بعد التطعيـــــــــــــم.. حد يقولي حار وحد يقولي بارد؟؟

كمّادات دافية
هذا اللي توصينا به الممرضة عقب ما ناخذ حمودي للتطعيم
وانا استغرب من الكمادات الباردة ... ولاحد قالنا عنها ويمكن الممرضات عندنا في بوظبي يجهلون هالشيء
ياليت احد يفيدنا اذا يعرف شو الاحسن
تحيتي .. بو محمد

أنا بالنسبه لي ادهن مكان التطعيم بفكس مباشره

واعطيه خافض حراره (Tempra)على شكل نقط للأطفال

والحمدالله تكون الحراره بسيطه ماهي قويه عليه بعد التطعيم

تحياتي 00

بالنسبة لتجربتي ويا عيالي الله يحفظهم إني مباشرة من أجي من المستشفى أحط لهم فكس
وعقب فترة أسوي كمادات ساخنة بس مو بالماي أحط الكمادات على الفحم أو المكوي وهي ساخنة وأبدأ أدفي


بصراحة ماشاء الله لا ألم ولا سهر


بس الغالب والأغرب إن الطبيبات يقولون حطي شي بارد وبصراحة أنا أسوي طريقتي اللي أشوفها نافعة

السلام عليكم و رحمة الله و بركاته

كمادات دافية أختي على مكان التطعيم...ليش ؟

علشان الدفء يساعد الدم على إنه يجري في الأوعية...و ينقل التطعيم لداخل الجسم...و ما يحصل إنتفاخ للدم في المكان...

و ممكن اللي قال لك كمادات باردة...قصده تضعيها على جبهة الطفل لو سخن لا سمح الله...

لا هم يعطوني كيس فيه ماي ازرق مثلج يقولولي حطيه على ريوله مكان التطعيم

هلا الغاليه..

حطي فكس او كمادات حاره هب بارده...وماعليه الا العافيه..

وان شاء الله خير ..

ماعندي خبره والله

اهئ اهئ

بس الاخوات ماقصروا

السموحه

يوم ااطعم بنتي..... ادول بعد التطعيم بنص ساعه
وكمادات ماي دافيه على مكان الابره...ولما ترتفع الحراره احطي هم كمادات دافيه مش بارده مثلجه ...يعني درجه الحراره تكون معتدله...
الله يعافيه و يحفظه يااارب

عليج بالادول عقب التطعيم على طول...نص مل كفايه ...وبس

alfajer _alb3ed

انا عطوني الادول وقالولي عطيه 5 مل بس انا اعطيه 3مل

والحمدلله مافي حرارة .. بس ريوله منتفخه مكان الابره....................... :pain:

السلام عليكم

اخواتي هذي بعض التعليمات عن تطعيم الطفل من موقع صحه الطبي

تجنبي إطعام الطفل نصف ساعة بعد إعطاءه لشلل الأطفال . غالبا ما يصاحب تطعيم الثلاثي حرارة ترتفع حتى (39 درجة) لمدة يوم أو يومين: استخدمي دواء خافض للحرارة وزيدي كمية السوائل وخففي الملابس وبردي الغرفة .
قد يصاحب الثلاثي والثنائي والبنمو ألم بالساق شديد يمنع الطفل من المشي يوم أو يومين : لا تقلقي ، ضعي كمادة باردة على موضع التطعيم .
أحيانا يصاحب تطعيم الحصبة وجدري الماء طفح أحمر صغير عابر على الجسم .
كثيرا ما يصاحب التطعيم ألم موضعي لمدة يومين استخدمي الكمادات الباردة .
يتبع تطعيم الدرن بعد شهر تقريبا قيح قد يستمر لعدة أسابيع: نظفي بالماء المعقم وغطيه بضمادة ناشفة دون أي دواء مطهر. وسيترك أثرا دائما (ندبة) .
قد يترك التطعيم ورما موضعيا صغيرا لعدة أسابيع: لا تقلقي وسيختفي بعد ذلك .

والله حبيبتي موون ما عرفنا لهم الأطباء أحد يقول بارد وأحد يقول حار
بس أنا أعتقد ان هاي فروقات فردية من طفل لآخر ولازم على الأم تلاحظ شو يناسب ولدها عشان
تتبعه في المرات الجاية ....

ماشي الا نسوي قرعه ...

حار... بارد.... حار.... بارد

والضحية اليهال ... فديته ريل وارمه وريل طبيعيه :cry:

[align=right]هلا اختي ...

من تجربه وسؤال الي عندهم خبره ...

اول ما يطعم البيبي سوي تدليك بسيط لمنطقة الابره واستخدمي كمادات ماي دافيء ...

بس اذا مر يوم علي التطعيم والمكان بعده وارم استخدمي كمادات بارده ...

هاذا كانت نصيحة الدكتور حقي ... واتبعتها والحمدلله ما في مره ولدي تاذا من التطعيم ...

وعليج بالادول بعد نص ساعه من التطعيم ...

وما يشوف شر وليدج ...

تسلمين ...

الله يستر انا بكرة موعد تطعيم بنتي الاول
ونصحوني بالثلج والله يسهل

مرحبا..

صدق ما عندي خبرة..ما عندي عيال..إن شاء الله بعد 20 يوم زواجي..وإن شاء الله الله يرزقني بالذرية الصالة..

أنا سألت أخوي..هو دكتور..أطفال..


قال أحسن شي الكمادات الساخنه..

ومسكن الحراره بالنوع اللي يوصفه الدكتور لأن في أدوية تأثر على الدم..بالنسبة للأطفال المصابين بفقر الدم المنجلي...


وأخطر شي..



الفكس....


لأنه يمنع المصل إنه ياخذ مفعوله..

ويأثر على الأطفال اللي عندهم نقص الخميرة..أو الـ G6BD

طبعاً هالمرض منتشر عندنا بالشرقية بشكل كبير..


والشرقية سجلت أعلى معدل السنتين اللي قبل..في الإصابة بالفقر الدم المنجلي أو نقص الخميرة..



وهذي المعلومات أكيده...


لأنها من أخوي الغالي...




في أمان الله..

انا في البداية كنت استخدم الماء البارد المثلج بس شفت ان مافي فايدة وان اضل ريوله منتفخة فالحين مع بنتي جربت الماء الدافئ والحمدلله كانت النتيجة حلوة

وانا قالولي حطي كمادات باااااااااااردة وبعد كم ساعة دافية

والله احترت كل طبيب يتفلسف والضحية عيالنا

على العموم انا بعد كل تطعيم اعطية فورا خافض حرارة كالبول او ادول