السلام عليكم خواتي.... هذي اول مشاركة لي فالمنتدى.... و اتمنى انكم تردون علي...
انا معرسة من سنتين و اربع شهور.. و للحين ما حملت... رحت حق دكتورة و قالت لي ان عندي تكيس المبايض.. و قالت لي اني لازم اخذ الكلوميد و راقبت الاباضة عندي والحمدلله صارت عندي بويضة وانفجرت بروحها بدون ابر.... و زوجي فحص و طلعت عنده مشكلة اللزوجة العالية في السائل المنوي.. و قالوله ان المشكلة وايد بسيطة و ان علاجة بدوا مال البلغم يقوم بتقليل لزوجة السائل المنوي.... ما بطول عليكم و بدخل في الموضوع على طول... انا الدورة متأخرة علي صارلها 10 ايام... وسويت اختبار منزلي والنتيجة كانت مو حامل بس قالولي انه النتيجة يمكن اتكون مب صحيحة لاني اخذ كلوميد... فرحت اول امس و سويت تحليل دم والنتيجة نفس الشي.... بس احس انه صدري يعورني و طالعلي على الحلمة حبة مثل الحبة الصغيرة... و بطني يعورني عوار الدورة من كم يوم.... مع العلم انا في اليوم اللي كان المفروض ان الدورة اتييني نزل علي خط وردي فاااااتح... و ثاني يوم نزلت علي قطرة دم و بعدين راحت... وانا الدورة عندي منتظمة... ما ادري شو السالفة... كلهم يقولون يمكن اتكونين حامل و خالتي قالتلي انها في حملة من حملاتها ما بين حملها حتى في تحليل الدم... سوري طولت عليكم... وكلامي مب مرتب بس اللي في بالي طلعته بدون ما افكر... ما ابا اتعلق بأمل و انصدم و نفس الشي ريلي دايما يقولي بتنزل... و زاد عندنا هالشعور بعد نتيجة تحليل الدم... ادعولي والله ان شاء الله يرزقكم اللي تتمنونه
ما ادري شو السالفة
b
20-11-2005 | 12:05 AM
د
20-11-2005 | 12:20 AM
حبيبتي ..اتمنى من كل قلبي انج تكونين حامل واذا مب هالمرة ان شاء الله المرة الجاية وادعيلج ان الله يرزقج بالذرية الصالحة يارب ..
وبالنسبة لتاخر الدورة عندج ..
حبيبتي روحي مستشفى احسن وسوي تحليل ...لان اختبارات الحمل المنزليه ساعات تخطي ويمكن تكونين اول الحمل يعني لين الحين ما يبين ....
اتمنى ان النتيجة ايجابية المهم انتي روحي وسوي تحليل مخبري بالدم وبشريني عنج
انتظر ردج بالنتيجة
وبالنسبة لتاخر الدورة عندج ..
حبيبتي روحي مستشفى احسن وسوي تحليل ...لان اختبارات الحمل المنزليه ساعات تخطي ويمكن تكونين اول الحمل يعني لين الحين ما يبين ....
اتمنى ان النتيجة ايجابية المهم انتي روحي وسوي تحليل مخبري بالدم وبشريني عنج
انتظر ردج بالنتيجة
b
20-11-2005 | 12:24 AM
مشكورة الغالية... انا رحت قبل امس النيو ميديكال سنتر و سويت تحليل دم و النتيجة NEGATIVE
د
20-11-2005 | 12:28 AM
معليش اختي ان شاء الله خيرها بالمرة الجايه ..الله يدري شنهو الوقت المناسب للحمل صدقيني ...والله يرزقج بالذرية الصالحة
b
20-11-2005 | 12:50 AM
مشكورة و الله يسهل عليج انت ان شاء... انا م}منة بهالشي.. والله ما يكتب شي الا و فيه الخير... و انا راضية بكتبة الله
أ
20-11-2005 | 01:43 AM
تفائلي خير ان شاء الله و روحي للدكتوره ناديه في دار الشفاء وهي بتعطيك حبوب اذا كانت دوره بتنزل ة اذا كان حمل بيثبته وهي شاطره بتابع معاك الحاله و بالنسبه لزوجك هناك د.عماد في نفس المستشفى ممكن يتابع معاه و الله كريم ياأختي و يرزقك أنت وكل اللي يتمنى
ر
20-11-2005 | 12:06 PM
حبيت أدعيلج و كل البنات بالذرية الصالحة
b
20-11-2005 | 05:25 PM
مشكورين خواتي و الله يجزيكم عني كل خير... انا الحين اتابع مع دكتورة في عيادة ادنوك مدحولي ايها... و ان شاء الله على ايدها ايي الخير... و اختي ام عيون وساع خلتي قالت لي عن نفس الحبة اللي قلتيلي عنها و انا ان شاء الله بروح حق دكتورتي و بخبرها عن اللي فيني... مشكورين و ما تقصرون
s
20-11-2005 | 05:31 PM
انشاء الله يا رب تكونين حامل ،،، انتظري شوية ...ولا تيأسين اذا مو هالشهر باذن الله الشهر الياي
ا
20-11-2005 | 05:34 PM
هلا الغاليه..
حبيبتي انا بحملي ببنتي العنود كل مااسوي تحليل يظهرلي سالب او خط واحد لين نص الشهر الثاني..فظهر بعدها اني حامل..والسبب انه هرمون الحمل عندي ضعيف عشان جي يظهر سالب او خط واحد اتريي اشوي..
وان شاء الله ان شاءالله بتكونين حامل باذن الله..
ان شاء الله خير..
حبيبتي انا بحملي ببنتي العنود كل مااسوي تحليل يظهرلي سالب او خط واحد لين نص الشهر الثاني..فظهر بعدها اني حامل..والسبب انه هرمون الحمل عندي ضعيف عشان جي يظهر سالب او خط واحد اتريي اشوي..
وان شاء الله ان شاءالله بتكونين حامل باذن الله..
ان شاء الله خير..
b
21-11-2005 | 01:37 PM
شكرا على الرد والاهتمام... وانا اتمنى لكم اللي تمنيتوه لي... و الله يخليكم ويسلمكم لي:smile: