بنااااات ... والله انا فورطه مع الرومنسيه .. والزوجه الاولى .. ساعدوني

السلام علييكم
ههههههههههههههههههههههههههه ضحكتيني صراحة! .. اولا مبروووك اختي الف مبروووك والله يهنييكم انشالله و ثانيا .. اهم شي انج ملاحظة انه اسلوبج مو رومانسي معاه و تبين تغيرين .. شوفي ولو اني ماعرف افهم لوول ولا اعرف اوص المعلموه الي عندي بشكل واضح بس انتي حاولي تغيرين من اسلوبج مثلا .. اذا كنت من نوع الي ينهد يوم يسولف و يقعد يهذر بطريقة مافيها رقة ) جنه واحد من الشباب يالس يرمس حد من الشباب) اول شي حاولي تسوينها خففي .. يعني خليه هو الي كله يفتح المواضيع مو انتي و حاولي تجاوبيني على قد السؤال بدلع .. مثلا ضحكة خفيفه لو قال شي يضحك سكتي و يوم يقولج ليش قوليلي مثلا بدلع مادري و ضحكي .. تدلعي عليه .. هممم يوم مثلا تلاقينه يسولف رقيقي صوتج حاولي تخلينه ناعم .. خليه هو الي يبادر بالكلام ...

مم ماعرف بعد شو اقول اكثر!! بس يعني ااذا تبين تقربينه منج .. دايما حاولي تحسسينه انه هو اقرب انشا لج و انج تحتاجينه دوم فظفظيله عن كلشي بخاطرج ..سولفيه عن مشاعرج شتحسين .. مثلا اشتقتيله قوليله اشتقتلك! يوم اسمع صوتك ارتاح! انت الشخص الوحيد الي وجوده عندي بالدنيا كلها! هممم دوم حاولي تعودينه على طلعة جذي رومانسية مره بالسبوع .. يا غدة او عشة .. او حتى يزوركم؟؟ حاولي تسوينله جوو .. يبيله هداية
فاجئيه فيها .. مثلا يوم اتيي مناسبة عيد الحب اشتريله شي حلو و كتبي مثلا كلمات حلوة على الكارد مثل .. كل سنة و انت الحب ... مثلا يوم كل مره بالشهر يبيله هدية اهتمي فييه ... دوم بادري بالكلام الحلو ... مم ماعرف بعد لووول المصيبه انه لاني مخطوبه و لا شي من جذي ماقدر اساعدج كفايه انشالله الاخوات البقايه بيكفون ويوفن .. و اتمنالج التوفيق

تسلمييييين حبيبتي دلووووعه على الرررد ... اصلا من اسمج ماشاء الله باااين عليج تعرفين >>>قلبت بحريني
والله حبيبتي ماقصرتي مشكوووره وهاذي بنت جيرانا مبسوطه جنبي تبي تطيررر من الفرحه تقول الله يجبر بخاطرهااا ...خوذي ردها

المشكله دلوعه فالتنفيذ .. البلا كله ...ههههههه ... اما بالنسبه لكلامك اني اهذر >>>والله انك صادقه اسولوووف الين يصك وماش ماهنا حبيبي ماحبيبي ماعندي واشتاق ماشتاق .. مولأني مابي لكن

مااعرف ا وحس حالي غبيه لا قلتله كذاااا :sad:
لكن فالنهااايه حبيبتي مشكووووره على الرررد واكيد بحاااول انشاء الله الي قلتيلي
الله يزوووجك يااارب ويرزقك باللي يجي على ماتهوييين وتمنييين ....اميييين
اللي يبي دعووووه بعد يررررد علي ...طمااعه :cool2:

كم عمرك يالغاليه ؟؟؟؟

ماادري عن ظروفك بس دامك صغيره وش اللي جابرك بالزواج من متزوج ؟

وكم الفرق بالعمر بينك وبين زوجك ؟؟؟؟


بس اللي اشوفه انك مبسوطه بهالزواج بس عاده العروس لما تكون صغيره ماتفكر بشئ غير الفستان والرومانسيه ......وتنسى ان الزواج مسؤليه وفنفس حالتك يبغالك يكون عندك حسن تصرف


ادري اني خرجت عالموضوع بس شدني هالشئ قبل مشكلتك


وبالنسبه لمشكلتك عاااااااااااادي احس اغلب البنات خاصه اذا كان مالهم تجارب يعانون من نفس المشكله لكن مع الايام بتتعودين .........ان شاء الله ..... خاصه ان سنك صغير ....



وبعد ابغى اقولك شئ صح مو حلو انك تكوني مدلعه .......لكن الابشع انك تتصنعي لاتحاولي تكوني غير انت ........كذا يصير احلى .......وصدقيني بدري على الدلع الدلع مايجي الابعد الحب وانت توك بالبدايه ماحبيتيه اكيد للحين ......مشاعرك معه بس مشاعر اعجاب

..اهم شئ لاتقلقي وفكري باللي قلت لك عليه اول كلامي

تحياتي لك

مثلا : يوم تبين تكحين او تعطسين .. قوليله لحظه شوي بكح .. او لحظه شوي بعطس

يعني ومثل ما قالت ربيعتنا نعمي صوتج .. خاصه يوم تقولين الووه ..

مبرووووووووووك

بس عندي نصيحه وحده

اهتمي بالصوت بنبرته

اهم شيء صوتك يكون ناعم ورقيق وخففي من حدته

وان شاء الله البنات مابيقصرون بالنصايح

يعطيك العافيه حبيبتي غصن الرند ... ومشكووررره على الرد .. اما بالنسبه لمسألة زواجي ادري انك جزعة فيني والله حبيبتي ادري
لكن هذا النصيب وزوجي مررره طيب وحبوووب ويحبني مرررره ويموووت علي لكن المشكله في الزوجه الاولى انه يراعي مشاعرها بشده لانها اكبر منه ... وحنا مانملك اقدارنا بيدنا هذا النصيب والحمدلله ..
اما بالنسبه لمسألة اني مالحقت احبه ..في ناس مانستغرق اقل من اسبوع ونحبهم بشده فمابالك بأكثر
كعموووم دعواتك لي حبيبتي
الله يوفقك ويجزاااك خيررر ....امين
ومشكوووره مررره ثانيه لاهتمااامك

بنت جميراااا مشكوووره حبيبتي مررره ...
تدرين ماكنت اعرررف .. من اول اكح واعطس بوجهه ..هههههههههه:shy:
هيا عاد اتركي عنك الطنازه
كعموووم مشكوره حبيبتي لمشاركتك بموضوعي .. ولووووو

اسرره القلوووب .. ومن اسمك اسرتي قلبي بذوقك ورقتك ..
مشكوووره حبيبتي .. و لكن المهم التنفيذ ...ماقصررتي

اعتذر حبيبتي باخرج عن الموضوع معقوله زوجته الاولااانيه اكبر منه بعشرين سنه :eek2:

المهم ارد على موضوع الدلع موب لااازم الدلع يكون بس بالحجي تقدرين تتدلعين بلبسج بمشيتج بحركاااتج بنظرة عيونج وجذيييه وبعدين صدقيني ترى الرجل يحب زوجته في بدااايه زواجهم او خطوبتهم تكون تستحي

السلام عليكم ورحمة الله وبركاتة
عزيزتى الغالية لماذا الزواج من رجل متجوز يعنى انت بتهدمى اسرة اولا وانا اسفة جدا انى اقول لك ذلك من فضلك فكرى كويس قبل الارتباط لانك ممكن تكونى فيما بعد الزوجة رقم 2 دى حاجة الحاجة التانية انا بنت واحدة مع اربع صبيان لكن الحمد الله الحياة بتعلمك ازى تكونى رومانسية والحمد الله انا متجوزة من 14 سنه والحمد الله كلى رومانسية الرومانسية بتجى مع المواقف حبيبتى فكرى كويس قبل ما ترتبطى بذلك الشخص طمنى عنك وعن السبب اللى يخليكى تاخدى رجل متجوز وانت مازلتى صغيرة

مبروووووووووووك
لا تحملي هم صدقيني هدا شي فطري الانوثه اللي جواك اكيد بتتفجر تلقائيا:o

السلام عليكم


أختي الظاهر انج صغيرونة في السن

انصحك بالهدوء و محاولة نسيان وجود الزوجة الأولى و اتقي فيها

ليس لها ذنب انها تكبرة بعشرين سنه - الله أعلم بظروف زواجهم و لا تحاولي أبدا تبعديه عنها

الله سبحانه سيبارك لك حياتك الجديدة ة يجعل بنكم سكنا و مودة و رحمة

و بالنسبة للأمور الأخرى فمثل ما قالوا الأخوات كله بيجي بوقته

السلام عليكم و رحمة الله و بركاته

ينقل لركن أفكار و خبرات...

هلا حبيبتي "الجورية الحمرة"

البنات ماقصروا معاج وانا اضيف هالموضوع عن الدلع

ان شاء الله يعجبج

×°°••.الدلـــــــع على اصـوله.....تعالو نتعلم .••°°×

اختج
#رومانسية#

لبي قلبي انااا ... الله يسلمك على الرد الحلووو وبالنسبه لسؤالك ... مااظن بنت جيرانا تكذب .
وبما انها ميب موجوده بسمح لنفسي بالرد على البنات ..:smile:








النجمه اللامعه .. مشكوره على الرد الجميل حبيبتي ..اما بالنسبه لمسأله هدم أسره تأكدي ان لوو كان فيه اسرره او اطفال كان اول وحده بتعترض وبتجززع انا .. واقصد اجززع بزوجته الاولى :s
واظن مافي احد بالدنيا مايشوف عدم التكافؤ في زواجه الاول وانا مااتكلم من ناحيه السن وبس لانه ممكن يكون سبب بسيط .. لكن حتى الذريه .. ثانكس مره ثانيه








سمراء سودان .. يسمع منك ربي ياعسل ..وتتفجر قريب من غير شررر ههههه:shy:
والله يبارك في حياتك







الاخت ريم :: لافض فوووك حبيبتي والله انك عقل وثقل ماشاء الله .. انا لي فتره احاول اقنعها بها الكلام ..لكن مثل ماقالو الخوات هي صغيررره ومبسوطه .. وبما ان خطيبها غامض بمسأله زوجته الاولى .. وبصراحه انا اعتبره نبل منه ... فهي تحسينها على نااار ... المرأه هي المرأه .. والفضول قتل القط اتمنى انه مايسوي بها نفس الشي هه.. كعمووووم دعواتكم بالتوفيق لها حبيباتي .. ولي اللي نزلت الموضووع .. ل لانه مهما كانت الوحده مدلعه تبي احد يذكرها يوم انها انثى ويجيب لها افكااار جديده ...مره ثانيه وثالثه مشكوووره على الرد الرائع والجميل ..ريم









حبيبتي الاخت رومنسيه ... مشكوووررررررره ياعسل والله يزيدك انشاء الله رومنسيه ودلع على مانتي عليه ... بس عاد لا تسيحين يازبده ....سوري امزززح
والله ياقلبي ماقصرتي .. كفيتي ووفييتي .. وانا احترم فيك جدا جوابك على قد سؤالي ..والموضوع رائع وجميييل جدا .. صح اني ماني مخطوبه ولاشي بس سمحت لنفسي بالاطلااااع عليه مع عسوووولتي بنت جيراننا ... وهي تشكرررر فيك كتيرررر اوي ..
ثانكس اقين .. يعني مرتن ثانيه :D:D:D