PM
أ
20-11-2005 | 04:36 PM
أختي علياء ...........أنا شخصيا هذا ثالث حمل ليه و كل حمل ينزل لي دم ........وفي حملي بالتوأم يا كثر ما نزل دم لدرجه كنت في الرابع و قلت مستحيل هل كثر أكيد أنا مب حامل هذي دوره بس علشان ترتاحين شوي أقول لك لما كنت في المستشفى قالوا ليه الدم البني أفضل من الأحمر لأنه البني يعتبر مثل الوسخ الله يعزك بس يلزمك راحه تامه و شيكي على المشيمه لأنه نزول المشيمه في الحمل يسبب نزول الدم بالنسبه لي كانت المشيمه نازله ..........وفي هذا الحمل ليه الحين أنا في شهري و أقول لك كنت أنزف بس الحمدلله اللي ثبت الحمل وكنت أخذ أبار للتثبيت مره في الأسبوع بي أبرتين مع بعض و عطتني بعد أسبرين للأطفال و قالت لي أخذ الأسبرين لين أخر الثامن و أنا وقفته من فتره بس يا أختي أهم شي الراحه التامه و عدم الحركه.......وبالنسبه لديفستون اللي كتبته لك دواء معروف و لا تخافين منه لين ما تروحين تشوفين نبض الجنين .....وبشرينا عنك بكل خير أن شاء الله ..والله يخلي لك البيبي
ف
20-11-2005 | 11:10 PM
هلا حبيبتي عليـــــاء
ما تشوفين شر و الف سلامة عليكِ
حبيبتي دام الدم بني فهذا دم قديم و شي طبيعي ينزل
المهم ما يكون الدم فاقع و مؤلم
بما انك تاخذي مثبتات للحمل ممكن يكون سبب نزول قطرات من الدم يوميا
ان شاء الله خير يا رب
ما تشوفين شر و الف سلامة عليكِ
حبيبتي دام الدم بني فهذا دم قديم و شي طبيعي ينزل
المهم ما يكون الدم فاقع و مؤلم
بما انك تاخذي مثبتات للحمل ممكن يكون سبب نزول قطرات من الدم يوميا
ان شاء الله خير يا رب
ج
21-11-2005 | 01:16 AM
انشالله ماتشوفين شر وانا ما عندي خبرة بالموضوع بس اعتقد انك لازم ترتاحين زييييين خاصة اذا المشيمة عندك نازلة لنه كم وحدة يقربون لي على طول المشيمة تنزل عندهم و سقطوا 2 و3 وما ثبت حملهم الا لما شددوا على انفسهم وصاروا ما يتحركون الا للضرورة ما ابي اخوفك اختي بس لازم تنتبهين لنفسك انتي بالشهر الثاني
ح
21-11-2005 | 02:26 AM
مرحبا اختي ، الله يثبت حملج ان شاءالله ، نزل معاي دم لما كنت في الثالث ، بس كانت نقطه وقالولي عادي يمكن من التعب ، ونصيحتي ، وقفوا الجماع ، وارتاحي ، وبالنسبه للون الدم ، انا نزل علي اول مره بني ، وفي السابع نزل احمر ، وقالولي الاحمر اهون من البني ، بس الحوامل يقولون العكس..
انتي شوفي دكتور ثاني افضل ..
انتي شوفي دكتور ثاني افضل ..
غ
21-11-2005 | 05:16 AM
هلا اختي
انا بعد مثلك اول حمل .......وصارلي على نص الشهر الثاني انه نزل دم بسيط ......ورحت للدكتوره قالت لي الجنين عندك نازل وكان احتمال اجهاض بس الحمدالله ........قالت لي ارتاحي والعلاقه الزوجيه تتوقف واعطتني نفس حبوبك مرتين باليوم ..........وحتى منعتني من السفر انا كنت ناويه اروح المدينه اللي انا ساكنه فيها منعتني وقالت لي اراجعها بعد اسبوعين وللحين ماخلصت الاسبوعين .......
بالتوفيق يالغاليه
تحياتي لك
انا بعد مثلك اول حمل .......وصارلي على نص الشهر الثاني انه نزل دم بسيط ......ورحت للدكتوره قالت لي الجنين عندك نازل وكان احتمال اجهاض بس الحمدالله ........قالت لي ارتاحي والعلاقه الزوجيه تتوقف واعطتني نفس حبوبك مرتين باليوم ..........وحتى منعتني من السفر انا كنت ناويه اروح المدينه اللي انا ساكنه فيها منعتني وقالت لي اراجعها بعد اسبوعين وللحين ماخلصت الاسبوعين .......
بالتوفيق يالغاليه
تحياتي لك
a
21-11-2005 | 11:54 AM
الله يثبت حملنا
ع
21-11-2005 | 04:44 PM
الله يجزاكم جميعاً ألف خير على ردودكم واشكركم كلكم طمنتوني الله يطمنكم إن شاء الله
أنا الآن صار لي 6 ايام على هالحال واليوم احس الدم زايد علي وصاير لونه احمر واحس بمغص خفيف وألم بظهري بس يروح ويجي على اني مرتاحة تمام بالبيت ولا اسوي اي مجهود حتى اني مليت من كثر ما انا رافعة رجولي بس الله يستر ...
يابنات انا قريت مره عن خلطة بالنشا تستخدم لتثبيت الحمل جربتها وحدة وتمدحها بس المشكلة ما اتذكر وين قريتها ياريت الي تعرفها تقولي عليها .. وفيه ناس قالوا لي اكثر من اكل الخس لأنه يوقف الدم بس ماشفت فرق يمكن لأني ما استمريت عليه لأنهم يقولون لازم يومياً لحد ما ينقطع الدم !؟
دعواتكم لي :(:(
أنا الآن صار لي 6 ايام على هالحال واليوم احس الدم زايد علي وصاير لونه احمر واحس بمغص خفيف وألم بظهري بس يروح ويجي على اني مرتاحة تمام بالبيت ولا اسوي اي مجهود حتى اني مليت من كثر ما انا رافعة رجولي بس الله يستر ...
يابنات انا قريت مره عن خلطة بالنشا تستخدم لتثبيت الحمل جربتها وحدة وتمدحها بس المشكلة ما اتذكر وين قريتها ياريت الي تعرفها تقولي عليها .. وفيه ناس قالوا لي اكثر من اكل الخس لأنه يوقف الدم بس ماشفت فرق يمكن لأني ما استمريت عليه لأنهم يقولون لازم يومياً لحد ما ينقطع الدم !؟
دعواتكم لي :(:(
F
21-11-2005 | 04:58 PM
في دواء تلقينه عند العطار... يسمى ( بريهو)
انا ارتحت عليه.. في ولدي الاول نزل علي دم.. مايل للبني.. في نفس فترتج..اسبوعين من الثاني..
عطتني الدكتورة ابرة تثبيت.. + حبوب تثبيت لمدة يومين.. وقالت لي ارتاح..
والحمدلله وهذي خبرتي في الموضوع..
انا ارتحت عليه.. في ولدي الاول نزل علي دم.. مايل للبني.. في نفس فترتج..اسبوعين من الثاني..
عطتني الدكتورة ابرة تثبيت.. + حبوب تثبيت لمدة يومين.. وقالت لي ارتاح..
والحمدلله وهذي خبرتي في الموضوع..